ഇന്നും മാറ്റമില്ലാതെ സ്വര്ണ വില; വ്യാപാരം നടക്കുന്നത് ഈ മാസത്തെ ഏറ്റവും കുറഞ്ഞ നിരക്കില്
സ്വര്ണ വിലയില് ഇന്നു മാറ്റമില്ല. നിലവില് മാസത്തെ ഏറ്റവും കുറഞ്ഞ നിരക്കിലാണ് വ്യാപാരം നടക്കുന്നത്. ഇന്നലെ പവന് 80 രൂപ കുറഞ്ഞ് 35,200 രൂപയിലെത്തിയിരുന്നു. ഒരു ഗ്രാമിന് 44,00 രൂപയാണു വില. വെള്ളിയാഴ്ച ഒരു പവന് സ്വര്ണത്തിന് 35,280 രൂപയായിരുന്നു. ഈ മാസം നാല്, അഞ്ച്, ആറ് ദിവസങ്ങളില് പവന് 35,600 രൂപവെര രേഖപ്പെടുത്തിയിരുന്നു.
എന്നാല് ഈ വര്ഷം അവസാനത്തോടെ സ്വര്ണവില കുതിക്കുമെന്നാണു റിപ്പോര്ട്ടുകള് സൂചിപ്പിക്കുന്നത്. ആഗോളതലത്തിലും സ്വര്ണ ആവശ്യകതയില് വന് വര്ധനയാണു രേഖപ്പെടുത്തുന്നത്.
കോവിഡിനെ തുടര്ന്ന് ഇന്ത്യയില് പവന് 42,000 രൂപ വരെ രേഖപ്പെടുത്തിയിരുന്നു. ഓഹരി വിപണികളും സമ്പദ്വ്യവസ്ഥയും തകര്ന്നടിഞ്ഞപ്പോഴും സ്വര്ണത്തിന്റെ ചെറുത്തുനില്പ്പ് ഏറെ ശ്രദ്ധ നേടിയിരുന്നു.
കോവിഡ് മൂന്നാംതരംഗം പടിക്കെ നില്ക്കേ സ്വര്ണത്തില് നിക്ഷേപിക്കാന് ആഗ്രഹിക്കുന്നവര്ക്കു മികച്ച അവസരമാണിതെന്നാണു വിദഗ്ധര് വ്യക്തമാക്കുന്നത്. സര്ക്കാരിനായി ആര്.ബി.ഐ. പുറത്തിറക്കുന്ന സ്വര്ണബോണ്ടിനും അടുത്തിടെയായി ആവശ്യക്കാര് വര്ധിക്കുകയാണെന്നാണു കണക്കുകള് വ്യക്തമാക്കുന്നത്.
https://www.facebook.com/Malayalivartha