കാനറാ ബാങ്കിന്റെ സ്പോൺസർഷിപ്പിലുള്ള കാൻ ഫിൻ ഹോംസിൽ പ്രൊബേഷനറി ഓഫീസർ ഉൾപ്പെടെയുള്ള തസ്തികകളിലേക്ക് അപേക്ഷ ക്ഷണിച്ചിരിക്കുന്നു.

ആകെ 28 ഒഴിവുകളാണുള്ളത്. ഓൺലൈനായി അപേക്ഷിക്കേണ്ടതാണ്.

എ ജിഎം - ഫിനാൻസ് ആൻഡ് അക്കൗണ്ട്സ് ,സീനിയർ മാനേജർ -ലീഗൽ,പ്രൊബേഷനറി ഓഫീസർ എന്നീ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്.
എ ജിഎം തസ്തികയിൽ ഒരൊഴിവും സീനിയർ മാനേജർ തസ്തികയിൽ രണ്ടൊഴിവും പ്രൊബേഷനറി ഓഫീസർ തസ്തികയിലേക്ക് 25 ഒഴിവുകളുമാണുള്ളത്.പ്രൊബേഷനറി ഓഫീസർ ഒഴികെയുള്ള തസ്തികകളിൽ ജോലി പരിചയമുള്ളവർക്കാണ് അവസരം ഉണ്ടായിരിക്കുക.

1.പ്രൊബേഷനറി ഓഫീസർ:
യോഗ്യത :കുറഞ്ഞത് 60 ശതമാനം മാർക്കോടെ ഏതെങ്കിലും വിഷയത്തിൽ ബിരുദമുള്ളവർക്ക് അപേക്ഷിക്കാവുന്നതാണ്.ഡാറ്റാഎൻട്രി അല്ലെങ്കിൽ കംപ്യുട്ടർ അപ്ലിക്കേഷൻ പ്രാവീണ്യമുള്ളവർക്ക് മുൻഗണന ഉണ്ടായിരിക്കുന്നതായിരിക്കും.ടൂവീലർ ഡ്രൈവിങ് പരിജ്ഞാനമുണ്ടായിരിക്കണം.

പ്രതിമാസ ശമ്പളം 17850 മുതൽ 34700 വരെ ലഭിക്കാവുന്നതാണ്.

2018 ഓഗസ്റ്റ് ഒന്നിന് 21 നും 28 നും മധ്യേ പ്രായമുള്ളവരായിരിക്കണം അപേക്ഷകർ.

ഷോർട്ട് ലിസ്റ്റ് ചെയ്യപ്പെടുന്ന അപേക്ഷകരെ ഇന്റർവ്യൂവിനായി ക്ഷണിക്കുന്നതായിരിക്കും അതിൽ തിരഞ്ഞെടുക്കപെടുന്നവർക്ക് ഒരു വർഷം പ്രൊബേഷനുണ്ടാകുന്നതാണ്.

താത്പര്യമുള്ള ഉദ്യോഗാർത്ഥികൾ ഓഗസ്റ്റ് 31 നു മുൻപ് ഓൺലൈനായി അപേക്ഷിക്കേണ്ടതാണ്.

വിശദവിവരങ്ങൾക്ക്
www.canfinhomes.com