സംസ്ഥാനത്ത് ഇന്നത്തെ സ്വർണവില കുതിച്ച് ഉയർന്നിരുക്കുകയാണ്. പതിവിലും വലിയമാറ്റമാണ് ഉണ്ടായിരിക്കുന്നത്. പവന് 800 രൂപയാണ് ഒറ്റയടിക്ക് ഇന്ന് കൂടിയിരിക്കുന്നത്. അതായത് ഇന്നത്തെ ഒരു പവൻ സ്വര്‍ണത്തിന്‍റെ വില. 37,440 രൂപയായി ഉയർന്നിരിക്കുകയാണ്. ഇതോടെ
ഗ്രാമിന് വില നൂറു രൂപ കൂടി 4680 രൂപയിൽ എത്തിനിൽക്കുകയാണ്. ഈ മാസം രേഖപ്പെടുത്തിയ ഏറ്റവും ഉയര്‍ന്ന വിലയാണ് ഇന്നത്തേത്. അതുമാത്രമല്ല 2 വർഷത്തിനിടെ ആദ്യമാണ് സ്വർണവില ഇത്രയാധികം ഉയരുന്നത് എന്ന പ്രത്യേക്തയുമുണ്ട്. ‌‌

വില ഇന്ന് ഇത്രയും കൂടാൻ കരണം റഷ്യ യുക്രൈൻ പ്രശ്നമാണെന്നാണ് റിപ്പോർട്ടുകൾ സൂചിപ്പിക്കുന്നത്. ഇത് മൂലം അന്താരാഷ്ട്ര വിപണിയിൽ വൻ വിലക്കയറ്റമാണ് ഉണ്ടായിരിക്കുന്നത്. രാജ്യാന്തര വിപണിയിൽ വില വിത്യാസമാണ് ആഭ്യന്തര വിപണിയിലും പ്രതിഫലിച്ചത്. ട്രോയ് ഔൺസിന് 1859 ഡോളറായാണ് ഉയർന്നിരിക്കുന്നത്. ഇന്നലെ അത് 1823.28 ഡോളറായിരുന്നു വില.

ഏതാനും ദിവസമായി സ്വര്‍ണ വില മാറിയും മറിഞ്ഞും നിൽക്കുകയായിരുന്നു. എന്നാൽ അടുത്തിടെ മുതൽ വർദ്ധനവ് ഉണ്ടായിക്കൊണ്ടിരിക്കുകയായിരുന്നു.ഈ മാസം 10ാം തീയതി 200 രൂപ വർദ്ധിച്ച് ഒരു പവൻ സ്വർണത്തിന് 36,640 രൂപയിൽ എത്തിയിരുന്നു. രാജ്യാന്തര വിപണിയിലും സ്വർണ വില ഉയർന്നു വരികയാണ്.ഒരാഴ്ച കൊണ്ട് 1360 രൂപയുടെ വര്‍ധനയാണ് സ്വര്‍ണവിലയിൽ രേഖപ്പെടുത്തിയത്. കോവിഡ് സാഹചര്യത്തിൽ വിപണികളിലുള്ള അസ്ഥിരതയാണ് സുരക്ഷിത നിക്ഷേപമെന്ന നിലയിൽ സ്വർണം വാങ്ങാൻ നിക്ഷേപകരെ പ്രേരിപ്പിക്കുന്നതെന്നാണ് വിദഗ്ധരുടെ നിരീക്ഷണം.

എന്നാൽ സാധരണക്കാരെ സംബന്ധിച്ച് സ്വർണവില ഇത്രയധികം കൂടിയത് വലിയ ഒരു തിരിച്ചടിയാണ്. സ്വർണ വ്യപാരികളെ സംബന്ധിച്ചി‌ടത്തോളം വിലകയറ്റം കാരണം സ്വർണം വാങ്ങാൻ വരുന്നവരുടെ എണ്ണം കുറയുകയും വിൽക്കാൻ എത്തുന്നവർ കൂടുകയും ചെയ്യുന്ന സ്ഥിതി വിശേഷത്തിലേക്കാണ് കാര്യങ്ങൾ നീങ്ങുന്നത്.

ജനുവരി 10നാണ് ഈ മാസത്തെ ഏറ്റവും കുറഞ്ഞ നിരക്കിൽ സ്വർണ വില എത്തിയത്. ഒരു പവൻ സ്വർണത്തിന് 35,600 രൂപയായിരുന്നു വില. ജനുവരി ഒന്നിന് 36,360 രൂപയായിരുന്നു വില. പിന്നീട് കൂടിയും കുറഞ്ഞും ചാഞ്ചാടുകയാണ് വില. 2022 ജനുവരി ആദ്യം മുതൽ തന്നെ അസ്ഥിരമായിരുന്നു സ്വർണവില. ഈ മാസം തുടക്കത്തിൽ മാറ്റമില്ലാതെ തുടങ്ങിയ സ്വർണവില പിന്നീട് കുതിച്ചുയരുകയായിരുന്നു. ഫെബ്രുവരിയിൽ മൂന്ന് ദിവസമായി വർദ്ധനവ് തുടരുകയായിരുന്നു.