വാഹനം സ്വന്തമായിട്ടുള്ളവര്‍ തീര്‍ച്ചയായും ഇത് അറിഞ്ഞിരിക്കുക. വാഹനം കൈമാറ്റം ചെയ്യുമ്പോള്‍ ഉടമസ്ഥത മാറ്റാനുള്ള അവകാശം ഇനിമുതല്‍ വില്‍ക്കുന്നയാള്‍ക്കാണ്. വാഹന ഉടമസ്ഥാവകാശ കൈമാറ്റം ചെയ്യാനുള്ള ചട്ടങ്ങളില്‍ ഗതാഗത വകുപ്പ് മാറ്റം വരുത്തി.

ഇതുവരെ വാഹനം വാങ്ങുന്നയാളാണ് പേരുമാറ്റത്തിന് അപേക്ഷിച്ചിരുന്നത്. എന്നാല്‍ പലപ്പോഴും വാങ്ങുന്ന പലരും വാഹനം സ്വന്തം പേരിലാക്കാതെ നീട്ടിക്കൊണ്ടു പോകും. പിന്നീടുണ്ടാകുന്ന നിയമ പ്രശ്‌നങ്ങള്‍ക്ക് യഥാര്‍ത്ഥ ഉടമയാണ് ഉത്തരവാദി ആയിരുന്നത്. ഇതിനുള്ള പരിഹാരമാണ് പുതിയ നടപടി.
പുതിയ ഉത്തരവോടെ വാഹനം വില്‍ക്കുന്നയാളുടെ പരിധിയിലുള്ള ആര്‍ടി ജോയിന്റ് ആര്‍ടി ഓഫിസില്‍ ആദ്യ അപേക്ഷ നല്‍കണം. മോട്ടോര്‍വാഹന വകുപ്പിന്റെ വെബ്‌സൈറ്റ് വഴി ഫോം 29 പൂരിപ്പിച്ച് ഓണ്‍ലൈന്‍ വഴിയാണു അപേക്ഷിക്കേണ്ടത്. തുടര്‍ന്നു ഓണ്‍ലൈന്‍ അപേക്ഷയുടെ പ്രിന്റൗട്ട് സഹിതം വാങ്ങുന്ന ആളുടെ പരിധിയിലുള്ള ആര്‍ടി ഓഫീസില്‍ അപേക്ഷ സമര്‍പ്പിക്കണം.
ഈ അപേക്ഷയ്‌ക്കൊപ്പം വാഹനം വാങ്ങുന്നയാളുടെ വിലാസം തെളിയിക്കുന്ന രേഖയുടെ അറ്റസ്റ്റ് ചെയ്ത പകര്‍പ്പും രണ്ടു ഫോട്ടോകളും ആര്‍സി ബുക്ക്, ഇന്‍ഷ്വറന്‍സ് സര്‍ട്ടിഫിക്കറ്റ്, പുകപരിശോധന സര്‍ട്ടിഫിക്കറ്റ് എന്നിവയുടെ സ്വയം സാക്ഷ്യപ്പെടുത്തിയ പകര്‍പ്പുകളും ഉണ്ടാകണം. നടപടിക്രമം പൂര്‍ത്തിയാകുന്ന മുറയ്ക്കു വാഹനം വാങ്ങുന്നയാളുടെ ആര്‍ടി ഓഫിസിലേക്ക് ഇ മെയില്‍ വഴി സന്ദേശം നല്‍കും. തുടര്‍ന്നു മാത്രമേ വാഹനം വാങ്ങുന്നവര്‍ക്കു വാഹനം സ്വന്തം പേരില്‍ രജിസ്റ്റര്‍ ചെയ്യാന്‍ അപേക്ഷ നല്‍കാനാകൂ.
ഇതിനായി സി ഫോം 30 ഉപയോഗിച്ച് അപേക്ഷ സമര്‍പ്പിക്കാം. തുടര്‍ന്നു വാഹനം വാങ്ങിയ ആള്‍ക്കു രജിസ്‌ട്രേഡ് തപാലായി വാഹനത്തിന്റെ രേഖകള്‍ അയച്ചു കൊടുക്കും. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha