ഡൽഹി ഹോസ്പിറ്റലിൽ 991 നഴ്സ് ഒഴിവുകൾ
ന്യുഡൽഹിയിലെ സഫ്ദർജങ് ഹോസ്പിറ്റലിൽ നഴ്സിംഗ് ഓഫീസറുടെ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
ആകെ 991 ഒഴിവുകളാണുള്ളത്.ജനറൽ വിഭാഗത്തിന് 568 ഒഴിവുകളും ഒ.ബി.സി. ക്ക് 226 ഉം എസ്.സി.ക്ക് 128 ഉം എസ്.ടി. ക്ക് 69 ഒഴിവുകളുമാണുള്ളത്. മൊത്തം ഒഴിവുകളിൽ 50 ഒഴിവുകൾ അംഗപരിമിതർക്ക് സംവരണം ചെയ്തിട്ടുണ്ട്.
യോഗ്യത 1: നഴ്സിങ്ങിൽ ബി.എസ്സി. ഹോണേഴ്സ് അല്ലെങ്കിൽ ബി.എസ്സി. നഴ്സിങ് അല്ലെങ്കിൽ പോസ്റ്റ് ബേസിക് ബി.എസ്സി.നഴ്സിങ്.
യോഗ്യത 2 :നേഴ്സ് ആൻഡ് മിഡ് വൈഫ് രജിസ്ട്രേഷൻ. അല്ലെങ്കിൽ ജനറൽ നഴ്സിങ് ഡിപ്ലോമയും മിഡ് വൈഫറിയിൽ അംഗീകൃത രജിസ്ട്രേഷനും 350 കിടക്കകളുള്ള ഹോസ്പിറ്റലിൽ ഒരു വർഷത്തെ പ്രവൃത്തിപരിചയം എന്നിവ ഉണ്ടായിരിക്കണം.
പ്രായം 2018 സെപ്റ്റംബർ 5 ന് 35 കവിയാൻ പാടുള്ളതല്ല.എസ്.സി,എസ്.ടി.വിഭാഗക്കാർക്ക് 5 വർഷവും ഒ.ബി.സി. ക്കാർക്ക് 3 വർഷവും അംഗപരിമിതർക്ക് ചുരുങ്ങിയത് 10 വർഷവും വിമുക്തഭടന്മാർക്ക് നിബന്ധനകൾക്ക് വിധേയമായി 5 വർഷവും ഉയർന്ന പ്രായപരിധിയിൽ ഇളവുകൾ ലഭ്യമാകും.
എഴുത്തുപരീക്ഷയിലൂടെയാണ് തിരഞ്ഞെടുപ്പ് നടത്തുക.ഒക്ടോബർ 7 നു ആയിരിക്കും പരീക്ഷ.ഇന്ത്യയിലെ പ്രധാന നഗരങ്ങളിൽ പരീക്ഷാ കേന്ദ്രങ്ങളുണ്ടായിരിക്കുന്നതായിരിക്കും.കംപ്യുട്ടർ അധിഷ്ഠിത പരീക്ഷ രണ്ടു മണിക്കൂർ ആയിരിക്കും.50 മൾട്ടിപ്പിൾ ചോയിസ് ചോദ്യങ്ങളുണ്ടായിരിക്കുന്നതാണ്.തെറ്റായ ഉത്തരങ്ങൾക്ക് നാലിൽ ഒന്ന് എന്ന രീതിയിൽ നെഗറ്റിവ് മാർക്ക് ഉണ്ടായിക്കുന്നതാണ്.
1000 രൂപയാണ് അപേക്ഷാ ഫീസ്. എസ്.സി,എസ്.ടി.വിഭാഗക്കാർക്ക് 500 രൂപയും അംഗപരിമിതർക്ക് ഫീസ് ഉണ്ടായിരിക്കുന്നതല്ല.ഫീസ് ഡെബിറ്റ് കാർഡ് അല്ലെങ്കിൽ ക്രെഡിറ്റ് കാർഡ് അല്ലെങ്കിൽ നെറ്റ് ബാങ്കിങ് സംവിധാനം ഉപയോഗിച്ച ഓൺലൈനായി അടയ്ക്കേണ്ടതാണ്.ഓൺലൈൻ അപേക്ഷയിൽ ഉദ്യോഗാര്ഥിയുടെ ഫോട്ടോയും ഒപ്പും വിരലടയാളവും സ്കാൻ ചെയ്ത് അപ്ലോഡ് ചെയ്യണം.അപേക്ഷയുടെ പ്രിന്റൗട്ട് തപാലിൽ അയക്കേണ്ടതില്ല എന്നാൽ ഇതിന്റെ പ്രിന്റെടുത് സൂക്ഷിച്ചുവയ്ക്കണം.
താത്പര്യമുള്ള ഉദ്യോഗാർത്ഥികൾ സെപ്റ്റംബർ 5 നു മുൻപ് ഓൺലൈനായി അപേക്ഷ സമർപ്പിക്കുക.
കൂടുതൽ വിവരങ്ങൾക്ക്
www.vmmcsjh.nic.in
https://www.facebook.com/Malayalivartha