പ്രധാന കാര്‍ഷികോല്‍പ്പന്നങ്ങളായ റബര്‍, കുരുമുളക്, കൊപ്ര എന്നിവയുടെ വില ഉയര്‍ന്ന ഒരുവാരമാണ് വിപണി പിന്നിട്ടത്. സ്വര്‍ണവില ഉയര്‍ന്നു; ചുക്കിന് വിലകുറഞ്ഞു. അടക്ക, മഞ്ഞള്‍ ,പഞ്ചസാര, ജാതിക്ക, വറ്റല്‍മുളക്, അരി, ഗ്രാമ്പു, കച്ചോലം എന്നിവയുടെ വിലയില്‍ മാറ്റമില്ല.

ഉത്തരേന്ത്യയില്‍ കുരുമുളകിന്റെ സ്‌റ്റോക്ക് തീര്‍ന്നതോടെ വില ഉയരുമെന്ന നിഗമനത്തില്‍ വന്‍കിട കര്‍ഷകര്‍ കുരുമുളക് പിടിച്ചുവെയ്ക്കാന്‍ തുടങ്ങി. അതോടെ കുരുമുളക് വില ക്വിന്റലിന് 2000 രൂപയാണ് കൂടിയത്.

കുരുമുളക് ടണ്ണിന് 11700 ഡോളറാണ് രാജ്യാന്തരവിപണിയില്‍ നമ്മുടെ കയറ്റുമതിക്കാര്‍ വില നിശ്ചയിച്ചത്. മറ്റ് ഉല്‍പ്പാദക രാജ്യങ്ങളായ ഇന്തോനേഷ്യ, ബ്രസീല്‍,വിയറ്റ്‌നാം എന്നീ രാജ്യങ്ങള്‍ ഇതില്‍ കുറഞ്ഞ വില അമേരിക്കയ്ക്ക് ഓഫര്‍ ചെയ്യുന്നുണ്ടെങ്കിലും അവരുടെ പക്കല്‍ കുരുമുളകില്ല. രാജ്യാന്തരവില ഉയര്‍ന്നുവെങ്കിലും പുതിയ കരാറിനായി കയറ്റുമതിക്കാര്‍ വില ഉയര്‍ത്തിയിട്ടില്ല. അമേരിക്ക,യൂറോപ്പ് തുടങ്ങിയ രാജ്യങ്ങളില്‍ നിന്ന് കുരുമുളകിനായി അന്വേഷണം തുടരുന്നുണ്ട്.

സര്‍ക്കാര്‍ ഇടപെട്ടതോടെ റബര്‍ വിലമെച്ചപ്പെട്ടു. ടയര്‍ കമ്പനികള്‍ വില ഉയര്‍ത്തി വാങ്ങി. നികുതിയില്‍ ഇളവ് അനുവദിച്ചതാണ് ടയര്‍ കമ്പനികള്‍ വില ഉയര്‍ത്തിവാങ്ങാന്‍ തുടങ്ങിയത്. മഞ്ഞുകാലമായി. ഇനി റബറിന്റെ ഉല്‍പാദനം കുറയും. അടുത്തമാസം റബറിന് ഇലപൊഴിയും കാലമാണ്. വരുംനാളുകള്‍ റബറിന് വിലകൂടാനാണ് സാധ്യത.

 
വെളിച്ചെണ്ണ ക്വിന്റലിന് 400 രൂപയും കൊപ്ര ക്വിന്റലിന് 400 രൂപയും വിലകൂടി. പിണ്ണാക്ക് വിലയില്‍ മാറ്റമില്ല. നാളികേര വില ഉയര്‍ന്നതാണ് കൊപ്ര വില കൂടിയത്. ശബരിമല സീസണ്‍ കഴിയുന്നതോടെ കൊപ്ര വിലകുറയും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha