സംസ്ഥാനത്ത് ഇന്ധനവില മാറ്റമില്ലാതെ തുടരുന്നു....
സംസ്ഥാനത്ത് ഇന്ധനവില മാറ്റമില്ലാതെ തുടരുന്നു. നാല് സംസ്ഥാനങ്ങളിലും ഒരു കേന്ദ്രഭരണ പ്രദേശത്തും തെരഞ്ഞെടുപ്പ് പ്രഖ്യാപിച്ചതോടെയാണ് രാജ്യത്ത് ഇന്ധനവില കാര്യമായ മാറ്റമില്ലാതെ തുടരുന്നത്.
24 ദിവസത്തോളം ഇന്ധനവിലയില് കാര്യമായ മാറ്റമില്ലാതെ തുടര്ന്നതിനു ശേഷം ബുധനാഴ്ചയും വ്യാഴാഴ്ചയും വിലയില് നേരിയ കുറവുണ്ടായിരുന്നു. എന്നാല്, കഴിഞ്ഞ ഒരു മാസത്തോളമായി ഇന്ധനവിലയില് കാര്യമായ വര്ദ്ധനയില്ലാത്തത് പൊതുജനത്തിന് വലിയ ആശ്വാസമായിട്ടുണ്ട്.
കേരളത്തില് പെട്രോളിന് ശരാശരി വില ലിറ്ററിന് 91.3 ആണ്. ഡീസലിന് ലിറ്ററിന് 84.09 ആണ് വില.കേരളത്തില് തന്നെ സ്ഥലങ്ങള് മാറുന്നതിന് അനുസരിച്ച് പെട്രോള്, ഡീസല് വിലകളിലും മാറ്റമുണ്ട്.
പെട്രോളിനും ഡീസലിനും ഏറ്റവും കൂടിയ വില തലസ്ഥാനമായ തിരുവനന്തപുരത്ത് ആണ്. തിരുവനന്തപുരത്ത് പെട്രോളിന് ലിറ്ററിന് 92.64 രൂപയും ഡീസലിന് 87.13 രൂപയുമാണ്.
അതേസമയ, തുടര്ച്ചയായ ദിവസങ്ങളില് മാറ്റമില്ലാതെ തുടര്ന്ന ഇന്ധനവിലയാണ് കഴിഞ്ഞദിവസം അന്താരാഷ്ട്ര വിപണിയില് മാറ്റമുണ്ടായതിന്റെ ചുവടു പിടിച്ച് കുറഞ്ഞത്. അന്താരാഷ്ട്ര വിപണിയില് അസംസ്കൃത എണ്ണവില കുറഞ്ഞപ്പോള് അത് ഇന്ത്യയിലും പ്രതിഫലിക്കുമെന്ന് റിപ്പോര്ട്ടുകള് ഉണ്ടായിരുന്നു.
ഇതിനിടെ ഇന്ധനവില കുറയ്ക്കാന് കേന്ദ്ര സര്ക്കാര് ഇടപെടണമെന്ന് പ്രതിപക്ഷം ഉള്പ്പെടെ നിരന്തരം ആവശ്യപ്പെട്ടിരുന്നു. കഴിഞ്ഞമാസം രാജസ്ഥാന്, മധ്യപ്രദേശ്, മുംബൈ എന്നിവിടങ്ങളിലെ ചില പ്രദേശങ്ങളില് ഒരു ലിറ്റര് പെട്രോള് വില 100 രൂപ കടന്നിരുന്നു.
അന്താരാഷ്ട്ര വിപണിയില് ക്രൂഡ് ഓയില് വില കുത്തനെ കുറഞ്ഞിരുന്നു. 529 രൂപ കുറഞ്ഞിട്ടും ഇന്ധനവിലയില് കുറച്ചത് 39 പൈസ മാത്രമായിരുന്നു.
അന്താരാഷ്ട്ര വിപണയില് കഴിഞ്ഞ രണ്ടാഴ്ചയ്ക്കിടെ അസംസ്കൃത എണ്ണവില പത്തു ശതമാനം കുറഞ്ഞ് വീപ്പയ്ക്ക് 64 ഡോളറില് എത്തിയിരുന്നു. അന്താരാഷ്ട്ര വിപണിയില് ക്രൂഡ് ഓയിലിന്റെ വില കുറഞ്ഞ പശ്ചാത്തലത്തില് ആഭ്യന്തരവിപണയിലും വില കുറയ്ക്കാന് എണ്ണ കമ്ബനികള് തയ്യാറായേക്കുമെന്നാണ് റിപ്പോര്ട്ടുകള്.
"
https://www.facebook.com/Malayalivartha