സൗദിയില് നിന്ന് ഫൈനല് എക്സിറ്റില് മടങ്ങിയവര് പുതിയ വിസയ്ക്ക് അപേക്ഷിക്കുമ്പോള് എക്സിറ്റ് രേഖകള് നല്കണം
റീ എന്ട്രി വിസയില് സൗദിവിട്ട ശേഷം വിസാ കാലാവധി അവസാനിക്കുന്നതിനു മുമ്പ് സൗദിയിലേക്ക് തിരിച്ചുവരാത്തവര്ക്ക് മൂന്നു വര്ഷത്തേക്ക് സൗദിയില് പ്രവേശന വിലക്ക്..
റീ എൻട്രി വിസയിൽ നാട്ടിലേക്ക് പോയ ശേഷം നിശ്ചിത കാലാവധിക്കുള്ളിൽ തിരികെ വന്നില്ലെങ്കിൽ മൂന്ന് വര്ഷം കഴിഞ്ഞ് മാത്രമേ മറ്റൊരു വിസയില് തിരികെ വരാനാവൂ എന്നാണ് സൗദിയിലെ നിയമം. എന്നാല് ഇത് പാലിക്കാതെ മൂന്ന് വര്ഷത്തിന് മുന്പ് മറ്റൊരു വിസയിൽ തിരികെ വരുന്നവരുടെ എണ്ണം കൂടുതലായതോടെയാണ് പുതിയ ചട്ടങ്ങള് കൊണ്ടുവരുന്നത്.
സൗദിയില് നിന്ന് ഫൈനല് എക്സിറ്റില് മടങ്ങി വരുന്നവര്ക്ക് വീണ്ടും മറ്റൊരു വിസയില് രാജ്യത്തേക്ക് മടങ്ങി വരുന്നതിന് പുതിയ നിബന്ധനകള് ബാധകമാക്കി. ഒരിക്കല് ഫൈനല് എക്സിറ്റില് മടങ്ങിയവര് എക്സിറ്റ് രേഖകളുടെ പകര്പ്പ് ഹാജരാക്കിയാല് മാത്രമേ പുതിയ വിസ സ്റ്റാമ്പ് ചെയ്ത് നല്കുകയുള്ളൂവെന്ന് മുംബൈയിലെ സൗദി കോണ്സുലേറ്റ് അറിയിച്ചു. ജനുവരി ഏഴ് മുതലാണ് നിയമം പ്രാബല്യത്തില് വരുന്നത്.
എക്സിറ്റ് വിസ അടിക്കുമ്പോൾ സൗദി പാസ്പോര്ട് ഓഫീസിൽ നിന്നും ലഭിച്ച രേഖയോ വിദേശികളുടെ വിസ സംബന്ധമായ സേവനങ്ങൾ നൽകുന്ന മുഖീം സിസ്റ്റത്തിൽ നിന്നുള്ള റിപ്പോർട്ടോ പുതിയ വിസ അപേക്ഷയ്ക്കൊപ്പം നല്കണം. ഇന്ത്യയിലെ റിക്രൂട്ടിങ് ഏജന്സികളെ കോണ്സുലേറ്റ് ഇക്കാര്യം അറിയിച്ചിട്ടുണ്ട്.
നിലവില് ഇത്തരം നിയന്ത്രണങ്ങളൊന്നും ഉണ്ടായിരുന്നില്ല.ഒരു സ്പോണ്സറിനു കിഴില് ജോലിനോക്കവെ ശമ്പളകൂടുതലുള്ള മറ്റൊരു സ്പോണ്സറെ ലക്ഷ്യമിട്ട് പുതിയ വിസയിലെത്തുമ്പോള് ആദ്യത്തെ സ്പോണ്സര്ക്ക് ഭീമമായ നഷ്ടമാണ് ഉണ്ടാവുന്നത്. ഇതില്ലാതാക്കാനും ഇങ്ങിനെ പുതിയ വിസയിലെത്തുന്നത് നിരുത്സാഹപ്പെടുത്തുന്നതിനുമാണ് ഇത്തരത്തിലുള്ള നിയമം കര്ശനമാക്കിയിട്ടുള്ളത്.
https://www.facebook.com/Malayalivartha
