സംസ്ഥാനത്ത് തുടർച്ചയായ അഞ്ച് ദിവസത്തെ വർദ്ധനവി​നൊടുവിൽ തിരിച്ചിറങ്ങി സ്വർണ വില. ഇന്ന് പവന് 1960 രൂപയുടെ കുറവുണ്ടായി. ഗ്രാമിന് 245 രൂപയാണ് കുറഞ്ഞത്. ഇതോടെ 22 കാരറ്റ് സ്വർണം ഗ്രാമിന് 13,140 രൂപയിലും പവന് 1,05,120 രൂപയിലുമാണ് വ്യാപാരം നടക്കുന്നത്.

രാവിലെ വ്യാപാരം ആരംഭിച്ചപ്പോൾ വിലയിൽ മാറ്റമില്ലെന്നാണ് അറിയിച്ചിരുന്നത്. എന്നാൽ, ഒരു മണിക്കൂറിനുള്ളിൽ വിലയിൽ ഇടിവ് രേഖപ്പെടുത്തുകയായിരുന്നു.

അതേസമയം ദീപാവലി ആഘോഷങ്ങൾക്ക് തുടക്കമിടുന്ന ധൻതേരാസ് ദിനമായ ഇന്ന് സ്വർണ വിലയിലെ ഈ കുറവ് ആഭരണ പ്രേമികൾക്ക് ആശ്വാസമാണെങ്കിലും നിക്ഷേപകർക്ക് കനത്ത തിരിച്ചടിയായിരിക്കുകയാണ്.