എയിംസ് എംബിബിഎസ് 2019 ലേക്കുള്ള രജിസ്‌ട്രേഷന്‍ തുടങ്ങി.എംബിബിഎസ് അപേക്ഷയുടെ ബേസിക് ഘട്ടം ആണ് ഇപ്പോൾ തുടങ്ങിയിരിക്കുന്നത് . രണ്ടു ഘട്ടങ്ങളായാണ് രജിസ്‌ട്രേഷന്‍ പ്രക്രിയ നടക്കുന്നത്. aiimsexams.org എന്ന വെബ്സൈറ്റിൽ 2019 ജനുവരി മൂന്നുവരെ അപേക്ഷ നൽകാം

മുൻപ് നടന്ന അപേക്ഷാനടപടികള്‍ സാങ്കേതികകാരണങ്ങളാൽ താമസിസിച്ചിരുന്നു എന്ന പരാതിയെ തുടർന്ന് അപേക്ഷാനടപടികൾ കൂടുതൽ സുഗമമാക്കുന്നതിന്റെ ഭാഗമായി പുതുതായി തുടങ്ങിയ ‘പാർ’ ( P A A R ) പ്രവേശന രീതിയുടെ ഒന്നാംഘട്ടമാണു ബേസിക്. ഇനി ഫൈനൽ റജിസ്ട്രേഷനുമുണ്ട്.

പരീക്ഷയ്ക്ക് ആറ് മാസം മുമ്പ് തന്നെ അടിസ്ഥാന വിവരങ്ങൾ നൽകിയും ഫോട്ടോ അപ് ലോഡു ചെയ്തും ആദ്യ ഘട്ട അടിസ്ഥാന രജിസ്‌ട്രേഷൻ നടത്തണം. ഇംഗ്ലിഷ് , ഫിസിക്സ്, കെമിസ്ട്രി, ബയോളജി വിഷയങ്ങൾ ഉൾപ്പെട്ട ഹയർസെക്കൻഡറി 60 ശതമാനം മാർക്കോടെ വിജയിച്ചവർക്കാണ് അവസരം. വിവരങ്ങളും ഫോട്ടോയും ബേസിക് ഘട്ടത്തിൽ നൽകാം. ഈ ഘട്ടത്തിൽ തിരുത്തഹൽ ഉണ്ടെങ്കിൽ വരുത്താനുള്ള ചാൻസ് ഉണ്ട്. ബേസിക്കില്‍ ഫീസ് ഈടാക്കില്ല. ബേസിക്കിൽ നൽകിയ വിവരങ്ങൾ, അംഗീകരിച്ചു കിട്ടിയവർക്ക് ഫൈനൽ റജിസ്ട്രേഷനിലേക്കു കടക്കാം.

പ്രോസ്പക്ടസ്, പരീക്ഷാ കേന്ദ്രം തുടങ്ങിയ വിവരങ്ങൾ രണ്ടാംഘട്ടത്തിൽ ലഭ്യമാകും .2019-ലെ പരീക്ഷ എഴുതാൻ താൽപ്പര്യമുള്ളവർക്ക് ഫീസടച്ച്‌ രജിസ്‌ട്രേഷൻ പൂർത്തിയാക്കാം. 2019 ൽ പരീക്ഷ എഴുതാത്തവർ ഇപ്പോൾ ഫീസടക്കേണ്ടതില്ല. നിലവിലുള്ള ബേസിക്ക് രജിസ്‌ട്രേഷൻ വച്ച് പിന്നീടുള്ള സെഷനിലെ പരീക്ഷയ്ക്കുള്ള ഫൈനൽ രജിസ്‌ട്രേഷൻ ആ പരീക്ഷയുടെ സമയത്ത് നടത്താം. ബേസിക് രജിസ്‌ട്രേഷൻ എന്നും നിലനിൽക്കും. എന്നാൽ ഫൈനൽ രജിസ്‌ട്രേഷൻ പരീക്ഷയെ അടിസ്ഥാനപ്പെടുത്തി ആവശ്യമുള്ളപ്പോൾ ചെയ്യാവുന്നതാണ്

ഫെബ്രുവരി ആദ്യം തുടങ്ങുന്ന ഈ ഘട്ടം മാർച്ച് വരെ നീണ്ടുനിൽക്കും

AIMS -MBBS 2019 നുള്ള എന്‍ട്രന്‍സ് പരീക്ഷ 25,26 മെയ് 2019 ലാണ് നടക്കുക.അഡ്മിറ്റ് കാര്‍ഡ് മെയ് 15 നകം വിതരണം ചെയ്യപ്പെടും.എന്‍ട്രന്‍സ് ഫലം ജൂണ്‍ 12 നു പ്രസിദ്ധപ്പെടുത്തും

രാജ്യത്തെ മുൻനിര മെഡിക്കൽ സ്ഥാപനമായ എയിംസിന് ഡൽഹിക്കു പുറമെ ഭോപാൽ, ഭുവനേശ്വർ, ജോധ്പുർ, പട്ന, റായ്പുർ, ഋഷികേശ്, ഗുണ്ടൂർ, നാഗ്പുർ എന്നിവിടങ്ങളിൽ കേന്ദ്രങ്ങളുണ്ട്

.