ഇന്ത്യൻ നേവിയിൽ 3400 ഒഴിവുകളിലേക്ക് ഇപ്പോൾ അപേക്ഷിക്കാം . ഒഴിവുകൾ ഇങ്ങനെയാണ് 

നേവിയിൽ സെയിലേഴ്‌സ് ഫോർ സീനിയർ സെക്കൻഡറി റിക്രൂട്സ് (എസ്‌എസ്‌ആർ) AUG 2019,
സെയിലേഴ്‌സ് ഫോർ ആർട്ടിഫൈസർ അപ്രന്റിസ്(എഎ) AUG 2019,
സെയിലേഴ്‌സ് ഫോർ മെട്രിക് റിക്രൂട്(എംആർ)
എന്നിങ്ങനെ OCT 2019 ബാച്ചുകളിലേക്കുള്ള പ്രവേശനത്തിനാണ് ഇപ്പോൾ അപേക്ഷിക്കേണ്ടത് അവിവാഹിതരായ പുരുഷന്മാർക്കാണ് അവസരം. ഉടൻ വിജ്ഞാപനമാകും. ഡിസംബർ 14 മുതൽ ഓൺലൈനായി അപേക്ഷിക്കാം

അപേക്ഷ സ്വീകരിക്കുന്ന അവസാന തീയതി: ഡിസംബർ 30 ആണ്

ഓരോ തസ്തികയിലേക്കും അപേക്ഷിക്കാനുള്ള യോഗ്യത ഇനി പറയും പ്രകാരമാണ്

സെയിലേഴ്‌സ് ഫോർ സീനിയർ സെക്കൻഡറി റിക്രൂട്സ് (എസ്‌എസ്‌ആർ) പോസ്റ്റിലേക്ക് 2500 ഒഴിവുകളാണുള്ളത് . മാത്തമാറ്റിക്‌സും ഫിസിക്‌സും പഠിച്ച് പ്ലസ്‌ടു ജയിച്ചവർക്ക് അപേക്ഷിക്കാം . പ്ലസ് ടു വിന് കെമിസ്‌ട്രി/ബയോളജി/കംപ്യൂട്ടർ സയൻസ് ഇവയിലേതെങ്കിലുമൊന്ന് ഒരു വിഷയമായി പഠിച്ചിരിക്കണം, 1998 ഓഗസ്റ്റ് ഒന്നിനും 2002 ജൂലായ് 31നും മധ്യേ ജനിച്ചവരാകണം. (രണ്ടു തീയതികളും ഉൾപ്പെടെ).

രണ്ടാമത്തെ തസ്തികയായ സെയിലേഴ്‌സ് ഫോർ ആർട്ടിഫൈസർ അപ്രന്റിസ്(എഎ)ക്കു ആകെ 500 ഒഴിവ് ഉണ്ട്. കുറഞ്ഞത് മൊത്തം 60% മാർക്കോടെ മാത്തമാറ്റിക്‌സും ഫിസിക്‌സും പഠിച്ച് പ്ലസ്‌ടു ജയം ആണ് അടിസ്ഥാന യോഗ്യത . കൂടാതെ കെമിസ്‌ട്രി/ബയോളജി/കംപ്യൂട്ടർ സയൻസ് ഇവയിലേതെങ്കിലുമൊന്ന് ഒരു വിഷയമായി പഠിച്ചിരിക്കണം, 1999 ഓഗസ്റ്റ് ഒന്നിനും 2002 ജൂലായ് 31നും മധ്യേ ജനിച്ചവരാകണം. (രണ്ടു തീയതികളും ഉൾപ്പെടെ).

സെയിലേഴ്‌സ് ഫോർ മെട്രിക് റിക്രൂട്(എംആർ) പോസ്റ്റിലേക്ക് 400 ഒഴിവ് ഉണ്ട്. കുക്ക്, സ്‌റ്റ്യുവാർഡ്, ഹൈജീനിസ്‌റ്റ് തസ്തികയിലാണ് നിയമനം ഉണ്ടാവുക .മെട്രിക്കുലേഷന്‍ പാസ്സായ സമാനജോലിയിലുള്ള പരിജ്ഞാനം ഉള്ളവർക്ക് അപേക്ഷിക്കാവുന്നതാണ് .
1998 ഒക്ടോബർ ഒന്നിനും 2002 സെപ്റ്റംബർ 30നും മധ്യേ ജനിച്ചവരാകണം. (രണ്ടു തീയതികളും ഉൾപ്പെടെ).

മേൽപ്പറഞ്ഞ യോഗ്യതകൾക്ക് പുറമെ ശാരീരിക യോഗ്യതകളും നേവിയിലേക്ക് സെലക്ഷൻ കിട്ടാൻ ആവശ്യമാണ് അവ ഇനി പറയും പ്രകാരമാണ്
ഉയരം കുറഞ്ഞത് 157 സെമീ ഉണ്ടായിരിക്കണം. തൂക്കവും നെഞ്ചളവും ഉയരത്തിന് ആനുപാതികം. നെഞ്ചളവ് കുറഞ്ഞത് അഞ്ചു സെമീ വികസിപ്പിക്കാൻ കഴിയണം. ശാരീരികമായും മാനസികമായും നല്ല ആരോഗ്യം വേണം.

കംപ്യൂട്ടർ ബേസ്ഡ് എക്സാമിനേഷൻ, ശാരീരികക്ഷമതാ പരിശോധന, വൈദ്യപരിശോധന എന്നിവയുടെ അടിസ്‌ഥാനത്തിലായിരിക്കും തിരഞ്ഞെടുപ്പ്.

