എംപ്ലോയീസ് സ്റ്റേറ്റ് ഇൻഷുറൻസ് കോർപ്പറേഷൻ വിവിധ തസ്തികയിൽ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

സെക്യൂരിറ്റി ഓഫീസർ/ മാനേജർ ഗ്രേഡ് II / സൂപ്രണ്ട് തസ്തികയിലെ ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. ആകെ 539 ഒഴിവുകളാണുള്ളത് അതിൽ ജനറൽ വിഭാഗത്തിന് 294 ഉം എസ്.സി. 82 ഉം എസ്.ടി. 22 ഉം ഒ.ബി.സി 141 എന്നിങ്ങനെയാണ് ഒഴിവുകളുടെ സംവരണ ക്രമം.വിമുക്തഭടർക്ക് 49 ഒഴിവുകളും അംഗപരിമിതർക്ക് 19 ഒഴിവുകളും സംവരണം ചെയ്തിട്ടുണ്ട്.

ഈ തസ്തികയിലേക്ക്ക് 2014 ജനുവരി 16 നു പുറപ്പെടുവിച്ച വിജ്ഞാപനം റദ്ദ് ചെയ്തുകൊണ്ടാണ് ഇപ്പോൾ വീണ്ടും അപേക്ഷ ക്ഷണിച്ചിരിക്കുന്നത്.2014 ലെ വിജ്ഞാപനപ്രകാരം അപേക്ഷിച്ചവർ പുതിയ വിജ്ഞാപന പ്രകാരം വീണ്ടും അപേക്ഷിക്കേണ്ടതാണ്.ഇങ്ങനെയുള്ള അപേക്ഷകർക്ക് ഉയർന്ന പ്രായത്തിൽ വയസ്സിളവ് ലഭിക്കുന്നതാണ്.ഇവർ വീണ്ടും ഫീസ് അടിക്കേണ്ടതില്ല.

പ്രതിമാസ ശമ്പളം തുടക്കത്തിൽ 44900 രൂപ ലഭിക്കുന്നതാണ്.
യോഗ്യത:ഏതെങ്കിലും വിഷയത്തിൽ ബിരുദം,കംപ്യുട്ടർ പരിജ്ഞാനം,ഷെഡ്യുൾഡ് ബാങ്കിലോ സർക്കാർ സ്ഥാപനങ്ങളിലോ മൂന്നുവർഷത്തെ പ്രവൃത്തിപരിചയം അനിവാര്യമാണ്.

പ്രായം 2018 ഒക്ടോബർ 5 നു 21 നും 27 നും മധ്യേ ആയിരിക്കണം.എസ്.സി. എസ്.ടി. വിഭാഗക്കാർക്ക് 5 വർഷവും ഒ.ബി.സി.ക്കാർക്ക് 3 വർഷവും വിമുക്തഭടർക്ക് നിയമാനുസൃത അംഗപരിമിതർക്ക് ചുരുങ്ങിയത് 10 വർഷവും ഉയർന്ന പ്രായത്തിലേ ഇളവ് അനുവദിക്കുന്നതാണ്.
അപേക്ഷാ ഫീസ് 500 രൂപയാണ്.വനിതകൾ, എസ്.സി , എസ്.ടി., അംഗപരിമിതർ,വിമുക്തഭടർ, വകുപ്പുതല ജീവനക്കാർ എന്നിവർ അപേക്ഷാ ഫീസായി 250 രൂപ അടയ്‌ക്കേണ്ടതാണ്.ഇവർ പരീക്ഷയ്ക്ക് ഹാജരായാൽ ഈ തുക ബാങ്ക് ചാർജ് കഴിച്ച് മടക്കി നൽകുന്നതാണ്. അപേക്ഷാ ഫീസ് ഓൺലൈനായി അടയ്‌ക്കേണ്ടതാണ്.

താത്പര്യമുള്ള ഉദ്യോഗാർത്ഥികൾ ഒക്ടോബർ 5 നു മുൻപ് അപേക്ഷ സമർപ്പിക്കേണ്ടതാണ്.

കൂടുതൽ വിവരങ്ങൾക്ക്
www.esic.nic.in