ഹരിയാന ഗുരുഗ്രാമിലുള്ള എയർ ഫോഴ്സ് സ്റ്റേഷനിലേക്ക് ഗ്രൂപ്പ് സി തസ്തികകളിൽ അപേക്ഷ ക്ഷണിച്ചിരിക്കുന്നു.

ആകെ 16 ഒഴിവുകളാണുള്ളത്.

1.ടെലിഫോൺ ഓപ്പറേറ്റർ ഗ്രേഡ് II :
ഈ തസ്തികയിലേക്ക് 7 ഒഴിവുകളാണുള്ളത് അതിൽ ജനറൽ വിഭാഗത്തിനും 4 ഉം എസ്.സി ക്ക് 1 ഉം എസ്.ടി. ക്ക് 1 നും ഒ.ബി.സിക്ക് 1 ഉം ആണ് ഒഴിവുകൾ.
യോഗ്യത:ഇംഗ്ലീഷ് നിർബന്ധമായും പഠിച്ച മെട്രിക്കുലേഷൻ.ഇലക്ട്രോണിക് പ്രൈവറ്റ് ബ്രാഞ്ച് എക്സ്ചേഞ്ച് അല്ലെങ്കിൽ പ്രൈവറ്റ് ബ്രാഞ്ച് എക്സ്ചേഞ്ച് ഓപ്പറേഷനിൽ ആറുമാസത്തെ സർട്ടിഫിക്കറ്റ് എന്നിവ ഉണ്ടായിരിക്കണം.

2.മൾട്ടി ടാസ്കിങ് സ്റ്റാഫ്:
ഈ തസ്തികയിലേക്ക് 3 ഒഴിവുകളാണുള്ളത് അതിൽ; എസ്.സി ക്ക് 1 ഉം എസ്.ടി ക്ക് 1 നും ഒ.ബി.സി ക്ക് 1 ഉം ആണ്.
യോഗ്യത:മെട്രിക്കുലേഷൻ വിജയം.വാച്ച്മാൻ,ലാസ്കർ, ഗസ്റ്റ്നർ ഓപ്പറേറ്റർ കൂടാതെ മാലി തസ്തികകളിൽ ഒരു വർഷത്തെ പ്രവൃത്തിപരിചയം അനിവാര്യം.

3.സഫായി വാല (ഹൗസ് കീപ്പിംഗ് സ്റ്റാഫ്)
ഈ തസ്തികയിലേക്ക് 6 ഒഴിവുകളാണുള്ളത്. അതിൽ ജനറൽ വിഭാഗത്തിന് 4 ഉം ഒ.ബി.സി ക്ക് 1 ഉം എസ്.ടി.ക്ക് 1 ഉം ആണ്.
യോഗ്യത:മെട്രിക്കുലേഷൻ പാസ് ആയിരിക്കണം.

പ്രായം 18 നും 25 നും മധ്യേ ആയിരിക്കണം. ഉയർന്ന പ്രായപരിധിയിൽ ഒ.ബി.സി. വിഭാഗക്കാർക്ക് മൂന്നുവർഷത്തെയും എസ്.സി. എസ്.ടി. വിഭാഗക്കാർക്ക് 5 വർഷത്തെയും ഇളവ് ലഭിക്കുന്നതാണ്.
പത്താം ക്ലാസ് നിലവാരമുള്ള എഴുത്തുപരീക്ഷയിലൂടെയായിരിക്കും തിരഞ്ഞെടുപ്പ്.ജനറൽ ഇന്റലിജൻസ് ആൻഡ് റീസണിങ്, ജനറൽ ഇംഗ്ലീഷ്, ന്യുമറിക്കൽ ആപ്റ്റിറ്റ്യുഡ് ,ജനറൽ അവെർനസ് എന്നിവയിൽ നിന്ന് ചോദ്യങ്ങൾ ഉണ്ടായിരിക്കുന്നതാണ്.
വിജ്ഞാപനത്തിൽ നൽകിയിട്ടുള്ള മാതൃകയിൽ അപേക്ഷാ ഫോം തയ്യാറാക്കുക.അനുബന്ധ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം അപേക്ഷിക്കേണ്ടതാണ്.

വിലാസം: The Air Officer Commanding, Air Force Station, Sohna Road, Gurgaon-122 001
അപേക്ഷാ കവറിനു പുറത്തു വലതു ഭാഗത്തു മുകളിലായി അപേക്ഷിക്കുന്ന തസ്തികയുടെ കാറ്റഗറിയും രേഖപ്പെടുത്തിയിരിക്കണം. അഞ രൂപയുടെ സ്റ്റാമ്പ് പതിച്ച് ഉദ്യോഗാര്ഥിയുടെ വിലാസം രേഖപ്പെടുത്തിയ തപാൽ കവരും അപേക്ഷയോടൊപ്പം അയക്കേണ്ടതാണ്.സാധാരണ തപാലിൽ അയക്കുന്ന അപേക്ഷകൾ മാത്രമാകും സ്വീകരിക്കുക.

താത്പര്യമുള്ള ഉദ്യോഗാർത്ഥികൾ സെപ്റ്റംബർ 30 നു മുൻപ് അപേക്ഷിക്കുക.

കൂടുതൽ വിവരങ്ങൾക്ക്
www.indianairforce.nic.in