യു കെ യിലെ പ്രസിദ്ധമായ NHS ട്രസ്റ്റ് ഹോസ്പിറ്റലിൽ നഴ്സാകാൻ താൽപ്പര്യമുള്ളവർക്ക് ODEPC അവസരമൊരുക്കുന്നു. സെപ്റ്റംബർ 30 നു മുൻപ് അപേക്ഷ അയച്ചവരിൽ നിന്ന് തെരഞ്ഞെടുക്കപ്പെടുന്നവർക്ക് നവംബർ രണ്ടാമത്തെ ആഴ്ച ഇന്റർവ്യൂ നടത്തും
യു കെ യിലെ പ്രസിദ്ധമായ NHS ട്രസ്റ്റ് ഹോസ്പിറ്റലിൽ നഴ്സാകാൻ താൽപ്പര്യമുള്ളവർക്ക് ODEPC അവസരമൊരുക്കുന്നു. സെപ്റ്റംബർ 30 നു മുൻപ് അപേക്ഷ അയച്ചവരിൽ നിന്ന് തെരഞ്ഞെടുക്കപ്പെടുന്നവർക്ക് നവംബർ രണ്ടാമത്തെ ആഴ്ച ഇന്റർവ്യൂ നടത്തും
ജനറൽ മെഡിസിൻ ,മെഡിസിൻ ഫോർ എൽഡേർലി,ജനറൽ സർജറി,ട്രോമാ ഓർത്തോപീഡിക്സ് എന്നീ വിഭാഗങ്ങളിലേക്കാണ് നിയമനം. ഇതിനു പുറമെ തീയേറ്റർ നഴ്സുമാരുടെയും ഒഴിവുകളുണ്ട്. ഒരുവർഷമെങ്കിലും സർജിക്കൽ വാർഡിൽ പ്രവൃത്തി പരിചയമുള്ളവരെയാണ് പരിഗണിക്കുന്നത്.
കൂടാതെ, ജനറൽ സർജറി, ഗൈനെക്കോളജി , ഓർത്തോപീഡിക്സ് ട്രോമാ , ENT, ഹെഡ് & നെക്ക് സർജറി എന്നിവയിൽ ഏതെങ്കിലും രണ്ടു വിഭാഗങ്ങളിലെങ്കിലും ജോലി ചെയ്തിട്ടുള്ള പരിചയം വേണം
യോഗ്യത
ജനറൽ നഴ്സിംഗ് ഡിഗ്രിയും 150 ബെഡ്ഡുകളെങ്കിലും ഉള്ള ആശുപത്രികളിൽ മുൻ പറഞ്ഞ വിഭാഗങ്ങളിൽ കുറഞ്ഞത് 18 മാസം ജോലി ചെയ്ത പരിചയവും ഉള്ളവർക്ക് അപേക്ഷിക്കാവുന്നതാണ്.
IELTS/OET ഉണ്ടായിരിക്കണം.
IELTS ൽ റൈറ്റിംഗ്, ലിസണിങ്, റീഡിങ് , സ്പീക്കിങ് എന്നിവയിൽ ഓരോന്നിലും പ്രത്യേകമായും ഒരുമിച്ചും 7 സ്കോർ നേടിയിരിക്കണം .
OET – റൈറ്റിംഗ്, ലിസണിങ്, റീഡിങ് , സ്പീക്കിങ് എന്നിവയിൽ ഓരോന്നിലും പ്രത്യേകമായും ഒരുമിച്ചും ബി സ്കോർ ഉണ്ടായിരിക്കണം.
ഇന്റർവ്യൂ ദിവസത്തിനു 6 ആഴ്ചമുൻപ് എങ്കിലും പരീക്ഷ എഴുതുമെന്ന് ഉറപ്പുള്ളവർക്ക് ഇപ്പോൾ അപേക്ഷ അയക്കാവുന്നതാണ്. ഇന്റർവ്യൂ വിനു ഹാജരാകുന്ന സമയത്തു IELTS /OET ബുക്ക് ചെയ്ത തെളിവുകൾ ഹാജരാക്കണം.
