എച്ച് 1 ബി വിസയില്‍ മാറ്റങ്ങള്‍ വരുത്താന്‍ യു.എസ് ഭരണകൂടം തീരുമാനിച്ചു . വിദഗ്ദ തൊഴിലാളികള്‍ക്ക് ആറുവര്‍ഷം വരെ അമേരിക്കയില്‍ ജോലി ചെയ്യാന്‍ അനുവദിക്കുന്ന വിസയാണ് എച്ച് 1 ബി.

ഐടി മേഖലയില്‍ ജോലിചെയ്യാനായെത്തുന്ന തൊഴിലാളികളാണ് എച്ച് 1 ബി യുടെ പ്രധാന ഉപഭോക്താക്കള്‍. അതിനാല്‍ നിയമത്തില്‍ വരുത്തുന്ന എന്ത് മാറ്റവും ഏറ്റവും ഏറ്റവും കൂടുതല്‍ ബാധിക്കുക ഇവരെയാണ്.
2016 ല്‍ അനുവദിച്ച എച്ച് 1 ബി വിസയുടെ 77 ശതമാനവും നേടിയത് ഇന്ത്യക്കാരാണ്. BUY അമേരിക്കന്‍ Hire അമേരിക്കന്‍ എന്ന പേരില്‍ ജോലികളില്‍ അമേരിക്കകാര്‍ക്ക് മുന്‍ഗണ നല്‍കുന്ന ഡോണാള്‍ഡ് ട്രംപിന്റെ പോളിസിയുടെ അടിസ്ഥാനത്തില്‍ ആണ് എച്ച് 1 ബി വിസയിലും മാറ്റങ്ങള്‍ വരുത്തുന്നത് . അതുകൊണ്ടു തന്നെ

തൊഴില്‍ വൈദഗ്ധ്യത്തിന്റെ അടിസ്ഥാനത്തില്‍ ഈ വിസ അനുവദിക്കുന്ന നടപടിക്രമങ്ങള്‍ ഉടന്‍ ഉണ്ടായേക്കുമെന്നാണ് റിപ്പോര്‍ട്ടുകള്‍. -
എച്ച് 1 ബി വിസയിൽ വരുന്നവരുടെ കുറഞ്ഞ ശമ്പളം വർഷത്തിൽ 60, 000 ഡോളർ എന്നതിൽ നിന്നും 130, 000 ഡോളർ ആക്കണമെന്നും നിർദ്ദേശമുണ്ട്. കമ്പനികൾ വിദേശീയർക്ക് പകരം കൂടുതൽ തദ്ദേശീയരെ നിയമിക്കാൻ വേണ്ടിയാണിത്

എച്ച് 1 ബി വിസയില്‍ അമേരിക്കയില്‍ ഏറ്റവും കൂടുതര്‍ ജോലി ചെയ്യുന്നത് ഇന്ത്യക്കാര്‍ ആണ്. നിയമം പ്രാബല്യത്തിൽ വരുന്നതോടെ ഇന്ത്യയിലെ മിടുക്കരായ ഐ ടി പ്രൊഫഷണലുകൾക്ക് അര്‍ഹതയുള്ള ജോലി ഉറപ്പാക്കാനാകും എന്നാണു ഇന്ത്യൻ ഐ ടി പ്രൊഫഷണലുകളുടെ പ്രതീക്ഷ. ഉയര്‍ന്ന യോഗ്യത ഉള്ളവര്‍ താഴ്ന്ന ജോലിയില്‍ പ്രവേശിക്കുന്നത് ഇതോടെ തടയാനാകും .

ഉയര്‍ന്ന യോഗ്യതയും പരിജ്ഞാനവും ഉള്ളവര്‍ തങ്ങളുടെ നിലവാരത്തിന് താഴ്ന്ന ജോലിയില്‍ ഏര്‍പ്പെടുന്നത് ശ്രദ്ധയില്‍ പെട്ടതോടെയാണ് യു.എസ് ഭരണകൂടം തൊഴില്‍ നിയമ ഭേദഗതിക്ക് തയ്യാറായത്.

ഒരു വർഷം 65, 000 എച്ച്-1 ബി വിസയാണു അമേരിക്ക നൽകുന്നത് . യു എസ്സിൽ പഠനത്തിനായി പോകാനാഗ്രഹിക്കുന്ന വിദേശവിദ്യാർഥികൾക്കായി 20, 000 വിസയും അനുവദിക്കുന്നുണ്ട്. ഇന്ത്യയിൽ നിന്നുമുള്ള ഏതാണ്ടു 3.5 ലക്ഷം എഞ്ചിനീയർമാർ എച്ച്-1 ബി വിസയിൽ ജോലി ചെയ്യുന്നവരാണ് .