ഗ്യാസ് അതോറിറ്റി ഓഫ് ഇന്ത്യയിൽ മാനേജർ തസ്തികയിലേക്ക് അഭിമുഖം നടത്തുന്നു.

തസ്തികകളിലേക്ക് 10 ഒഴിവുകളാണുള്ളത്.

1.മാർക്കറ്റിങ് മാനേജർ - കമ്മോഡിറ്റി റിസ്ക് മാനേജ്‌മന്റ്
ഈ തസ്തികയിലേക്ക് 4 ഒഴിവുകളാണുള്ളത്.
യോഗ്യത: സി.എ. , ഐ.സി.ഡബ്ള്യു അല്ലെങ്കിൽ ബി.കോമും ഫിനാൻസിൽ സ്പെഷ്യലൈസേഷനോടെ എം.ബി.എ. യും അല്ലെങ്കിൽ ഗണിതത്തിൽ ഓണേഴ്‌സോടെ ബി.എ. , ബി.എസ്‌സി .ബിരുദവും ഫിനാൻസിൽ സ്പെഷ്യലൈസേഷനോടെ എം.ബി.എ യും അല്ലെങ്കിൽ സ്റ്റാറ്റിസ്റ്റിക്സിൽ ഓണേഴ്‌സോടെ ബി.എ. ,ബി.എസ്‌സി ബിരുദവും ഫിനാൻസിൽ സ്പെഷ്യലൈസേഷനോടെ എം.ബി.എ യും അല്ലെങ്കിൽ ബി.ഇ. , ബി.ടെക് യോഗ്യതയും ഫിനാൻസിൽ സ്പെഷ്യലൈസേഷനോടെ എം.ബി.എ യും .കൂടാതെ നാലുവർഷത്തെ പ്രവൃത്തിപരിചയം ഉണ്ടായിരിക്കണം.
ഉയർന്ന പ്രായപരിധി 34 വയസ്സ്. പ്രതിമാസ ശമ്പളം 70,000 മുതൽ 2,00,000 രൂപ വരെ ലഭിക്കും.

ഈ തസ്തികയിൽ താത്പര്യമുള്ളവർ സെപ്റ്റംബർ 7 നു അഭിമുഖത്തിനായി എത്തിച്ചേരുക.

2.മാർക്കറ്റിങ് മാനേജർ -ഇന്റർനാഷണൽ എൽ.എൻ.ജി. ആൻഡ് ഷിപ്പിംഗ്
ഈ തസ്തികയിലേക്ക് 6 ഒഴിവുകളാണുള്ളത്.
യോഗ്യത : എൻജിനീയറിങ് ബിരുദവും മാർക്കറ്റിങ്, ഓയിൽ ആൻഡ് ഗ്യാസ്,പെട്രോളിയം ആൻഡ് എനർജി,എനർജി ആൻഡ് ഇൻഫ്രാസ്ട്രക്ച്ചർ, ഇന്റർനാഷണൽ ബിസിനസ് എന്നിവയിൽ ഏതെങ്കിലും ഒന്നിൽ സ്പെഷ്യലൈസേഷനോടെ എം.ബി.എ. കൂടാതെ നാല് വർഷത്തെ പ്രവൃത്തിപരിചയം അനിവാര്യം.
ഉയർന്ന പ്രായപരിധി 34 വയസ്സ്
പ്രതിമാസ ശമ്പളം 70,000 മുതൽ 2,00,000 രൂപ വരെ ലഭിക്കും
ഈ തസ്തികയിൽ താത്പര്യമുള്ളവർ സെപ്റ്റംബർ 9 നു അഭിമുഖത്തിനായി എത്തിച്ചേരേണ്ടതാണ്.

അഭിമുഖം നടത്തുന്ന ദിവസം രാവിലെ 8.30 നു തന്നെ ഉദ്യോഗാർത്ഥികൾ റിപ്പോർട്ട് ചെയ്യേണ്ടതാണ്.ഉദ്യോഗാർത്ഥികൾ അഭിമുഖത്തിന് മുൻപ് www.gailonline.com എന്ന വെബ്സൈറ്റിലൂടെ പേര് രജിസ്റ്റർ ചെയ്യേണ്ടതാണ്.കൂടാതെ വെളുത്ത പശ്ചാത്തലത്തിലുള്ള പാസ്സ്‌പോർട്ട് സൈസ് ഫോട്ടോ സ്കാൻ ചെയ്ത് അപ്‌ലോഡ് ചെയ്യണം.
അപേക്ഷയുടെ പ്രിന്റൗട്ടും അനുബന്ധ രേഖകളുടെ അസ്സൽ പകർപ്പുകളും സ്വയം സാക്ഷ്യപ്പെടുത്തിയ പകർപ്പുകളും സഹിതമാണ് അഭിമുഖത്തിനെത്തിച്ചേരേണ്ടത്.

വിലാസം: GAIL (India) Limited, GAIL Bhawan Plot No.73, Road no.3, Sector-15, CBD Belapur, Navi Mumbai-400614, Maharashtra

കൂടുതൽ വിവരങ്ങൾക്ക്
www.gailonline.com