ഗള്ഫില് ജോലി തേടുന്നവരുടെ ശ്രദ്ധയ്ക്ക്: കുവൈത്തില് ഇത്തരം ജോലികള് ഇനിമുതൽ ഡിഗ്രിയുള്ളവർക്ക് മാത്രം
കുവൈത്തില് മാനേജര് തസ്തിക മുതല് മുകളിലോട്ടുള്ള ജോലികൾക്ക് ഇനി മുതൽ ഡിഗ്രി നിര്ബന്ധമാക്കി.നിലവിൽ ഡിഗ്രി യോഗ്യതയില്ലാത്തവർ ഇത്തരം പോസ്റ്റുകളിൽ ജോലി ചെയ്യുന്നുണ്ടെങ്കിൽ അവർക്ക് പെർമിറ്റ് പുതുക്കി നൽകില്ലെന്നും വ്യക്തമാക്കിയിട്ടുണ്ട്. ജനുവരി ഒന്ന് മുതല് ഈ നിയമം പ്രാബല്യത്തില് വരും
ഇപ്പോൾ കുവൈത്തിലെ സ്വകാര്യ മേഖലയിൽ ഉന്നത തസ്തികകളില് ജോലി ചെയ്യുന്നവര്ക്ക് വര്ക്ക് പെര്മിറ്റ് പുതുക്കി നല്കുന്നതിനാണ് മാന് പവര് അതോറിറ്റി പുതിയ നിബന്ധന വെച്ചത്.
ഇനി മുതൽ ഉയർന്ന പോസ്റ്റുകളിലേക്ക് അപേക്ഷിക്കുന്നതിനു അംഗീകൃത സര്വ്വകലാശാലകളില് നിന്നുള്ള ഡിഗ്രിയാണ് മിനിമം വിദ്യാഭ്യാസ യോഗ്യത. എന്നാല് 2011 ജനുവരിക്ക് മുൻപ് ഇത്തരം തസ്തികകളില് നിയമിതരായവര്ക്ക് വര്ക്ക് പെര്മിറ്റ് പുതുക്കി കൊടുക്കും. അതിന് ശേഷമുള്ളവര്ക്ക് ആ തസ്തികയില് ജോലി ചെയ്യുന്നതിനുള്ള വിദ്യാഭ്യാസ യോഗ്യതയുണ്ടെന്ന് തെളിയിസിച്ചാൽ മാത്രമേ വർക്ക് പെർമിറ്റ് നൽകുകയുള്ളൂ . ഇതിനായി ഒറിജിനല് ബിരുദ സര്ട്ടിഫക്കറ്റ് ഹാജരാക്കണം എന്നും മാന് പവര് അതോറിറ്റിയുടെ നിബന്ധനയിൽ പറയുന്നു .
https://www.facebook.com/Malayalivartha