സ്റ്റേറ്റ് ബാങ്ക് ഓഫ് ഇന്ത്യയിൽ സ്‌പെഷ്യലിസ്റ്റ് കേഡർ ഓഫീസർമാരെ നിയമിക്കുന്നു.

ഡെപ്യുട്ടി മാനേജർ തസ്തികയിലേക്ക് സ്ഥിരനിയമനവും ഫയർ ഓഫീസർ തസ്തികയിലേക്ക് കരാർ നിയമനത്തിനും അപേക്ഷക്ഷണിച്ചിരിക്കുന്നു. ഓൺലൈനായി അപേക്ഷിക്കാവുന്നതാണ്.അപേക്ഷകരിൽ നിന്ന് ഷോർട്ട് ലിസ്റ്റ് ചെയ്യുന്നവർക്കായി അഭിമുഖം നടത്തിയായിരിക്കും തിരഞ്ഞെടുപ്പ്.

പരസ്യ വിജ്ഞാപന നമ്പർ:CRPD/SCO/SECURITY&FIRE/2018-19/05

1. ഡെപ്യുട്ടി മാനേജർ ഇൻ സെക്യൂരിറ്റി
ഈ തസ്തികയിലേക്ക് 27 ഒഴിവുകളാണുള്ളത്.അതിൽ ജനറൽ വിഭാഗത്തിന് 14 ഒഴിവുകളും എസ്‌.സി.4 ഉം എസ്‌.ടി 2 ഉം ഒ. ബി.സി. 7 ഉം ആണ് സംവരണ അടിസ്ഥാനാത്തിലുള്ള ഒഴിവ്
യോഗ്യത: അംഗീകൃത സ്ഥാപനത്തിൽ അല്ലെങ്കിൽ സർവകലാശാലയിൽ നിന്ന്‌ ബിരുദം.സായുധസേനയിൽ അഞ്ചുവർഷത്തെ കമ്മീഷൻഡ് സർവീസ് അല്ലെങ്കിൽ എ. എസ്‌.പി,ഡെപ്യുട്ടി റാങ്കിൽ കുറയാത്ത തസ്തികയിൽ പോലീസിൽ അഞ്ചുവർഷം സേവനം അല്ലെങ്കിൽ പാരാമിലിട്ടറി സർവീസിൽ അസിസ്റ്റൻറ് കമാൻഡ് തസ്തികയിൽ അഞ്ചുവർഷം സേവനം.
പ്രായം 28 നും 40 നും ഇടയിൽ ആയിരിക്കണം.

ഈ തസ്തികയിലേക്ക് 21ഒഴിവുകളാണുള്ളത് അതിൽ ജനറൽ വിഭാഗത്തിന് 11ഉം എസ്‌.സി ക്ക് 3ഉം എസ്‌.ടി ക്ക് 1 ഉം ഒ. ബി.സിക്ക് 6 ഉം ആണ് സംവരണ അടിസ്ഥാന ഒഴിവുകൾ.
യോഗ്യത:നാഗ്പൂരിലെ നാഷണൽ ഫയർ സർവീസസിൽ നിന്ന് ബി.ഇ. ഫയർ അല്ലെങ്കിൽ എ. ഐ.സി.ടി.ഇ അംഗീകാരമുള്ള സർവകലാശാലയിൽ നിന്ന് ബി.ടെക് ഫയർ ആൻഡ് സേഫ്റ്റി,അല്ലെങ്കിൽ എ. ഐ.സി.ടി.ഇ അംഗീകാരമുള്ള സർവകലാശാലയിൽ നിന്ന് ബി.ടെക് ഇൻ ഫയർ ടെക്‌നോളജി ആൻഡ് സേഫ്റ്റി എൻജിനീയറിങ്.
സംസ്ഥാന സർക്കാരിലൊ പൊതുമേഖലാ സ്ഥാപനങ്ങളിലോ 10 വർഷത്തെ മുൻപരിചയം അത്യാവശ്യമാണ്.
ഇതിനുപുറമെ ഇനിപറയുന്ന യോഗ്യത ഉള്ളവരെയും പരിഗണിക്കുന്നതാണ്.സംസ്ഥാന,കേന്ദ്ര സർക്കാരിലൊ സേവനമനുഷ്ഠിച്ചു വിരമിച്ചവർ,ഫയർ എന്ജിനീയർഴ്സ് ഇൻസ്റ്റിറ്റ്യൂട്ടിൽ നിന്ന് ബിരുദവും അഞ്ചുവർഷം മുൻപരിചയവും ഉള്ളവർ ,നാഷണൽ ഫയർ സർവീസ് കോളേജിന്റെ ഡിവിഷണൽ ഓഫീസർ കോഴ്‌സ് പൂർത്തിയാക്കി സ്റ്റേഷൻ ഓഫീസർ അല്ലെങ്കിൽ തതുല്യ തസ്തികയിൽ അഞ്ചുവർഷം സേവനം അനുഷ്ഠിച്ചിട്ടുള്ളവർ,ബി.എസ്‌.സി യോഗ്യതയും അഞ്ചുവർഷം പ്രവൃത്തിപരിചയവും.

ഫയർ ഓഫീസർ തസ്തികയിലേക്ക് കരാർ കരാർ അടിസ്ഥാനത്തിലാകും നിയമനം നടത്തുക. അഞ്ചുവർഷത്തേക്കാകും കരാർ.പ്രായം 35 നും 62 നും മധ്യേ ആയിരിക്കണം.രണ്ടു തസ്തികയിലേക്കും 2018 ഓഗസ്റ്റ് 31 അടിസ്ഥാനമാക്കിയാണ് പ്രായം,യോഗ്യത,മുൻപരിചയം എന്നിവ കണക്കാക്കുക.എസ്.സി,എസ്.ടി,ഒ.ബി.സി. വിഭാഗക്കാർക്ക് ചട്ടപ്രകാരമുള്ള ഇളവുകൾ ലഭിക്കും.

ജനറൽ.ഒ.ബി.സി. വിഭാഗക്കാർക്ക് അപേക്ഷാ ഫീസ് 600 രൂപയും എസ്.സി, എസ്.ടി വിഭാഗക്കാർക്ക് 100 രൂപയുമാണ്.ഓൺലൈനായി ആകാശാഫീസ് അടയ്ക്കുക.ഡെബിറ്റ്/ക്രെഡിറ്റ് കാർഡ് ഇന്റർനെറ്റ് ബാങ്കിങ് സംവിധാനം ഉപയോഗിക്കാവുന്നതാണ്.

www.sbi.co.in/careers എന്ന ലിങ്കുവഴി ഓൺലൈനായി അപേക്ഷിക്കുക.അപേക്ഷകർ ഫോട്ടോ, ഒപ്പ്, സർട്ടിഫിക്കറ്റുകൾ എന്നിവ സ്കാൻ ചെയ്ത് അപ്‌ലോഡ് ചെയ്യേണ്ടതുണ്ട്.പാസ്സ്‌പോർട്ട് സൈസിലുള്ള കളർ ഫോട്ടോയാണ് അപ്‌ലോഡ് ചെയ്യേണ്ടത്.പശ്ചാത്തലം വെളുത്തതോ ഇളം നിരത്തിലുള്ളതോ ആയിരിക്കണം.സ്കാൻ ചെയ്ത ഇമേജിന്റെ വലിപ്പം 20 കെ.ബി.ക്കും 50 കെ.ബിക്കും ഇടയിൽ ആയിരിക്കണം.വെളുത്ത പേപ്പറിൽ കറുത്ത മഷി പേന ഉപയോഗിച്ചാണ് ഒപ്പ് രേഖപ്പെടുത്തേണ്ടത്.സ്കാൻ ചെയ്ത ഇമേജിന്റെ വലിപ്പം 10 കെ.ബിക്കും 20 കെ.ബിക്കും ഇടയിൽ ആയിരിക്കണം.ഫോട്ടോയും ഒപ്പും JPG/JPEG ഫോര്മാറ്റിലാണ് അപ്‌ലോഡ് ചെയ്യേണ്ടത്.

ഓൺലൈൻ രജിസ്ട്രേഷന് ഭാഗമായി അപ്‌ലോഡ് ചെയ്യേണ്ട സർട്ടിഫിക്കറ്റുകൾ

1.Brief Resume ( DOC or DOCX)
2. ID Proof (PDF)
3. Proof of Date of Birth (PDF)
4. Educational Certificates: Relevant Mark-Sheets/ Degree Certificate(PDF)
5. Experience Certificates (PDF)
6. caste Certificate (SC/ST/OBC Candidates)/Discharge Certificate (for Army/Navy/Air Force candidates)
7.Form-16/IT Return as on 31.03.2018, current salary slip,etc.

വെബ്‌സൈറ്റിൽ നൽകിയിട്ടുള്ള വിജ്ഞാപനം വിശദമായി വായിച്ച മനസ്സിലാക്കി വേണം അപേക്ഷിക്കാൻ.രജിസ്‌ട്രേഷൻ നമ്പറും പാസ് വേർഡും സൂക്ഷിക്കാൻ മറക്കരുത്.താത്പര്യമുള്ള ഉദ്യോഗാർത്ഥികൾ സെപ്റ്റംബർ 24 മുൻപ് അപേക്ഷിക്കേണ്ടതാണ്.

കൂടുതൽ വിവരങ്ങൾക്ക്
www.sbi.co.in/careers