കേന്ദ്രസര്‍ക്കാര്‍ സ്ഥാപനമായ എംപ്ലോയീസ് സ്റ്റേറ്റ് ഇന്‍ഷുറന്‍സ് കോര്‍പ്പറേഷനു(ഇ.എസ്.ഐ.സി)കീഴിലെ ആസ്പത്രികളിലും ഡിസ്പെന്‍സറികളിലുമായി 1995 ഒഴിവിലേക്ക് ഇപ്പോൾ അപേക്ഷിക്കാം

സ്റ്റാഫ് നഴ്സ് തസ്തികയില്‍ മാത്രം 1320 ഒഴിവുകളാണ് കണക്കാക്കിയിരിക്കുന്നത് . ഫാര്‍മസിസ്റ്റ് ഉള്‍പ്പെടെ പാരാമെഡിക്കല്‍ വിഭാഗത്തില്‍ 662 ഒഴിവുണ്ട്.

സ്ഥിരനിയമനമാണ് എന്ന ആകർഷണവും ഉണ്ട് . കേരളം ഉള്‍പ്പെടെ 20 റീജിയനുകളിലേക്കാണ് ഇപ്പോൾ അപേക്ഷ ക്ഷണിച്ചിരിക്കുന്നത്. ഓരോ റീജിയനുകളിലേക്കും ഉള്ള ഒഴിവുകൾ ഇപ്രകാരമാണ്

നോര്‍ത്ത് ഈസ്റ്റ്: 56, ബിഹാര്‍: 151, ഛത്തീസ്ഗഢ്: 33, ഹരിയാണ: 12,
ഹിമാചല്‍പ്രദേശ്: 27, കേരളം: 13, ജമ്മു കശ്മീര്‍: 19, ഒഡിഷ: 53, പഞ്ചാബ്: 58, തെലങ്കാന: 185, ഉത്തര്‍പ്രദേശ്: 224, ഗുജറാത്ത്: 210, മധ്യപ്രദേശ്: 106, മഹാരാഷ്ട്ര: 159, രാജസ്ഥാന്‍: 121, തമിഴ്നാട്: 111, ഉത്തരാഖണ്ഡ്: 3, പശ്ചിമബംഗാള്‍: 97, ഡല്‍ഹി: 306, ജാര്‍ഖണ്ഡ്: 51 എന്നിങ്ങനെയാണ് ഓരോ റീജിയനുകളിലും ഒഴിവുകൾ ഉള്ളത്

ജനറല്‍ നഴ്സിങ് ആന്‍ഡ് മിഡൈ്വഫ് ഡിപ്ലോമ/ തത്തുല്യം, നഴ്സിങ് കൗണ്‍സില്‍ രജിസ്ട്രേഷന്‍എന്നിവ ഉള്ളവർക്ക് അപേക്ഷിക്കാവുന്നതാണ് . പ്രായം 37 വയസ്സ് കവിയരുത് . താൽപ്പര്യമുള്ളവർ ജനുവരി 21 നു മുൻപ് അപേക്ഷിക്കണം . കൂടുതൽ വിവരങ്ങൾക്കും അപേക്ഷിക്കുന്നതിനും www.esic.nic.in എന്ന വെബ്‌സൈറ്റ് കാണുക.

ഭാരതത്തിലെ തൊഴിലാളി സമൂഹത്തിനും അവരുടെ ആശ്രിതര്‍ക്കും സാമൂഹ്യവും, സാമ്പത്തികവുമായ പരിരക്ഷ നല്‍കുവാന്‍ വേണ്ടി ബഹുമുഖരൂപത്തില്‍ വിഭാവനം ചെയ്തു നടപ്പിലാക്കിയ സാമൂഹ്യ സുരക്ഷാ പദ്ധതിയാണ് ഇ.എസ്.ഐ. പദ്ധതി.

കേരള സംസ്ഥാനത്ത് ഇ.എസ്.ഐ. പദ്ധതി നടപ്പിലാവുന്നത് 1956 സെപ്റ്റംബര്‍ മാസം പതിനാറാം തീയതി മുതലാണ്.

കേരളത്തില്‍ തൃശ്ശൂര്‍ ആസ്ഥാനമായി സ്ഥാപിതമായ റീജയണല്‍ ഓഫീസിനു പുറമേ കൊല്ലം, തിരുവനന്തപുരം, എറണാകുളം, കോഴിക്കോട്‌ എന്നീ നഗരങ്ങള്‍ ആസ്ഥാനമായി 4 സബ് റീജിയണല്‍ ഓഫീസുകളും കേരളത്തില്‍ പ്രവര്‍ത്തിക്കുന്നുണ്ട്