മഞ്ചേരി എഫ് എമ്മിൽ അവതാരകരാകാൻ അവസരം
ആകാശവാണി മഞ്ചേരി എഫ്.എം. നിലയത്തില് കാഷ്വല് അവതാരകരാകാന് ഇപ്പോള് അവസരം. ബിരുദമാണ് അടിസ്ഥാന വിദ്യാഭ്യാസയോഗ്യതയായി കണക്കാക്കുന്നത്.
തിരഞ്ഞെടുപ്പ് ഒക്ടോബര് 2-ന് രാവിലെ 10 മണിക്ക് മഞ്ചേരി എന്.എസ്.എസ്. കോളേജില് നടത്തുന്ന, പൊതുവിജ്ഞാനം, കല, സാഹിത്യം, സംസ്കാരം, സിനിമ,നാടകം, ഭാഷ തുടങ്ങിയവ ഉള്ക്കൊള്ളുന്ന എഴുത്തുപരീക്ഷയുടെ അടിസ്ഥാനത്തിലായിരിക്കും.കൂടാതെ വിജയിക്കുന്നവര്ക്കായി ഉച്ചയ്ക്ക് 2-ന് ശബ്ദപരിശോധനയും അതില് വിജയിക്കുന്നവര്ക്ക് വൈകീട്ട് 4 മണിക്ക് അഭിമുഖവും നടത്തുന്നതായിരിക്കും . നല്ല ഉച്ചാരണശുദ്ധിയും കലാ-സാഹിത്യാഭിമുഖ്യവും ഉയര്ന്ന പൊതുവിജ്ഞാനവും റേഡിയോ പ്രക്ഷേപണത്തില് താത്പര്യവുമുള്ള മലപ്പുറം ജില്ലക്കാര് മാത്രം അപേക്ഷിച്ചാല് മതിയാകും. ആകാശവാണിയുടെ ആവശ്യങ്ങള്ക്കനുസരിച്ച്,മാസം പരമാവധി ആറും പ്രതിവര്ഷം എഴുപത്തിരണ്ടും ദിവസമാണ് തിരഞ്ഞെടുക്കപ്പെടുന്ന കാഷ്വല് അവതാരകര്ക്ക് പരിപാടികളവതരിപ്പിക്കാന് അവസരം നല്കുക. ഇതൊരു സ്ഥിരം ജോലിയല്ല.
പ്രായം 20-നും 50-നും മധ്യേആയിരിക്കണം . അപേക്ഷാഫീസ് 300 രൂപ ആണ് .
Prasar Bharati, All India Radio, Calicut 'എന്ന പേരില് ഡിമാന്റ് ഡ്രാഫ്റ്റായി ഫീസ് അടയ്കണം. യോഗ്യതയും വയസ്സും തെളിയിക്കുന്ന സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ കോപ്പികളും ഡി.ഡി.യും സഹിതം വെള്ളപേപ്പറിലാണ് അപേക്ഷിക്കേണ്ടത്
താത്പര്യമുള്ള അപേക്ഷകള് 'സ്റ്റേഷന് ഡയറക്ടര്, ആകാശവാണി, മഞ്ചേരി-676 122' എന്ന വിലാസത്തില് സാധാരണ തപാലിലോ സ്പീഡ്പോസ്റ്റിലോ അയയ്ക്കണം. അപേക്ഷ സ്വീകരിക്കുന്ന അവസാന തീയതി: സെപ്റ്റംബര് 15 ആയിരിക്കും.
https://www.facebook.com/Malayalivartha