ജൂനിയര്‍ എഞ്ചിനീയര്‍, ഡിപ്പോ മെറ്റീരിയല്‍ സൂപ്രണ്ട്, കെമിക്കല്‍ ആന്‍ഡ് മെറ്റലര്‍ജിക്കല്‍ അസിസ്റ്റന്റ് എന്നീ തസ്തികകളിലേക്കുള്ള 14,033 ഒഴിവുകളിലേക്ക് റെയിൽവേ അപേക്ഷ ക്ഷണിച്ചു.

2015ന് ശേഷം ആദ്യമായാണ് ആര്‍.ആര്‍.ബി ജൂനിയര്‍ എഞ്ചിനീയര്‍ തസ്തികയിലേക്കുള്ള അപേക്ഷ ക്ഷണിക്കുന്നത്. 14,033 ഒഴിവുകളാണ് റിപ്പോര്‍ട്ട് ചെയ്തിട്ടുള്ളത്.തുടക്ക ശമ്പളം 35,400 രൂപയായിരിക്കും

ഉദ്യോഗാര്‍ഥികള്‍ക്ക് ജനുവരി രണ്ട് മുതല്‍ 31 വരെ അതാത് ആര്‍.ആര്‍.ബി വെബ്സൈറ്റുകള്‍ വഴി ഓണ്‍ലൈനായി അപേക്ഷ സമര്‍പ്പിക്കാവുന്നതാണ്. ജനുവരി രണ്ട് മുതല്‍ 31 വരെ ഓണ്‍ലൈനായി അപേക്ഷ സമര്‍പ്പിക്കാം. ഫെബ്രുവരി അഞ്ച് വരെ ഫീസ് അടയ്ക്കാവുന്നതാണ്

പരീക്ഷ ഓൺ ലൈൻ ആയിരിക്കും. രണ്ടു ഘട്ടങ്ങളിലായാണ് ഓൺലൈൻ പരീക്ഷ നടത്തുന്നത് . പരീക്ഷക്ക് പുറമെ സര്‍ട്ടിഫിക്കറ്റ് പരിശോധന, വൈദ്യ പരിശോധന എന്നിവയുടെ കൂടി അടിസ്ഥാനത്തിലായിരിക്കും നിയമനം.
തസ്തികകളും ഒഴിവുകളും ഇനി പറയും വിധമായിരിക്കും.

ജൂനിയര്‍ എഞ്ചിനീയര്‍തസ്തികയിലേക്ക് 13,304 ഒഴിവുകളാണ് ഉള്ളത്
ജൂനിയര്‍ എഞ്ചിനീയര്‍ (ഐ.ടി) തസ്തികയിൽ 49 ഒഴിവുകളും ഡിപ്പോ മെറ്റീരിയല്‍ സൂപ്രണ്ട് തസ്തികയിലേക്ക് 456 ഒഴിവുകളുമുണ്ട് .
കെമിക്കല്‍ ആന്‍ഡ് മെറ്റലര്‍ജിക്കല്‍ അസിസ്റ്റന്റ് വിഭാഗത്തിൽ മാത്രം - 494 ഒഴിവുകളും ഉണ്ടെന്നു റെയിൽവേ അറിയിച്ചു.

ഓരോ തസ്തികയിലേക്കുമുള്ള യോഗ്യതകൾ

ജൂനിയര്‍ എഞ്ചിനീയര്‍ - ബന്ധപ്പെട്ട വിഷയത്തില്‍ ബി.ഇ/ ബി.ടെക് ജൂനിയര്‍ എഞ്ചിനീയര്‍ (ഐ.ടി) - പിജിഡിസിഎ, ബി.എസ്സി കമ്പ്യൂട്ടര്‍ സയന്‍സ്, ബിസിഎ, ബിടെക് ഐടി/ കമ്പ്യൂട്ടര്‍ സയന്‍സ്

ഡിപ്പോ മെറ്റീരിയല്‍ സൂപ്രണ്ട് - ഏതെങ്കിലും എഞ്ചിനീയറിങ് ബിരുദം/ ഡിപ്ലോമ
കെമിക്കല്‍ ആന്‍ഡ് മെറ്റലര്‍ജിക്കല്‍ അസിസ്റ്റന്റ് - 45 ശതമാനം മാര്‍ക്കോടെ ഏതെങ്കിലും സയന്‍സ് വിഷയത്തിലുള്ള ബിരുദം. ഫിസിക്സ്, കെമിസ്ട്രി എന്നിവ പഠിച്ചിരിക്കണം

01/01/2019ന് 18നും 33നും മധ്യേ പ്രായമുള്ളവർക്ക് മാത്രമേ അപേക്ഷിക്കാൻ സാധിക്കൂ.

അപേക്ഷാ ഫീസ് 500 രൂപയാണ് . ആദ്യഘട്ട ഓണ്‍ലൈന്‍ പരീക്ഷ എഴുതുന്ന മുറയ്ക്ക് 400 രൂപ ബാങ്ക് അക്കൗണ്ടിലേക്ക് തിരികെ നല്‍കും (ബാങ്ക് ചാര്‍ജ് ഈടാക്കും)

എസ്.സി, എസ്.ടി, വനിതാ, ട്രാന്‍സ്‌ജെന്‍ഡര്‍, സാമ്പത്തികമായി പിന്നാക്കം നില്‍ക്കുന്ന വിഭാഗങ്ങള്‍, മറ്റ് സംവരണ വിഭാഗങ്ങള്‍ എന്നിവര്‍ക്ക് 250 രൂപയാണ് ഫീസ് . ആദ്യഘട്ട ഓണ്‍ലൈന്‍ പരീക്ഷ എഴുതുന്ന മുറയ്ക്ക് മുഴുവന്‍ തുകയും തിരികെ ലഭ്യമാക്കും.

കൂടുതല്‍ വിവരങ്ങള്‍ക്ക് റയിൽവെയുടെ നോട്ടിഫിക്കേഷൻ ശ്രദ്ധിക്കുക വിശദവിവരങ്ങൾക്ക് വെബ്‌സൈറ്റ്: http://www.rrbcdg.gov.in