കേന്ദ്ര ഗവണ്മെന്റിനു കീഴിലുള്ള നാഷണൽ ബാങ്ക് ഫോർ അഗ്രിക്കൾച്ചർ ആൻഡ് റൂറൽ ഡെവലപ്മെന്റിൽ (നബാർഡ്) 69 ഒഴിവുകളിലേക്ക് രണ്ടു വിജ്ഞാപനങ്ങളിലായി അപേക്ഷ ക്ഷണിച്ചിരിക്കുന്നു.

ഡവലപ്മെന്റ് അസിസ്റ്റന്റ് തസ്തികയിൽ 62 ഒഴിവുകളിലേക്കാണ് വിജ്ഞാപനം.അസിസ്റ്റൻഡ് മാനേജർ തസ്തികയിൽ ഏഴ് ഒഴിവുകളിലേക്കുള്ളതാണ് മറ്റൊരു വിജ്ഞാപനം.രണ്ടിനും വെവ്വേറെ അപേക്ഷിക്കേണ്ടതാണ്.

പരസ്യ നമ്പർ:3/DA/2018-19

1.ഡവലപ്മെന്റ് അസിസ്റ്റന്റ്

ഈ തസ്തികയിലേക്ക് 62 ഒഴിവുകളാണുള്ളത്.
യോഗ്യത : 50 ശതമാനം മാർക്കോടെ ഏതെങ്കിലും വിഷയത്തിൽ ബിരുദം.എസ്.സി, എസ്.ടി. അംഗപരിമിതർക്ക് ബിരുദത്തിനു മാർക്ക് നിബന്ധനായില്ല.ഇവർ ബിരുദം ജയിച്ചാൽ മതിയാകും.
ഉദ്യോഗാർത്ഥികൾ ഏത് സംസ്ഥാനത്തെ ഒഴിവുകളിലേക്കാണോ അപേക്ഷിക്കുന്നത് ആ സംസ്ഥാനത്തെ പ്രാദേശിക ഭാഷ അറിഞ്ഞിരിക്കണം.

 

പ്രായം 2018 ഓഗസ്റ്റ് 1 ന് 18 നും 35 നും മധ്യേ ;1983 ഓഗസ്റ്റ് 2 നും 2000 ഓഗസ്റ്റ് 1 നും ഇടയിൽ ജനിച്ചവർ ആയിരിക്കണം അപേക്ഷകർ.രണ്ടുതീയതികളും പരിഗണിക്കുന്നതാണ്.എസ്.സി, എസ്.ടി വിഭാഗക്കാർക്ക് 5 വർഷവും ഒ.ബി.സിക്കാർക്ക് 3 വർഷവും അംഗപരിമിതർക്ക് 10 വർഷവും വിമുക്തഭടർക്ക് സർവീസ് കാലയളവില് പുറമെ മൂന്നു വർഷവും ഉയർന്നപ്രായത്തിൽ ഇളവ് ലഭിക്കുന്നതാണ്.വിധവകൾ വിവാഹ മോചിതരായ വനിതകൾ എന്നിവർക്ക് 10 വർഷത്തെ ഇളവ് ഉണ്ട്.

പ്രതിമാസം 13150 രൂപമുതൽ 34990 രൂപവരെ ശമ്പളം ലഭിക്കുന്നതാണ് കൂടാതെ മാറ്റ് ആനുകൂല്യങ്ങളും ലഭിക്കും.തുടക്കത്തിൽ തന്നെ 31000 രൂപ വരെ ലഭിച്ചേക്കാം.

രണ്ട് ഘട്ടങ്ങളിലായുള്ള ഓൺലൈൻ പരീക്ഷയിലൂടെയാണ് തിരഞ്ഞെടുപ്പ് നടത്തുക.സിലബസ് വെബ്സൈറ്റിൽ ലഭ്യമാകും.

ഉദ്യോഗാർത്ഥികൾ www.nabard.org എന്ന വെബ്സൈറ്റ് വഴി ഓൺലൈനായി അപേക്ഷിക്കേണ്ടതാണ്.ഓൺലൈൻ അപേക്ഷയിൽ ഉദ്യോഗാര്ഥിയുടെ പാസ്സ്‌പോർട്ട് സൈസ് ഫോട്ടോ,ഒപ്പ്,വിരലടയാളം,വെള്ള പേപ്പറിൽ സ്വന്തം കയ്യക്ഷരത്തിലെഴുതിയ ഡിക്ലറേഷൻ എന്നിവ സ്കാൻചെയ്ത് അപ്‌ലോഡ് ചെയ്യണം.

അപേക്ഷാ ഫേസ് 450 രൂപയാണ് എസ്.സി, എസ്.ടി,അംഗപരിമിതർ,വിമുക്തഭടർ എന്നിവർക്ക് 50 രൂപ മാത്രം.ഓൺലൈനായി ഫീസ് അടയ്‌ക്കേണ്ടതാണ്.
താത്പര്യമുള്ള ഉദ്യോഗാർത്ഥികൾ സെപ്റ്റംബർ 12 നു മുൻപ് അപേക്ഷിക്കുക.

പരസ്യനമ്പർ:2/GradeA/2018-19

2.അസിസ്റ്റൻഡ് മാനേജർ (പി&എസ്.എസ്.)
ഈ തസ്തികയിലേക്ക് 7 ഒഴിവുകളാണുള്ളത്.അതിൽ ജനറൽ വിഭാഗത്തിന് 3 ഉം ഒ.ബി.സി ക്ക് 3 ഉം എസ്.സി ക്ക് 1 ഉം ആണ് ഒഴിവുകൾ.
യോഗ്യത:ആർമി,നേരി,എയർഫോഴ്‌സിൽ കമ്മീഷൻഡ് ഓഫീസറായി 5 വർഷത്തെ സേവന പരിചയം.സാധുതയുള്ള വിമുക്തഭട തിരിച്ചറിയൽ കാർഡ് ഉണ്ടായിരിക്കണം.
2018 ഓഗസ്റ്റ് 1 നു 25 നും 40 നും മധ്യേയും 1978 ഓഗസ്റ്റ് 2 നും 1993 ഓഗസ്റ്റ് 1 നും ഇടയിൽ ജനിച്ചവർ ആയിരിക്കണം.
പ്രതിമാസം 28150 രൂപമുതൽ 55600 രൂപവരെ ശമ്പളം ലഭിക്കുന്നതാണ്.

ഈ തസ്തികയിലേക്ക് അപേക്ഷിക്കുന്നതിനുള്ള ഫീസ് 750 രൂപയാണ്.എസ്.സി. , എസ്.ടി. വിഭാഗക്കാർക്ക് 100 രൂപയും ആയിരിക്കും.ഫീസ് ഓൺലൈനായി അടയ്‌ക്കേണ്ടതാണ്.www.nabard.org എന്ന വെബ്‌സൈറ്റ് വഴി ഓൺലൈനായി അപേക്ഷിക്കേണ്ടതാണ്.കൂടാതെ ഉദ്യോഗാര്ഥിയുടെ പാസ്സ്‌പോർട്ട് സൈസ് ഫോട്ടോയും ഒപ്പും അപ്ലോഡ് ചെയ്യണം.

താത്പര്യമുള്ള ഉദ്യോഗാർത്ഥികൾ സെപ്റ്റംബർ 12 നു മുൻപ് അപേക്ഷിക്കുക.

കൂടുതൽ വിവരങ്ങൾക്ക്
www.nabard.org