കേന്ദ്ര സർവീസിൽ 130 തസ്തികകളിലായി 1136 ഒഴിവുകളിലേക്ക് സ്റ്റാഫ് സെലക്ഷൻ കമ്മീഷൻ അപേക്ഷ ക്ഷണിച്ചിരിക്കുന്നു.

കേരളത്തിലും ഒഴിവുകളുണ്ട്.എസ്.എസ്.എൽ.സി. ക്കാർക്ക് 441 ഒഴിവുകളും പ്ലസ്ടുക്കാർക്ക് 129 ഒഴിവുകളും ബിരുദക്കാർക്ക് 566 ഒഴിവുകളുമാണ് നിലവിൽ ഉള്ളത്.

യോഗ്യതയനുസരിച്ച് മെട്രിക്ക്, ഹയർ സെക്കണ്ടറി,ഗ്രാജുവേറ്റ് എന്നിങ്ങനെയായി തസ്തികകൾ മൂന്നായി തിരിച്ചിട്ടുണ്ട്.

പരസ്യ നമ്പർ:VI/2018/Selection Post

പോസ്റ്റ് കോഡ്,തസ്തിക, സ്ഥാപനം,ചുരുങ്ങിയ വിദ്യാഭ്യാസ യോഗ്യത ,ഒഴിവുകൾ സംവരണം എന്നിവ വെബ്‌സൈറ്റിലെ വിശദമായ വിജ്ഞാപനത്തിൽ നിന്ന് ലഭിക്കുന്നതായിരിക്കും.കാന്റീൻ അറ്റൻഡൻഡ് 111,ജൂനിയർ എൻജിനീയർ 108,ടെക്നിക്കൽ ഓപ്പറേറ്റർ 102,സയന്റിഫിക് അസിസ്റ്റൻഡ് 96,ലബോറട്ടറി അറ്റൻഡൻഡ് 65, ഡാറ്റ പ്രോസസിങ് അസിസ്റ്റൻഡ് 48,ഡ്രാഫ്റ്റ്‌സ്മാൻ 45 എന്നിങ്ങനെയാണ് കൂടുതൽ ഒഴിവുകൾ ഉള്ള തസ്തികകൾ.

എസ്.എസ്.എൽ.സി. വിഭാഗക്കാർക്ക് 5 വർഷവും ഒ.ബി.സി. ക്കാർക്ക് 3 വർഷവും അംഗപരിമിതർക്ക് ചുരുങ്ങിയത് 10 വർഷവും വിമുക്തഭടന്മാർക്ക് സർവീസ് കാലയളവിന് പുറമെ 3 വർഷവും ഉയർന്ന പ്രായത്തിൽ ഇളവ് ലഭിക്കുന്നതാണ്.വിധവകൾക്കും നിന്നുയമപരമായി വിവാഹമോചനം നേടി പുനർവിവാഹം ചെയ്തിട്ടില്ലാത്ത വനിതകൾക്കും വയസ്സിളവുണ്ട്.ഓരോ വിഭാഗത്തിന്റെയും കോഡും വയസ്സിളവും വെബ്‌സൈറ്റിൽ വിജ്ഞാപനത്തോടൊപ്പം ലഭിക്കുന്നതാണ്.
എസ്.എസ്.എൽ.സി,ഹയർ സെക്കൻഡറി,ബിരുദവും അതിനു മുകളിലും എന്നിങ്ങനെ മൂന്നു തരത്തിലുള്ള തസ്തികകളിലാണ് നിയമനം.ഇതിൽ ഓരോ തലത്തിനും വെവ്വേറെ കംപ്യുട്ടർ അധിഷ്‌ഠിത ഒബ്ജക്റ്റിവ് പരീക്ഷ ഉണ്ടായിരിക്കുന്നതാണ്.ഒരേ രീതിയിലുള്ള സിലബസ്സാണെങ്കിലും ചോദ്യങ്ങളുടെ നിലവാരം ഓരോ താളത്തിനും വ്യത്യസ്തമായിരിക്കും.പരീക്ഷയ്ക്ക് 7 ദിവസം മുൻപ് മുതൽ അഡ്മിഷൻ സർട്ടിഫിക്കറ്റ് വെബ്‌സൈറ്റിൽ ലഭ്യമാകുന്നതാണ്.ഒന്നിലേറെ തസ്തികയ്ക്ക് അപേക്ഷിക്കുന്നവർക്ക് പൊതുവായ അഡ്മിഷൻ സർട്ടിഫിക്കറ്റായിരിക്കും ലഭിക്കുക.ഒരേ ലെവലിലുള്ള തസ്തികയ്ക്ക് ഇവർക്ക് ഒറ്റതവണയായിരിക്കും പരീക്ഷ.വ്യത്യസ്ത ലെവലിലെ തസ്തികകൾക്ക് ഓരോന്നിനും വെവ്വേറെ പരീക്ഷയായിരിക്കും.

