ഈസ്റ്റേൺ നേവൽ കമാൻഡിൽ 53 മൾട്ടി ടാസ്കിങ് സ്റ്റാഫ് നിയമനം
വിശാഖപട്ടണത്തെ ഈസ്റ്റേൺ നേവൽ കമാൻഡിൽ മൾട്ടി ടാസ്കിങ് സ്റ്റാഫ് (ഗ്രൂപ്പ് സി നോൺ ഗസറ്റഡ്- നോൺ ഇൻഡസ്ട്രിയൽ )തസ്തികയിൽ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
ആകെ 53 ഒഴിവുകളാണുള്ളത്. മൾട്ടി ടാസ്കിങ് സ്റ്റാഫ് - നോൺ ഇൻഡസ്ട്രിയലിൽ ഡ്രസ്സർ,ധോബി ,മാലി ,വാർഡ് സഹായിക (സ്ത്രീകൾ മാത്രം), ലബോറട്ടറി ബേറർ,മസാൽച്ചി എന്നിങ്ങനെയാണ് ഒഴിവുകൾ ഉള്ളത്.
യോഗ്യത :മെട്രിക്കുലേഷൻ, കൂടാതെ ബന്ധപ്പെട്ട ട്രേഡിൽ പ്രാവീണ്യവും ഉണ്ടായിരിക്കണം.
പ്രായം 18 നും 25 നും മധ്യേ ആയിരിക്കണം.
എസ്.സി. , എസ്.ടി. വിഭാഗക്കാർക്ക് അഞ്ചും ഒ.ബി..സിക്കാർക്ക് മൂന്നും വർഷം ഉയർന്ന പ്രായപരിധിയിൽ ഇളവ് ലഭിക്കുന്നതായിരിക്കും.മറ്റ് ഇളവുകൾ ചട്ടപ്രകാരം ലഭിക്കുന്നതായിരിക്കും.
അപേക്ഷ സ്വീകരിക്കുന്ന അവസാന തീയതി അടിസ്ഥാനമാക്കിയായിരിക്കും പ്രായം കണക്കാക്കപ്പെടുക.
നിശ്ചിത മാതൃകയിൽ A 4 വലുപ്പത്തിലുള്ള പേപ്പറിൽ അപേക്ഷ എഴുതിയോ ടൈപ്പ് ചെയ്തോ തയ്യാറാക്കേണ്ടതാണ് കൂടാതെ അപേക്ഷാഫോമിൽ നിർദിഷ്ട കോളത്തിൽ സ്വയം സാക്ഷ്യപ്പെടുത്തിയ പാസ്സ്പോർട്ട് സൈസ് കളർ ഫോട്ടോ ഒട്ടിക്കേണ്ടതാണ്.പൂരിപ്പിച്ച അപേക്ഷയോടൊപ്പം പ്രായം, യോഗ്യത,മാർക്ക്ഷീറ്റ് ,ജാതി തുടങ്ങിയവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകളും സ്വയം സാക്ഷ്യപ്പെടുത്തിയ രണ്ട് പാസ്സ്പോർട്ട് സൈസ് ഫോട്ടോ സഹിതം രജിസ്ട്രേഡ് പോസ്റ്റിൽ അയക്കണം.ഫോട്ടോയുടെ പുറകിൽ ഉദ്യോഗാര്ഥിയുടെ മുഴുവൻ പേരും എഴുതിയിക്കണം.
അപേക്ഷ അയക്കുന്ന കവറിനു പുറത്തു APPLICATION FOR THE POST--------------and CATEGORY-----------------(ie, SC/ST/OBC/UR) എന്നെഴുതി താഴെ കാണുന്ന വിലാസത്തിൽ അയച്ചു തരേണ്ടതാണ്.
വിലാസം: The Flag Officer Commanding-in-Chief (For CRC), Headquarters, Eastern Naval Command, Arjun Block, 2nd floor, Naval Base Visakhapatnam -530014 (Andrapradesh)
താത്പര്യമുള്ള ഉദ്യോഗാർത്ഥികൾ സെപ്റ്റംബർ 14 നു മുൻപ് അപേക്ഷ സമർപ്പിക്കുക.
കൂടുതൽ വിവരങ്ങൾക്ക്
www.indiannavy.nic.in
https://www.facebook.com/Malayalivartha