റിസർവ് ബാങ്ക് ഓഫ് ഇന്ത്യ സ്പെഷ്യലിസ്റ്റ് കേഡറിലെ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

മൊത്തം 60 ഒഴിവുകളാണുള്ളത്.ഫിനാൻസ്,ഡേറ്റ അനലറ്റിക്സ്,റിസ്ക് മോഡലിംഗ്,ഫൊറന്സില് ഓഡിറ്റ്,പ്രൊഫഷണൽ കോപ്പി എഡിറ്റിങ്,ഹ്യുമൻ റിസോഴ്‌സ് മാനേജ്‌മന്റ് എന്നീ വിഭാഗങ്ങളിലാണ് ഒഴിവുകൾ ഉള്ളത്.

പരസ്യ നമ്പർ : 2A / 2018-19

1.ഫിനാൻസ് :
ഈ തസ്തികയിലേക്ക് 14 ഒഴിവുകളാണുള്ളത്.
യോഗ്യത : 55 ശതമാനം മാർക്കോടെ ഇക്കണോമിക്സ് അല്ലെങ്കിൽ കൊമേഴ്‌സ് അല്ലെങ്കിൽ എം.ബി.എ. ഫിനാൻസ് അല്ലെങ്കിൽ പി.ജി.ഡി.എം. ഫിനാൻസ് ബിരുദാനന്തര ബിരുദം കൂടാതെ മൂന്നുവർഷത്തെ പ്രവൃത്തിപരിചയം എന്നിവ ഉണ്ടായിരിക്കണം.സി.എ. , ഐ.സി.ഡബ്ള്യു .എ. തുടങ്ങിയവ അനിവാര്യ യോഗ്യതകളാണ്.

2.ഡാറ്റ അനലറ്റിക്സ് :
ഈ തസ്തികയിലേക്ക് 14 ഒഴിവുകളാണുള്ളത്.
യോഗ്യത : 55 ശതമാനം മാർക്കോടെ എം.ബി.എ. ഫിനാൻസ് , എം.സ്റ്റാറ്റ്.കൂടാതെ അനലിസ്റ്റായി പ്രവൃത്തിപരിചയ൦ ഉണ്ടായിരിക്കണം.

3.റിസ്ക് മോഡലിംഗ് :
ഈ തസ്തികയിലേക്ക് 12 ഒഴിവുകളാണുള്ളത്.
യോഗ്യത : 55 ശതമാനം മാർക്കോടെ എം.ബി.എ. ഫിനാൻസ് , എം.സ്റ്റാറ്റ് കൂടാതെ 3 വർഷത്തെ പ്രവൃത്തിപരിചയം അനിവാര്യമാണ്.

4.ഫോറൻസിക് ഓഡിറ്റ്:
ഈ തസ്തികയിലേക്ക് 12 ഒഴിവുകളാണുള്ളത്.
യോഗ്യത : സി.എ. അല്ലെങ്കിൽ ഐ.സി.ഡബ്ള്യു .എ. , ഫോറൻസിക് അക്കൗണ്ടിങ് ആൻഡ് ഫ്രോഡ് ഡിറ്റക്ഷനിൽ ഐ.സി.ഐ.എ.യിൽ നിന്നുള്ള കോഴ്സ് സർട്ടിഫിക്കറ്റ് എന്നിവയുണ്ടാകണം.

5.പ്രഫഷണൽ കോപ്പി എഡിറ്റിങ് :
ഈ തസ്തികയിലേക്ക് 4 ഒഴിവുകളാണുള്ളത്.
55 ശതമാനം മാർക്കോടെ ഇംഗ്ലീഷിൽ ബിരുദാനന്തര ബിരുദം.കോപ്പി എഡിറ്റിങ്ങിൽ 3 വർഷത്തെ പ്രവൃത്തിപരിചയം.കൂടാതെ ഹിന്ദിയിലുള്ള അറിവ് അനിവാര്യമാണ്.

6.ഹ്യുമൻ റിസോഴ്‌സ് മാനേജ്മെൻറ് :
ഈ തസ്തികയിലേക്ക് 4 ഒഴിവുകളാണുള്ളത് .
യോഗ്യത :ഹ്യുമൻ റിസോഴ്‌സ് മാനേജ്‌മന്റ് അല്ലെങ്കിൽ പേഴ്സണൽ മാനേജ്‌മന്റ് അല്ലെങ്കിൽ ഇൻഡസ്ട്രിയൽ റിലേഷൻ അല്ലെങ്കിൽ ലേബർ വെൽഫെയറിൽ 55 ശതമാനം മാർക്കോടെ ബിരുദാനന്തര ബിരുദം അല്ലെങ്കിൽ പി.ജി. ഡിപ്ലോമ കൂടാതെ 3 വർഷത്തെ പ്രവൃത്തിപരിചയം ഉണ്ടായിരിക്കണം.

പ്രതിമാസ ശമ്പളം 35150 രൂപ ലഭിക്കുന്നതാണ്.
2018 ഓഗസ്റ്റ് 1 ന് 24 നും 34 നും മധ്യേ വയസ്സുള്ളവരായിരിക്കണം അപേക്ഷകർ.1984 ഓഗസ്റ്റ് 1 നും 1994 ഓഗസ്റ്റ് 1 നും ഇടയിൽ ജനിച്ചവർ ആകണം.എസ്.സി. ,എസ്.ടി. കാർക്ക് 5 വർഷവും ഒ.ബി.സി. ക്കാർക്ക് 3 വർഷവും വിമുക്തഭടർക്ക് നിബന്ധനകൾക്ക് വിധേയമായി 5 വർഷവും അംഗപരിമിതർക്ക് ചുരുങ്ങിയത് 10 വർഷവും ഉയർന്ന പ്രായത്തിൽ ഇളവ് ലഭിക്കുന്നതായിരിക്കും.

മൂന്നു ഘട്ടങ്ങളിലായുള്ള പരീക്ഷകളിലൂടെയാകും തിരഞ്ഞെടുപ്പ് നടത്തുക. ഒന്നാം ഘട്ടം ഓൺലൈൻ ഒബ്ജക്ടീവ് ടെസ്റ്റ് ആണ്.രണ്ടാം ഘട്ടം ഓൺലൈൻ ഡിസ്ക്രിപ്റ്റിവും മൂന്നാം ഘട്ടം ഓഫ്‌ലൈൻ ഡിസ്ക്രിപ്റ്റിവുമാണ്. സിലബസ് വെബ്‌സൈറ്റിൽ ലഭിക്കുന്നതായിരിക്കും.കൊച്ചിയും തിരുവനന്തപുരവുമാണ് പരീക്ഷാകേന്ദ്രങ്ങൾ.

അപേക്ഷാ ഫീസ് 850 രൂപ എസ്.സി. ,എസ്.ടി. കാർക്ക് 100 രൂപ ആയിരിക്കും.ഉദ്യോഗാർത്ഥികൾ ഓൺലൈനായി അപേക്ഷകൾ സമർപ്പിക്കേണ്ടതാണ്.ഓൺലൈൻ അപേക്ഷയിൽ ഉദ്യോഗാര്ഥിയുടെ ഫോട്ടോയും ഒപ്പും വിരലടയാളവും സ്കാൻ ചെയ്ത് അപ്‌ലോഡ് ചെയ്യണം.

താത്പര്യമുള്ള ഉദ്യോഗാർത്ഥികൾ സെപ്റ്റംബർ 7 നു മുൻപ് അപേക്ഷ സമർപ്പിക്കുക.

കൂടുതൽ വിവരങ്ങൾക്ക്
www.rbi.org.in