31ന് തിരുവനന്തപുരം, എറണാകുളം, കോഴിക്കോട് എന്നീ കേന്ദ്രങ്ങളില്‍ നടത്തുന്ന 2016-17ലെ മെഡിക്കല്‍ പിജി കോഴ്‌സുകളിലേക്കുള്ള പ്രവേശനപരീക്ഷയ്ക്ക് അപേക്ഷ സമര്‍പ്പിച്ചവരുടെ അഡ്മിറ്റ് കാര്‍ഡുകള്‍ 16 മുതല്‍ www.cee.kerala.gov.in 
ന്ന് ഡൌണ്‍ലോഡ് ചെയ്യാം. വെബ്‌സൈറ്റിലെ PGM2016-Candidate Profile   എന്ന ലിങ്കില്‍ ക്‌ളിക്ക് ചെയ്യുമ്പോള്‍ ലഭ്യമാകുന്ന പേജില്‍ ആപ്‌ളിക്കേഷന്‍ നമ്പറും ജനനതീയതിയും കൃത്യമായി നല്‍കിയതിനുശേഷം Admit Card എന്ന മെനു ഐറ്റം ക്‌ളിക്ക് ചെയ്ത് അഡ്മിറ്റ് കാര്‍ഡിന്റെ പ്രിന്റൌട്ട് എടുക്കാം. ഈ അഡ്മിറ്റ് കാര്‍ഡുമായാണ് അപേക്ഷകന്‍ പരീക്ഷാഹാളില്‍ ഹാജരാകേണ്ടത്. തപാല്‍വഴി അഡ്മിറ്റ് കാര്‍ഡ് വിതരണംചെയ്യുന്നതല്ല.

അപേക്ഷയിലെ അപാകതമൂലം ചില അപേക്ഷകരുടെ അഡ്മിറ്റ് കാര്‍ഡ് തടഞ്ഞുവച്ചിട്ടുണ്ട്. അവര്‍ അഡ്മിറ്റ് കാര്‍ഡിനായുള്ള ലിങ്ക് ക്‌ളിക്ക് ചെയ്യുമ്പോള്‍ തങ്ങളുടെ അപേക്ഷയിലെ ന്യൂനതകളുടെ വിശദവിവരങ്ങള്‍ കാണാം. ന്യൂനതകള്‍ പരിഹരിക്കുന്നതിനുള്ള ചില ഫോര്‍മാറ്റുകളും വെബ്‌സൈറ്റില്‍ ലഭ്യമാണ്. അത്തരം അപേക്ഷകര്‍ ബന്ധപ്പെട്ട രേഖകള്‍ ഈ ഓഫീസില്‍ 25ന് വൈകിട്ട് ആറിനുമുമ്പ് നേരിട്ടോ സ്പീഡ്‌പോസ്റ്റ്/രജിസ്‌റ്റേഡ് പോസ്റ്റ് മുഖേനയോ സമര്‍പ്പിച്ച് അവരുടെ അപേക്ഷയിലെ ന്യൂനതകള്‍ പരിഹരിക്കേണ്ടതാണ്. രേഖകള്‍ അയക്കുന്ന കവറിനുപുറത്ത് \'P G MEDICAL ENTRANCE EXAMINATION 2016-DOCUMENTS FOR MEMO CLEARANCE\'  എന്ന് എഴുതേണ്ടതാണ്. ആപ്‌ളിക്കേഷന്‍ നമ്പറിനുവേണ്ടി, പ്രവേശനപരീക്ഷയ്ക്ക് അപേക്ഷിച്ചിട്ടുള്ളവരുടെ ലിസ്റ്റ് വെബ്‌സൈറ്റില്‍ പ്രസിദ്ധീകരിച്ചിട്ടുള്ളത് പരിശോധിക്കാം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha