1998 ജനുവരി ഒന്ന് മുതല്‍ 2018 ഒക്‌ടോബര്‍ 31 വരെ എംപ്ലോയ്‌മെന്റ് എക്‌സ്‌ചേഞ്ച് രജിസ്‌ട്രേഷന്‍ പുതുക്കാന്‍ കഴിയാതെ സീനിയോറിറ്റി നഷ്ടപ്പെട്ട ഉദ്യോഗാര്‍ത്ഥികള്‍ക്ക് രജിസ്‌ട്രേഷൻ പുതുക്കാൻ അവസരം . ഇങ്ങനെ ഉള്ളവർക്ക് സീനിയോറിറ്റി നഷ്ടപ്പെടാതെ നവംബര്‍ 15 മുതല്‍ ഡിസംബര്‍ 31 വരെ രജിസ്‌ട്രേഷന്‍ പുതുക്കാം.

രജിസ്‌ട്രേഷൻ പുതുക്കാത്തതു കാരണം സീനിയോറിറ്റി നഷ്ടപ്പെട്ട തിരുവനന്തപുരം ജില്ലയിലെ ഉദ്യോഗാര്‍ത്ഥികള്‍ക്കാന് ഇപ്പോൾ അവസരമുള്ളത് . ഡിസംബര്‍ 31നകം എംപ്ലോയ്‌മെന്റ് രജിസ്‌ട്രേഷന്‍ കാര്‍ഡ് സഹിതം ബന്ധപ്പെട്ട എംപ്ലോയ്‌മെന്റ് എക്‌സേഞ്ചില്‍ ഹാജരാകുകയോ, എംപ്ലോയ്‌മെന്റ് വകുപ്പിന്റെ വെബ്‌സൈറ്റായ www.employment.kerala.gov.in മുഖേന ഓണ്‍ലൈന്‍ പോര്‍ട്ടലിന്റെ ഹോം പേജില്‍ നല്‍കിയിട്ടുള്ള സ്‌പെഷ്യല്‍ റിന്യൂവല്‍ ഓപ്ഷന്‍ വഴി നേരിട്ടോ ഉദ്യോഗാര്‍ത്ഥികള്‍ക്ക് രജിസ്‌ട്രേഷൻ പുതുക്കാം

എം‌പ്ലോയ്മെന്റ് എക്സ്ചേഞ്ചിൽ പേര് ചേർക്കാനും പുതുക്കാനും വളരെ എളുപ്പമാണ്. സംസ്ഥാനത്തെ ഏത് എം‌പ്ലോയ്മെന്റ് എക്സ്ചേഞ്ചില‌ും 14 വയസ്സുള്ള ആർക്ക‌ും ഓൺലൈനായി പേര് രജിസ്റ്റർ ചെയ്യാം. മൊബൈൽ നമ്പറ‌ും ഇ-മെയിൽ ഐഡിയും രജിസ്റ്റർ ചെയ്യുമ്പോൾ കൊട‌ുക്കണം. രജിസ്ട്രേഷൻ സമയത്ത‌ു തന്നെ രജിസ്റ്റർ നമ്പർ ലഭിക്ക‌ും.

അടിസ്ഥാന രേഖ സ്ക‌ൂൾ സർട്ടിഫിക്കറ്റാണ് . കൂടാതെ മേൽ‌വിലാസം തെളിയിക്കാനായി റേഷൻ‌കാർഡ്, ആധാർ കാർഡ് എന്നീ രേഖകള‌ും വേണം.
രജിസ്ട്രേഷനോടൊപ്പം ഉദ്യോഗാർത്ഥിയുടെ വിദ്യഭ്യാസയോഗ്യതകൾ എല്ലാം തന്നെ ചേർക്കാവ‌ുന്നതാണ്.

ഓൺലൈൻ രജിസ്റ്റർ ചെയ്തതിന‌ു ശേഷം നിശ്ചിത തിയതിക്ക‌ുള്ളിൽ അതത് എം‌പ്ലോയ്മെന്റ് എക്സ്ചേഞ്ചിൽ രജിസ്ട്രേഷൻ സ്ലിപ്പ‌ും അനുബന്ധ രേഖകള‌ുമായി ഹാജരാകണം

ഒരിക്കൽ രജിസ്‌ട്രേഷൻ ചെയ്തു കഴിഞ്ഞാൽ ജോലി ഒഴിവ‌ുകള‌ും പുതുക്കേണ്ട വിവരങ്ങള‌ും രജിസ്റ്റർ ചെയ്ത മൊബൈലിൽ എസ്.എം.എസ് വഴി അറിയിക്കും.

മൂന്ന് വർഷം ക‌ൂട‌ുമ്പോഴാണ് രജിസ്ട്രേഷൻ പ‌ുത‌ുക്കേണ്ടത്. മ‌ൂന്ന് വർഷത്തിന‌ു ശേഷം രണ്ട് മാസം ക‌ൂടി പ‌ുത‌ുക്ക‌ുവാൻ അവസരം നൽകാറ‌ുണ്ട്. പട്ടിക ജാതി / പട്ടികവർഗ്ഗക്കാർക്ക് നാല‌ു വർഷം ക‌ൂട‌ുമ്പോൾ രജിസ്ട്രേഷൻ പ‌ുത‌ുക്കിയാൽ മതി.

ഓൺലൈൻ രജിസ്ട്രേഷൻ ചെയ്യേണ്ട വെബ്സൈറ്റ്: www.employmentkerala.gov.in