കോൾ ഇന്ത്യ ലിമിറ്റഡിന്റെ സബ്സിഡിയറിയായ വെസ്റ്റേൺ കോൾഫീൽഡ്‌സ് ലിമിറ്റഡിൽ വിവിധ തസ്തികയിൽ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

മൈനിങ് സിർദാർ/ഷോട്ട് ഫയറർ തസ്തികയിലാണ് ഒഴിവുകൾ ഉള്ളത്. ആകെ 333 ഒഴിവുകളാണുള്ളത്.

മൈനിങ് സിർദാർ/ ഷോട്ട് ഫയറർ:

യോഗ്യത: 1.അംഗീകൃത മൈനിങ് സിർദാർ സർട്ടിഫിക്കറ്റ്-ഡി.ജി.എം.എസ്., അല്ലെങ്കിൽ മൈനിങ് ആൻഡ് മൈൻ സർവെയിങ് ഡിപ്ലോമയും ഓവർമാൻ കോംപീറ്റൻസി സർട്ടിഫിക്കറ്റും അനിവാര്യമാണ്.
2.അംഗീകൃത ഗ്യാസ് ടെസ്റ്റിങ് സർട്ടിഫിക്കറ്റ്
3.അംഗീകൃത ഫസ്റ്റ് ഐയ്ഡ് സർട്ടിഫിക്കറ്റ് അഭിലഷണീയം.

പ്രായം 18വയസ്സിനും 30 വയസ്സിനും മധ്യേ ആയിരിക്കണം.2018 ഓഗസ്റ്റ് 31 അടിസ്ഥാനമാക്കി പ്രായം കണക്കാക്കപ്പെടുന്നതാണ്.എസ്.സി., എസ്.ടി. വിഭാഗക്കാർക്ക് അഞ്ചും ഒ.ബി.സി വിഭാഗക്കാർക്ക് 3 ഉം വർഷം ഉയർന്ന പ്രായപരിധിയിൽ ഇളവ് ലഭിക്കുന്നതായിരിക്കും.

അപേക്ഷാഫീസ് 100 രൂപയാണ് എസ്.സി.,എസ്.ടി വിഭാഗക്കാർ വികലാംഗർ വിമുക്തഭടർ എന്നിവർക്ക് ഫീസ് ബാധകമല്ല.വെസ്റ്റേൺ കോൾഫീൽഡ്‌സ് ലിമിറ്റഡ് നാഗ്പുർ എന്ന പേരിൽ നാഗ്പൂരിൽ മാറാവുന്ന ഡിമാൻഡ് ഡ്രാഫ്റ്റ് മുഖേന ഫീസ് അടയ്ക്കാവുന്നതാണ്.ദേശസാൽകൃത ബാങ്കിൽ നിന്നും എടുത്തതാകണം ഡി.ഡി.
ഉദ്യോഗാർത്ഥികളെ എഴുത്തുപരീക്ഷ മുഖേന തിരഞ്ഞെടുക്കുന്നതായിരിക്കും.
താത്പര്യമുള്ള ഉദ്യോഗാർത്ഥികൾ സെപ്റ്റംബർ 27 നു മുൻപ് അപേക്ഷ സമർപ്പിക്കുക

കൂടുതൽ വിവരങ്ങൾക്ക്
www.westerncoal.nic.in