മെഡിക്കല്, എന്ജിനിയറിംഗ് എന്ട്രന്സ് പ്രോസ്പെക്ടസ് ഭേദഗതികളോടെ ഇന്നു പുറത്തിറങ്ങും
മുന് വര്ഷങ്ങളില്നിന്നു വിഭിന്നമായ നിരവധി ഭേദഗതികളോടെയുള്ള മെഡിക്കല്, എന്ജിനിയറിംഗ് പ്രോസ്പെക്ടസ് ഇന്നു പുറത്തിറങ്ങും. ഇന്ന് ഉച്ചയ്ക്കു പിആര്ഡി ചേംബറില് വച്ച് നടക്കുന്ന ചടങ്ങില് വിദ്യാഭ്യാസമന്ത്രി അബ്ദുറബാണ് പ്രോസ്പെക്ടസ് പ്രകാശനം ചെയ്യുന്നത്.
യോഗ്യതാ പരീക്ഷയില് നിശ്ചിത ശതമാനം മാര്ക്കു ലഭിച്ചിട്ടുണ്ടെങ്കില് പ്രൊഫഷനല് കോഴ്സ് പ്രവേശന റാങ്ക് പട്ടികയില് ഇടംലഭിക്കുന്നത് താരതമ്യേന എളുപ്പമായിരിക്കയാണ്. പ്രവേശനപരീക്ഷയില് മാര്ക്കില്ലാത്തവര്ക്കും റാങ്ക് പട്ടികയില് സ്ഥാനം നേടാനാവുന്ന രീതിയിലുള്ള ഭേദഗതികള് ഇത്തവണ പ്രോസ്പെക്ടസില് ഉള്പ്പെടുത്തിയതായാണു സൂചന. ഇതോടെ പ്രഫഷണല് കോഴ്സ് പ്രവേശനം സാധ്യമാകുന്നതിന് പ്ലസ് ടുവിനു നിശ്ചിത ശതമാനം മാര്ക്ക് നേടിയാല് മതി എന്ന സ്ഥിതിയാകും.
സ്വാശ്രയ എന്ജിനിയറിംഗ് കോളജുകളിലെ മാനേജ്മെന്റ് സീറ്റില് പ്രവേശനം ആഗ്രഹിക്കുന്നവര്ക്ക് യോഗ്യതാ പരീക്ഷയുടെ മാര്ക്കില് ഇളവ് അനുവദിക്കാനും തീരുമാനമായിട്ടുണ്ട്.
സ്വാശ്രയ എന്ജിനിയറിംഗ് കോളജുകളിലെ സര്ക്കാര് സീറ്റില് പ്രവേശനം ആഗ്രഹിക്കുന്നവര്ക്ക് കണക്കിന് 50 ശതമാനവും ഫിസിക്സ്, കെമിസ്ട്രി, കണക്ക് എന്നിവയ്ക്കു മൊത്തത്തില് 50 ശതമാനവും മാര്ക്ക് വേണമെന്നതിന് മാറ്റമില്ല. എന്നാല് സ്വാശ്രയ എന്ജിനിയറിംഗ് കോളജുകളിലെ മാനേജ്മെന്റ് സീറ്റില് പ്രവേശനം ആഗ്രഹിക്കുന്നവര്ക്ക് കണക്കിന് 45 ശതമാനവും ഫിസിക്സ്, കെമിസ്ട്രി, കണക്ക് എന്നിവയ്ക്കു മൊത്തത്തില് 45 ശതമാനവും മാര്ക്ക് ഉണ്ടായാല് മതി എന്ന ഭേദഗതി വരുത്തിയിട്ടുള്ളതായാണ് സൂചന.
ഇതര സംസ്ഥാനങ്ങളിലുള്ളവര് ഇവിടത്തെ പ്രവേശന പരീക്ഷ എഴുതിയാല് സംസ്ഥാനത്തെ സ്വാശ്രയ എന്ജിനിയറിംഗ് കോളജുകളിലെ സര്ക്കാര്, മാനേജ്മെന്റ് സീറ്റുകളില് പ്രവേശനം നല്കാമെന്ന വ്യവസ്ഥയും പുതിയ പ്രോസ്പെക്ടസില് ഉള്പ്പെടുത്തിയതായും പറയപ്പെടുന്നു.
നെഗറ്റീവ് മാര്ക്കുകാരെ റാങ്ക് പട്ടികയില് ഉള്പ്പെടുത്തുമെങ്കിലും മൂല്യനിര്ണയത്തില് തെറ്റായ ഉത്തരങ്ങള്ക്ക് നെഗറ്റീവ് മാര്ക്ക് സമ്പ്രദായം എടുത്തുകളയില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha