ഇൻഡോ ടിബറ്റൻ ബോർഡർ ഫോഴ്സിൽ വിവിധ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

ആകെ 390 ഒഴുവുകളാണുള്ളത്.അപേക്ഷ ക്ഷണിച്ചുകൊണ്ടുള്ള വിശദമായ വിജ്ഞാപനം ഉടൻ പുറത്തിറങ്ങുന്നതായിരിക്കും.

വനിതകൾക്കും ഈ തസ്തികയിലേക്ക് അപേക്ഷിക്കാവുന്നതാണ്.

സെപ്തംബർ 9 മുതൽ ഒക്ടോബർ 3 വരെ ഓൺലൈനായി അപേക്ഷ സ്വീകരിക്കുന്ന രീതിയിലാണ് വിജ്ഞാപനം തയ്യാറായി വരുന്നത്.ടെലികോം വിഭാഗത്തിലെ സബ് ഇൻസ്‌പെക്‌ടർ , കോൺസ്റ്റബിൾ ,ഹെഡ്കോൺസ്റ്റബിൾ തസ്തികകളിലായാണ് ഒഴിവുകൾ ഉള്ളത്.

1.സബ് ഇൻസ്‌പെക്‌ടർ:
ഈ തസ്തികയിലേക്ക് 17 ഒഴിവുകളാണുള്ളത്.
പ്രതിമാസ ശമ്പളം 35400 രൂപ മുതൽ 112400 രൂപവരെ ലഭിക്കുന്നതാണ്.

2.ഹെഡ്കോൺസ്റ്റബിൾ :
ഈ തസ്തികയിലേക്ക് 155 ഒഴിവുകളാണുള്ളത്.
പ്രതിമാസ ശമ്പളം 25500 രൂപമുതൽ 81100 രൂപവരെ ലഭിക്കുന്നതാണ്.

3.കോൺസ്റ്റബിൾ :
ഈ തസ്തികയിലേക്ക് 218 ഒഴിവുകളാണുള്ളത്.
പ്രതിമാസ ശമ്പളം 21700 മുതൽ 69100 വരെ ലഭിക്കുന്നതാണ്.

സബ്ഇൻസ്‌പെക്‌ടർ തസ്തികയിലേക്ക് 200 രൂപയും, ഹെഡ്കോൺസ്റ്റബിൾ, കോൺസ്റ്റബിൾ തസ്തികയിലേക്ക് 100 രൂപയുമാണ് അപേക്ഷാ ഫീസ്.എസ്.സി. ,എസ്.ടി. വിഭാഗക്കാർ , വനിതകൾ,വിമുക്തഭടർ എന്നിവർക്ക് അപേക്ഷാഫീസ് ബാധകമല്ല.

താത്പര്യമുള്ള ഉദ്യോഗാർത്ഥികൾ www.recruitment.itbpolice.nic.in എന്ന വെബ്സൈറ്റിൽ ഔദ്യോഗിക വിജ്ഞാപനം പ്രസിദ്ധീകരിച്ചതിനുശേഷം ഓൺലൈനായി അപേക്ഷ സമർപ്പിക്കേണ്ടതാണ്.

കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക
www.recruitment.itbpolice.nic.in