കുസാറ്റിന്റെ ആഭിമുഖ്യത്തിലും പ്രവേശനമേൽനോട്ട സമിതിയുടെ നിയന്ത്രണത്തിലും കേരള കെ മാറ്റ് 2019 ഫെബ്രുവരി 17ന്
കേരളത്തിൽ എം.ബി.എ പ്രവേശനത്തിനായി നടത്തുന്ന പ്രവേശന പരീക്ഷയാണ് കെ മാറ്റ് .2019 -2020 വർഷത്തേക്കുള്ള കെ മാറ്റ് പരീക്ഷയ്ക്ക് ഇതുവരെ അപേക്ഷിച്ചിട്ടില്ലാത്തവർ എത്രയും പെട്ടെന്ന് അപേക്ഷിക്കണം
കേരളത്തിലെ എല്ലാ സർവകലാശാലയിലേക്കും, സർവകലാശാലകളുടെ കീഴിലുള്ള കോളേജുകളിലേക്കും എംബിഎ പ്രവേശനത്തിനുള്ള പരീക്ഷയായ കെ മാറ്റ് കേരള, 2019 ഫെബ്രുവരി 17ന് നടത്തും. കുസാറ്റിന്റെ ആഭിമുഖ്യത്തിലും പ്രവേശനമേൽനോട്ട സമിതിയുടെ നിയന്ത്രണത്തിലും ആണ് 2019 ലെ കെ മാറ്റ് കേരള നടത്തുന്നത്.
ഓൺലൈനായി അപേക്ഷകൾ നവംബര് രണ്ട് മുതല് സ്വീകരിച്ചു വരികയാണ്. അപേക്ഷകൾ സമർപ്പിക്കുവാനും വിശദവിവരങ്ങൾക്കും kmatkerala.in എന്ന വെബ്സൈറ്റ് സന്ദർശിക്കുക. ഓൺലൈൻ അപേക്ഷ സമർപ്പിക്കേണ്ട അവസാന തീയതി 2019 ജനുവരി 31 വൈകിട്ട് അഞ്ച് മണിയാണ്
കേരളത്തിലെ വിവിധ കേന്ദ്രങ്ങളിലും ലക്ഷദ്വീപ്, ബെംഗളുരു, മംഗളുരു, ചെന്നൈ, കോയമ്പത്തൂര് എന്നിവിടങ്ങളിലാണ് പരീക്ഷാ കേന്ദ്രങ്ങള്. കേരളവും ലക്ഷദ്വീപും ഒഴികെയുള്ള കേന്ദ്രങ്ങളില് കുറഞ്ഞത് 100 അപേക്ഷാര്ത്ഥികള് ഇല്ലാത്തപക്ഷം അപേക്ഷകരെ തൊട്ടടുത്ത കേന്ദ്രത്തിലേക്ക് മാറ്റുമെന്നു കുസാറ്റ് അറിയിച്ചിട്ടുണ്ട്
ജനറല് വിഭാഗത്തിന് 1000 രൂപയും എസ്.സി/എസ്.റ്റി വിഭാഗത്തിന് 750 രൂപയുമാണ് അപേക്ഷാ ഫീസ്.
അവസാന വർഷ ബിരുദ വിദ്യാർത്ഥികൾക്കും പരീക്ഷാഫലം പ്രതീക്ഷിക്കുന്നവർക്കും കെമാറ്റ് കേരള 2019 പ്രവേശന പരീക്ഷയ്ക്ക് അപേക്ഷിക്കാം.
സംശയ നിവാരണങ്ങൾക്കും കൂടുതൽ വിവരങ്ങൾക്കും പ്രവേശന മേൽനോട്ട സമിതിയുടെ തിരുവനന്തപുരം ഓഫീസിലെ 0471–- 2335133, 8547255133 എന്നീ നമ്പരുകളിൽ ബന്ധപ്പെടണം.
കെ മാറ്റ് കേരള, സി മാറ്റ്, ക്യാറ്റ് പ്രവേശന പരീക്ഷകളിലൊന്നില് അര്ഹത നേടിയവര്ക്ക് മാത്രമേ കേരളത്തിലെ സര്വ്വകലാശാലകളിലും അതിനു കീഴിലുള്ള എം.ബി.എ കോളേജുകളിലും പ്രവേശനം ലഭിക്കുകയുള്ളൂ
https://www.facebook.com/Malayalivartha