ബെല്ലിൽ 147 എൻജിനീയർ
നവരത്ന കമ്പനിയായ ഭാരത് ഇലക്ട്രോണിക്സ് ലിമിറ്റഡ് (ബെൽ) എൻജിനീയർമാരുടെ തസ്തികയിലേക്ക് അപേക്ഷ ക്ഷണിച്ചിരിക്കുന്നു.
ആകെ 147 ഒഴിവുകളാണുള്ളത്.അതിൽ ഇലക്ട്രോണിക്സ് വിഭാഗത്തിൽ 81 ഒഴിവുകളും മെക്കാനിക്കലിൽ 50 ഒഴിവുകളും ഇലക്ട്രിക്കലിൽ 3 ഉം കംപ്യുട്ടർ സയൻസിൽ 13 ഒഴിവുകളുമാണുള്ളത്.
തുടക്കത്തിൽ ഒരു വർഷത്തേക്കുള്ള കരാർ അടിസ്ഥാനത്തിലായിരിക്കും നിയമനം ഉണ്ടാകുക.ആവശ്യമെന്ന് കണ്ടാൽ നീട്ടി നൽകുന്നതായിരിക്കും.ബെംഗളൂരു യൂണിറ്റിലെ സി.എസ്.ജി. ,എസ്.ബി.യു കളിലേക്കാണ് നിയമനം ഉണ്ടായിരിക്കുക.
യോഗ്യത : ഇലക്ട്രോണിക്സ് അല്ലെങ്കിൽ ഇലക്ട്രോണിക്സ് ആൻഡ് കമ്മ്യുണിക്കേഷൻ അല്ലെങ്കിൽ ഇലക്ട്രോണിക്സ് ആൻഡ് ടെലികമ്മ്യുണിക്കേഷൻ, മെക്കാനിക്കൽ,ഇലക്ട്രിക്കൽ,ഇലക്ട്രിക്കൽ ആൻഡ് ഇലക്ട്രോണിക്സ്, കംപ്യുട്ടർ സയൻസ് അല്ലെങ്കിൽ ഇൻഫർമേഷൻ ടെക്നോളജി അല്ലെങ്കിൽ ഇൻഫർമേഷൻ സയൻസ് എന്നീ വിഷയങ്ങളിൽ അംഗീകൃത സർവകലാശാലയിൽ നിന്നോ സ്ഥാപനത്തിൽ നിന്നോ നേടിയ ബി.ഇ. അല്ലെങ്കിൽ ബി.ടെക്. കൂടാതെ ആറുമാസത്തെ പ്രവൃത്തിപരിചയം എന്നിവ ഉണ്ടായിരിക്കണം.
ഉയർന്ന അപ്രായപരിധി 25 വയസ്സാണ്. എസ്.സി. ,എസ്.ടി. വിഭാഗക്കാർക്ക് 5 ഉം ഒ.ബി.സി വിഭാഗത്തിന് മൂന്നും ഭിന്നശേഷിക്കാർക്ക് 10 ഉം വർഷത്തെ ഇളവ് ലഭിക്കുന്നതായിരിക്കും.സെപ്റ്റംബർ 1 അടിസ്ഥാനമാക്കിയായിരിക്കും പ്രായം കണക്കാക്കുക.
പ്രതിമാസം 23000 രൂപവരെ ലഭിക്കുന്നതാണ്.എഴുത്തുപരീക്ഷ, അഭിമുഖം എന്നിവ വഴിയാണ് തിരഞ്ഞെടുപ്പ് നടത്തുക.
താത്പര്യമുള്ള ഉദ്യോഗാർത്ഥികൾ ഓഗസ്റ്റ് 30 നു മുൻപ് ഓൺലൈനായി അപേക്ഷ സമർപ്പിക്കേണ്ടതാണ്.
കൂടുതൽ വിവരങ്ങൾക്ക്
www.bel-india.in
https://www.facebook.com/Malayalivartha