യൂണിയൻ പബ്ലിക് സർവീസ് കമ്മീഷൻ വിവിധ തസ്തികകളിലേക്ക് അപേക്ഷ ക്ഷണിച്ചു. ഡിസംബർ 13 നു മുൻപ് അപേക്ഷിക്കണം . ആകെ 60 ഒഴിവുകളാണുള്ളത് 

ഒാൺലൈനായാണ് അപേക്ഷിക്കേണ്ടത് . ഒഴിവുകൾ താഴെ പറയും പ്രകാരമാണ്

എയർ സേഫ്റ്റി ഒാഫിസർ, ഡയറക്ടറേറ്റ് ജനറൽ ഒാഫ് സിവിൽ ഏവിയേഷൻ തസ്തികയിലേക്ക് 16 ഒഴിവുകളുണ്ട് . അംഗീകൃത യൂണിവേഴ്സിറ്റി ബിരുദമാണ് യോഗ്യത. ആദ്യ ഒരു വർഷം പ്രൊബേഷൻ ആയിരിക്കും . മൂന്നു ഒഴിവുകൾ ഓ ബി സി കാറ്റഗറിക്കാർക്കും ഒരു ഒഴിവ് എസ് ടി വിഭാഗത്തിനായി സംവരണം ചെയ്തിട്ടുണ്ട്.

അസിസ്റ്റന്റ് ഡയറക്ടർ ഒാഫ് ഒാപറേഷൻസ്, ഡയറക്ടറേറ്റ് ജനറൽ ഒാഫ് സിവിൽ ഏവിയേഷൻ 37 ഒഴിവുകൾ ആണ് ഉള്ളത് .എസ് സി , എസ് ടി ക്കാർക്ക് 5 വീതവും ഓ ബി സി ക്കാർക്ക് 8 ഉം സീറ്റുകൾ റിസേർവ് ചെയ്തിട്ടുണ്ട്.

സിവിൽ / മെക്കാനിക്കൽ അല്ലെങ്കിൽ കമ്പ്യൂട്ടർ സയൻസ്/ ഇൻഫർമേഷൻ ടെക്നോളജി ബിരുദമോ എയ്റോനോട്ടിക്കൽ / ഇലെക്ട്രിക്കൽ / ഇലക്ട്രോണിക്സ് ബിരുദമോ ഉള്ളവർക്ക് അപേക്ഷിക്കാം . മൂന്നു വർഷത്തെ പ്രവൃത്തി പരിചയം വേണം .

ഇലക്ട്രോണിക്സിലോ ഫിസിക്സിലോ ബിരുദാനന്തര ബിരുദം അല്ലെങ്കിൽ ഫിസിക്സ് , ഇലക്ട്രോണിക്സ് എന്നിവ വിഷയമായി B. Sc. ഡിഗ്രിയോ ഉള്ളവർക്കും അപേക്ഷിക്കാം. ഇവർക്ക് ബന്ധപ്പെട്ട മേഖലകളിൽ അഞ്ചു വർഷത്തിൽ കുറയാത്ത പ്രവൃത്തി പരിചയം വേണം

ഡപ്യൂട്ടി ഡയറക്ടർ (സേഫ്റ്റി) (മെക്കാനിക്കൽ), ഡയറക്ടറേറ്റ് ജനറൽ ഫാക്ടറി അഡ്വൈസ് സർവീസ് ആൻഡ് ലേബർ ഇൻസ്റ്റിറ്റ്യൂട്ട് ,ഒരൊഴിവ് ഓ ബി സി സംവരണം ആണ് . അംഗീകൃത യൂണിവേഴ്സിറ്റി യിൽ നിന്നുള്ള മെക്കാനിക്കൽ എഞ്ചിനീയറിംഗ് ഡിഗ്രി ആണ് യോഗ്യത

സയന്റിസ്റ്റ് ബി (കെമിസ്റ്റ്) സെൻട്രൽ ഗ്രൗണ്ട് വാട്ടർ ബോർഡ് ആറ് ഒഴിവ്– എന്നിങ്ങനെയാണ് വിവിധ ഒഴിവുകൾ . കെമിസ്ട്രിയിൽ ബിരുദാനന്തര ബിരുദമുള്ളവർക്ക് അപേക്ഷിക്കാം . ഓരോ സീറ്റുകൾ ഓ ബി സി ക്കും എസ് സി ക്കാർക്കും സംവരണം ചെയ്തിരിക്കുന്നു.
കൂടുതൽ വിവരങ്ങൾക്ക് www.upsconline.nic.in എന്ന വെബ്സൈറ്റ് സന്ദർശിക്കുക