ശാരീരികക്ഷമതാ പരീക്ഷയ്‌ക്ക് ഇനി പറയുന്ന ഇനങ്ങളുണ്ടാകും.
1. ഏഴ് മിനിട്ടിൽ 1.6 കിമീ ഓട്ടം.
2. 20 സ്‌ക്വാറ്റ് അപ്‌സ്.
3.10 പുഷ് അപ്സ്.

തിരഞ്ഞെടുക്കപ്പെടുന്നവർക്ക് 2019 ആഗസ്റ്റ്/ഒക്ടോബറിൽ ഐഎൻഎസ് ചിൽകയിൽ അടിസ്‌ഥാന പരിശീലനം തുടങ്ങും. പരിശീലനം വിജയകരമായി പൂർത്തീകരിക്കുന്നതിന്റെ അടിസ്ഥാനത്തിലായിരിക്കും ആദ്യ നിയമനം. പരിശീലനത്തിലെ പ്രകടനം തൃപ്‌തികരമല്ലെങ്കിൽ എപ്പോൾ വേണമെങ്കിലും മടക്കി അയയ്‌ക്കാം.

അപേക്ഷാഫീസ് 205 രൂപയാണ് . പട്ടികവിഭാഗക്കാർക്ക് ഫീസില്ല. വിസ/മാസ്റ്റർ/റുപേ ക്രെഡിറ്റ്/ഡെബിറ്റ് കാർഡ്/യുപിഐ എന്നിവ മുഖേന ഓൺലൈനായി ഫീസടയ്ക്കാം.

അപേക്ഷിക്കേണ്ട വിധം

www.joinindiannavy.gov.in എന്ന വെബ്‌സൈറ്റ് മുഖേന ഇ–ആപ്ലിക്കേഷൻ സമർപ്പിക്കാം. Log-in ൽ റജിസ്റ്റർ ചെയ്ത് Current Opportunities ലെ Applyയിൽ ക്ലിക്ക് ചെയ്ത് അപേക്ഷ പൂരിപ്പിക്കാം. അപേക്ഷിക്കുന്നതിനുള്ള നിർദേശങ്ങൾ വെബ്‌സൈറ്റിൽ നൽകിയിട്ടുള്ളതു കാണുക. ബന്ധപ്പെട്ട രേഖകളും, ഫോട്ടോയും സ്കാൻ ചെയ്ത് അപ്‌ലോഡ് ചെയ്യണം. ഫോട്ടോയുടെ പശ്‌ചാത്തലം നീല നിറത്തിലായിരിക്കണം. ഓൺലൈൻ അപേക്ഷ സമർപ്പിക്കുന്നതിനുള്ള നിർദേശങ്ങൾ വെബ്സൈറ്റിൽ പ്രസിദ്ധീകരിക്കും. വെബ്സൈറ്റിൽ ഔദ്യോഗിക വിജ്ഞാപനം പ്രസിദ്ധീകരിച്ചതിനു ശേഷം മാത്രം അപേക്ഷിച്ചാൽ മതി

വെബ്‌സൈറ്റ്: www.joinindiannavy.gov.in

ഇന്ത്യൻ സമുദ്രതിരങ്ങളുടെയും അറബിക്കടലിലും ബംഗാൾ ഉൾക്കടലിലും അങ്ങിങ്ങായി ചിതറിക്കിടക്കുന്ന നിരവധി ഇന്ത്യൻ ദ്വീപുകളുടെയും പ്രതിരോധം, നമ്മുടെ സമുദ്രാതിർത്തിയിൽ കൂടി സഞ്ചരിക്കുന്ന ചരക്കുകപ്പലുകൾക്കു വേണ്ട സഹായമെത്തിക്കൽ, സുരക്ഷിതമായ കപ്പൽ ഗതാഗതത്തിന് വേണ്ടിയുള്ള കപ്പൽച്ചാലുകളുടെ ചാർട്ടുണ്ടാക്കൽ, ചാലുകൾ തെറ്റി യാത്രയിൽ മണൽത്തിട്ടയിൽ ഉറയ്ക്കുന്ന കപ്പലുകളുടെ രക്ഷക്കുവേണ്ടിയുള്ള ഏർപ്പാടുണ്ടാക്കൽ, മത്സ്യബന്ധന ബോട്ടുകളുടെയും കപ്പലുകളുടെയും സുരക്ഷിതത്വം തുടങ്ങിയ ചുമതലകൾ ഇന്ത്യൻ നേവിയുടേതാണ്

കൂടാതെ പണിമുടക്കു മൂലമോ മറ്റേതെങ്കിലും കാരണത്താലോ തുറമുഖ പ്രവർത്തനങ്ങൾ സ്തംഭനാവസ്ഥയിൽ എത്തിയാൽ അതേറ്റെടുക്കുക, കൊടുംകാറ്റ്, ചുഴലിക്കാറ്റ്, ഭൂമികുലുക്കം, വരൾച്ച, വെള്ളപ്പൊക്കം മുതലായ കെടുതികൾ ഉണ്ടാകുമ്പോൾ അതിൽപ്പെട്ടുഴലുന്നവർക്ക് ആശ്വാസമെത്തിക്കുക എന്നിവയും ഇന്ത്യൻ നേവിയുടെ കർത്തവ്യങ്ങളിൽപെടുന്നു. നേവിയിലെ മുങ്ങൽ വിദഗ്ദ്ധൻമാർ ജല വൈദ്യുതി ഉൽപാദന പ്രദേശത്തും മറ്റു നദീതട പദ്ധതികളിലും വിലയേറിയ സേവനങ്ങൾ നൽകാറുണ്ട്.
ഇക്കഴിഞ്ഞ പ്രളയകാലത്തു കേരളത്തിൽ ഇന്ത്യൻ നേവി സ്തുത്യർഹമായ സേവനമാണ് കാഴ്ചവെച്ചത്