കംപ്യുട്ടർ അധിഷ്‌ഠിത പരീക്ഷ ജയിക്കാൻ ജനറൽ വിഭാഗക്കാർ 35 ശതമാനവും ഒ.ബിസിക്കാർ 30 ശതമാനവും മാറ്റ് വിഭാഗക്കാർ 25 ശതമാനവും മാർക്ക് നേടിയിരിക്കണം.ചില തസ്തികയ്ക്ക് ഇതിനുപുറമെ സ്‌കിൽ ടെസ്റ്റും ഉണ്ടായിരിക്കുന്നതാണ്.നെഗറ്റിവ് മാർക്ക് ഉണ്ടായിരിക്കുന്നതാണ്.തെറ്റായ ഉത്തരങ്ങൾക്ക് 0.50 മാർക്ക് വീതം കുറയുന്നതായിരിക്കും.

അപേക്ഷാ ഫീസ് 100 രൂപയാണ്.ഫീസ് സ്റ്റേറ്റ് ബാങ്ക് ഓഫ് ഇന്ത്യയുടെ ഏതെങ്കിലും ബ്രാഞ്ചിൽ ചെല്ലാൻ ഉപയോഗിച്ച് അടയ്ക്കണം.ഓൺലൈൻ പേക്ഷ സമർപ്പിച്ചത്‌ ചെല്ലാൻ വെബ്‌സൈറ്റിൽ ലഭിക്കുന്നതാണ് ഒക്ടോബർ 3 വരെ ഉദ്യോഗാർത്ഥികൾക്ക് ഫീസ് അടിക്കാവുന്നതാണ്.വനിതകൾ എസ്.സി,എസ്.ടി., അംഗപരിമിതർ വിമുക്തഭടർ എന്നിവർക്ക് ഫീസ് ഉണ്ടായിരിക്കുന്നതല്ല.

അപേക്ഷ www.ssconline.nic.in എന്ന വെബ്‌സൈറ്റിൽ ഓൺലൈനായി അപേക്ഷ സമർപ്പിക്കണം.ഒന്നിലേറെ തസ്തികയ്ക്ക് അപേക്ഷിക്കുന്നവർ ഓരോന്നിനും വെവ്വേറെ അപേക്ഷയും ഫീസും നൽകേണ്ടതാണ്.ഒരു തസ്തികയിലേക്ക് ഒന്നിലേറെ അപേക്ഷകൾ സമർപ്പിക്കാൻ പാടില്ല.ഓൺലൈൻ അപേക്ഷയിൽ ആദ്യം രജിസ്‌ട്രേഷൻ പാർട്ടി പൂരിപ്പിച്ച സമർപ്പിക്കുകയാണ് വേണ്ടത്. ഇത് സമർപ്പിച്ചാൽ ഉദ്യോഗാര്ഥിക്കുള്ള രജിസ്‌ട്രേഷൻ ഐ.ഡി.യും പാസ്സ്‌വേഡും അയക്കും.ഇത് രേഖപ്പെടുത്തി സൂക്ഷിച്ചുവയ്ക്കണം.ഇതിനുശേഷം ഉദ്യോഗാർത്ഥിയുടെ പാസ്സ്‌പോർട്ട് സൈസ് കളർ ഫോട്ടോയും ഒപ്പും അപ്‌ലോഡ് ചെയ്യണം.ഇവ രണ്ടും വെവ്വേറെ ജെ.പി.ഇ.ജി ഫോര്മാറ്റിലുള്ള ഫയലിൽ ആയിരിക്കണം.ഉപ്പിന്റെ ഫായൽ സൈസ് 1 കെ.ബി.ക്കും 12 കെ.ബി ക്കും ഇടയിലായിരിക്കണം.ഫോട്ടോ ഫയൽ സൈസ് 4 കെ.ബി.ക്കും 20 കെ.ബി ക്കും ഇടയിലായിരിക്കണം.

ഇതിനുശേഷം ഓൺലൈൻ അപേക്ഷ പൂരിപ്പിച്ച് സമർപ്പിക്കേണ്ടതാണ്.നേരത്തെ എസ്.എസ്.സി. രജിസ്‌ട്രേഷൻ പൂർത്തിയാക്കിയവർക്ക് അവരുടെ ഐ.ഡി.യും പാസ്‌വേർഡും ഉപയോഗിച്ച ലോഗ് ഇൻ ചെയ്ത് നേരിട്ട് അപേക്ഷാ ഫോം പൂരിപ്പിച്ച് സമർപ്പിക്കാവുന്നതാണ്.ഓൺലൈനായി സമർപ്പിച്ച അപേക്ഷയുടെ പ്രിൻറ് ഔട്ട് എടുത്ത് സൂക്ഷിച്ചു വയ്ക്കണം ഇത് തപാലിൽ അയക്കേണ്ടതില്ല.

താത്പര്യമുള്ള ഉദ്യോഗാർത്ഥികൾ സെപ്റ്റംബർ 30 നു മുൻപ് അപേക്ഷ സമർപ്പിക്കുക.

കൂടുതൽ വിവരങ്ങൾക്ക്
www.ssconline.nic.in