സംസ്ഥാനത്ത് വീണ്ടും സ്വര്‍ണ വിലയില്‍ വര്‍ദ്ധനവ്. പവന് 240 രൂപ കൂടി 44,560 രൂപയിലെത്തി. ഗ്രാമിന് 30 കൂടി 5,570 രൂപയിലാണ് വ്യാപാരം നടക്കുന്നത്. ഇന്നലെ 44,320 രൂപയായിരുന്നു ഒരു പവന്റെ വില.

ഏപ്രില്‍ ആറിന് 44,720 രൂപയായിരുന്നു പവന്റെ വില. ഇത് ഏഴിന് 44,640 രൂപയിലെത്തുകയും തുടര്‍ന്ന് എട്ട്, ഒമ്പത് തീയതികളില്‍ സ്ഥിരത കൈവരിക്കുകയും ചെയ്തു.

ഈ മാസത്തെ ഇതുവരെയുള്ള ഏറ്റവും കൂടിയ വിലയായ 45,000 രൂപ ഏപ്രില്‍ അഞ്ചിനും കുറഞ്ഞ വിലയായ 43,760 രൂപ ഏപ്രില്‍ മൂന്നിനും രേഖപ്പെടുത്തി.

അതേസമയം വില കൂടിയാലും കുറഞ്ഞാലും സ്വര്‍ണത്തെ സുരക്ഷിത നിക്ഷേപമായാണ് കേരള ജനത എന്നും കാണുന്നത്. നിക്ഷേപ മൂല്യം എന്നതിലുപരി സ്വര്‍ണത്തെ ആഭരണങ്ങളായും നാണയങ്ങളായും കൈവശം വെയ്ക്കാന്‍ ആളുകള്‍ താത്പര്യപ്പെടുന്നു.

സ്വര്‍ണത്തിന്റെ രാജ്യാന്തര വില, ഡോളര്‍ രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വര്‍ണ വില നിര്‍ണയിക്കപ്പെടുന്നത്.