എല്‍.ഐ.സി. ഹൗസിങ് ഫിനാന്‍സ് ലിമിറ്റഡില്‍ അസിസ്റ്റന്റ്, അസോസിയേറ്റ്, അസിസ്റ്റന്റ് മാനേജര്‍ തസ്തികകളിലുള്ള ഒഴിവുകളികളിലേക്ക് അപേക്ഷ ക്ഷണിച്ചിരിക്കുന്നു.

ആകെ 300 ഒഴിവുകളാണുള്ളത്അസിസ്റ്റന്റ് തസ്തികയിൽ 150 ഒഴിവുകളും അസോസിയേറ്റ് തസ്തികയിൽ 50 ഒഴിവുകളും അസിസ്റ്റന്റ് മാനേജര്‍ തസ്തികയിൽ 100 ഒഴിവുകളുമാണുള്ളത്.

അസിസ്റ്റൻഡ് അസ്സോസിയേറ്റ് തസ്തികയിൽ ഒഴിവുകൾ സംസ്ഥാനാടിസ്ഥാനത്തിലാണ്.കേരളത്തിൽ അസ്സോസിയേറ്റ് തസ്തികയിൽ രണ്ട് ഒഴിവുകളാണുള്ളത്.ഏതെങ്കിലും ഒരു സംസ്ഥാനത്തെ ഒഴിവുകളിലേക്ക് മാത്രം അപേക്ഷിക്കുക.

1.അസിസ്റ്റന്റ്
യോഗ്യത :കുറഞ്ഞത് 55 ശതമാനം മാര്‍ക്കോടെ ബിരുദം. കംപ്യൂട്ടര്‍ പരിജ്ഞാനം ആണ് യോഗ്യത.
പ്രതിമാസ ശമ്പളം: :13,980 രൂപ മുതൽ 32,110 രൂപ വരെ.

2.അസോസിയേറ്റ്
യോഗ്യത :കുറഞ്ഞത് 60 ശതമാനം മാര്‍ക്കോടെ ബിരുദവും സി.എ. ഇന്ററും. കംപ്യൂട്ടര്‍ പരിജ്ഞാനം എന്നിവ ഉണ്ടായിരിക്കണം.
പ്രതിമാസ ശമ്പളം : 21,270 രൂപ മുതൽ 50,700 രൂപ വരെ.

3.അസിസ്റ്റന്റ് മാനേജര്‍:
യോഗ്യത : കുറഞ്ഞത് 60 ശതമാനം മാര്‍ക്കോടെ ബിരുദം., 60 ശതമാനം മാര്‍ക്കോടെ രണ്ടുവര്‍ഷത്തെ ഫുള്‍ടൈം എം.ബി.എ.അല്ലെങ്കിൽ എം.എം.എസ്., പി.ജി.ഡി.ബി.എ.,പി.ജി.പി.എം.കംപ്യൂട്ടര്‍ പരിജ്ഞാനം എന്നിവ ഉണ്ടായിരിക്കണം.
പ്രതിമാസ ശമ്പളം: 32,815 രൂപ മുതൽ 61,670 രൂപ വരെ.

പ്രായം 2018 ജനുവരി 1-ന് 21 നും 28 നും മധ്യേ ആയിരിക്കണം.1990 ജനുവരി രണ്ടിന് മുൻപും 1997 ജനുവരി ഒന്നിനുശേഷവും ജനിച്ചവരാകാൻ പാടുള്ളതല്ല.

ഓൺലൈൻ പരീക്ഷ ഇന്റർവ്യൂ എന്നിവ അടിസ്ഥാനമാക്കിയായിരിക്കും തിരഞ്ഞെടുപ്പ് ഉണ്ടാകുക.വൈദ്യ പരിശോധനയും നടത്തുന്നതാണ്.പരീക്ഷ ഒക്റ്റോബർ 6,7 തീയതികളിൽ നടത്തപ്പെടും. രണ്ടുമണിക്കൂർ ദൈർഖ്യമുള്ള ഒബ്ജക്റ്റിവ് മാതൃകയിലുള്ള പരീക്ഷയ്ക്ക് നെഗറ്റിവ് മാർക്ക് ഉണ്ടായിരിക്കുന്നതാണ്. അപേക്ഷകർ അപേക്ഷിക്കുന്ന സംസ്ഥാനത്തെ പരീക്ഷാകേന്ദ്രം തിരഞ്ഞെടുക്കേണ്ടതാണ്.സംസ്ഥാനത്ത കൊച്ചിയിലും തിരുവനന്തപുരത്തും പരീക്ഷാ കേന്ദ്രങ്ങളുണ്ട്. തിരഞ്ഞെടുക്കപ്പെടുന്നവർക്ക് ആറുമാസത്തെ പ്രൊബേഷൻ ഉണ്ടായിരിക്കും.

അപേക്ഷാഫീസ് ടാക്സിനു പുറമെ 500 രൂപയാണ്.ഉദ്യോഗാർത്ഥികൾ ഓൺലൈൻ രീതിയിലൂടെ അപേക്ഷാഫീസ് അടയ്‌ക്കേണ്ടതാണ്.ഡെബിറ്റ് കാർഡ്,ക്രെഡിറ്റ് കാർഡ്,ഇന്റർനെറ്റ് ബാങ്കിങ്, ഐഎം പി എസ് ,ക്യാഷ് കാർഡ് , മൊബൈൽ വാലറ്റ് എന്നിവയിലൂടെ ഓൺലൈനായി ഫീസ് അടയ്ക്കാവുന്നതാണ്.ഓൺലൈൻ അപേക്ഷാഫോം പേമെന്റ്ഗേറ്റ് വേയുമായി ചേർത്തിരിക്കും.
താത്പര്യമുള്ള ഉദ്യോഗാർത്ഥികൾ സെപ്റ്റംബർ 6 നു മുൻപ് ഓൺലൈനായി അപേക്ഷിക്കേണ്ടതാണ്.അപേക്ഷകർക്ക് സ്വന്തമായി മെയിൽ ഐ.ഡി ഉണ്ടായിരിക്കണം.ഓൺലൈൻ അപേക്ഷയിൽ അപ്‌ലോഡ് ചെയ്യുന്നതിന് അപേക്ഷകന്റെ ഒപ്പ്,പാസ്സ്‌പോർട്ട് സൈസ് ഫോട്ടോ,എന്നിവ സ്കാൻ ചെയ്ത് അയക്കുക.ഓൺലൈൻ രജിസ്ട്രേഷനുശേഷം അപേക്ഷാഫോമിന്റെ പ്രിന്റെടുത് സൂക്ഷിക്കേണ്ടതാണ്.

കൂടുതല്‍ വിവരങ്ങള്‍ക്ക്
http://www.lichousing.com