തെരഞ്ഞെടുക്കപ്പെടുന്നവർ യു കെ യിൽ സ്ഥിരതാമസത്തിന് തയാറാകണം.
ആനുകൂല്യങ്ങൾ
തുടക്ക ശമ്പളം – ബാൻഡ് 4 £20,150 അതായത് 18,18,701 /(പതിനെട്ടു ലക്ഷത്തി പതിനെട്ടായിരത്തി എഴുനൂറ്റി ഒന്ന് രൂപ )
ബാൻഡ് 5 സ്റ്റാഫ് നേഴ്സ് £22,128 – £28,746 അതായത് 19,97,749 - 25,95,232.00 ( പത്തൊൻപത് ലക്ഷത്തി തൊണ്ണൂറ്റി ഏഴായിരത്തി എഴുനൂറ്റി നാൽപ്പത്തി ആറ് രൂപ - ഇരുപത്തി അഞ്ചു ലക്ഷത്തി തൊണ്ണൂറ്റി അയായിരത്തി എഴുനൂറ്റി നാല്പത്തൊമ്പതു രൂപ ) ആയിരിക്കും വാർഷിക ശമ്പളം
ആവശ്യമുള്ളവർക്ക് ഭാഷ പരീക്ഷക്കുള്ള പരിശീലനവും സഹായവും ലഭ്യമാണ്. ജോലിയിൽ പ്രവേശിച്ചാൽ 27 ദിവസത്തെ വാർഷിക അവധിയും 8 ദിവസത്തെ പൊതു അവധിയും ഉണ്ടായിരിക്കും. അധിക ജോലിക്ക് അധിക വേതനം ലഭ്യമാണ്.
പുറമെ യു കെ യിലേക്കുള്ള വിമാന ചാർജ്ജ് , ഒരു മാസത്തെ താമസം, IELTs/OET എന്നിവക്കു വേണ്ടിവന്ന പരീക്ഷ ചെലവ് എന്നിവ പൂർണമായും സൗജന്യമായിരിക്കും. നിബന്ധനകൾക്ക് വിധേയമായി CBT പരീക്ഷാ ഫീസ് £130 ,NMC അപേക്ഷാ ഫീസിൽ £140 , വിസ ചെലവിൽ നിന്ന് £600 , OSCE പരീക്ഷക്ക് വേണ്ടിവന്ന ചെലവിൽ നിന്ന് £992 , NMC പിൻ റെജിസ്ട്രേഷൻ ചെലവിൽ നിന്ന് £153 എന്നിവ കമ്പനി തിരിച്ചു നൽകുന്നതായിരിക്കും.
താൽപ്പര്യമുള്ളവർ odepcuk@gmail.com എന്ന അഡ്രസ്സിൽ അപേക്ഷിക്കേണ്ടതാണ് . സെപ്റ്റംബർ 30 നു മുൻപ് അപേക്ഷയും ബന്ധപ്പെട്ട രേഖകളും അയക്കേണ്ടതുണ്ട്. ഒറിജിനൽ cv , ഇഎൽട്സ്/OET സ്കോർ ഷീറ്റ് , അല്ലെങ്കിൽ പരീക്ഷക്ക് ബുക്ക് ചെയ്ത രേഖകൾ , പാസ്പോര്ട്ട് കോപ്പി എന്നിവ കൈപറ്റിയാൽ തെരഞ്ഞെടുക്കപ്പെടുന്നവർക്ക് ടെലിഫോൺ ഇന്റർവ്യൂ ഉണ്ടായിരിക്കും. മുഖാമുഖം നവമ്പറിൽ ആയിരിക്കും. ഇന്റർവ്യൂ തീയ്യതി ജിമെയിൽ അഡ്രസ്സിൽ അറിയിക്കും.
https://www.facebook.com/Malayalivartha