യൂണിയൻ പബ്ലിക‌് സർവീസ് കമ്മീഷൻ (യുപിഎസ‌്സി) 2019 ലെ പരീക്ഷാ കലണ്ടർ പുതുക്കി പ്രസിദ്ധീകരിച്ചു. സിവില്‍സര്‍വീസ് മെയിന്‍ പരീക്ഷ 2019 സെപ്റ്റംബര്‍ 20 നും ഇന്ത്യന്‍ ഫോറസ്റ്റ് സര്‍വീസ് മെയിന്‍ പരീക്ഷ 2019 ഡിസംബര്‍ 12നും ആണ്സിവിൽ സർവീസ് പ്രിലിമിനറി പരീക്ഷയ്ക്ക് ഫെബ്രുവരി 19 മുതൽ അപേക്ഷ ക്ഷണിക്കും. മാർച്ച‌് 18 വരെ അപേക്ഷിക്കാം. ജൂൺ രണ്ടിനായിരിക്കും പ്രിലിമിനറി പരീക്ഷ. മെയിൻ പരീക്ഷ സെപ‌്തംബർ 20 മുതൽ അഞ്ച് ദിവസം നടത്തുമെന്ന‌് യുപിഎസ‌്സി വ്യക്തമാക്കി. അതേസമയം, സിവിൽ സർവീസിലെ ഒഴിവുകളുടെ എണ്ണം വ്യക്തമാക്കിയിട്ടില്ല. ഇന്ത്യന്‍ ഫോറസ്റ്റ് സര്‍വീസിന്റെ പ്രിലിമിനറി പരീക്ഷയും ജൂൺ രണ്ടിനാണ് . കഴിഞ്ഞദിവസം യു.പി.എസ്.സി പുറത്തിറക്കിയ പരീക്ഷാ കലണ്ടറില്‍ രാജ്യത്തെ മറ്റ് പ്രധാന സര്‍വീസുകളിലേക്കുള്ള പരീക്ഷാതീയ്യതികളും പ്രഖ്യാപിച്ചിട്ടുണ്ട്. എഞ്ചിനീയറിങ് സര്‍വീസസിലേക്കുള്ള പ്രിലിമിനറി പരീക്ഷ ജനുവരി ആറിന് നടക്കും. ഇത് സംബന്ധിച്ച വിശദ വിജ്ഞാപനം സെപ്റ്റംബര്‍ 26 ന് പുറത്തിറക്കും. നാഷണൽ ഡിഫൻസ‌് അക്കാദമിയിലേക്കും (എൻഡിഎ) നേവൽ അക്കാദമിയിലേക്കും (എൻഎ) പ്രവേശനത്തിന‌് ജനുവരി ഒമ്പതിന‌് അപേക്ഷ ക്ഷണിക്കും. ഫെബ്രുവരി നാലുവരെ അപേക്ഷിക്കാം. 2019 ലെ എൻഡിഎ–- എൻഎ രണ്ടാംഘട്ട പ്രവേശനത്തിന‌് ആഗസ‌്ത‌് ഏഴുമുതൽ അപേക്ഷ ക്ഷണിക്കും. സെപ‌്തംബർ മൂന്നുവരെ അപേക്ഷിക്കാം. എന്‍.ഡി.എ& എന്‍.എ പരീക്ഷ ഏപ്രില്‍ നാലിനും ഐ.ഇ.എസ്/ ഐ.എസ്.എസ് പരീക്ഷ ജൂണ്‍ 28 നും നടക്കും. സെൻട്രൽ ആംഡ‌് പൊലീസ് ഫോഴ‌്സിലേക്ക് 2019 ലെ പ്രവേശന പരീക്ഷയ്ക്ക് ഏപ്രിൽ 24 മുതൽ മെയ‌് 20 വരെ അപേക്ഷിക്കാം . ആഗസ‌്ത‌് 18നായിരിക്കും പ്രവേശന പരീക്ഷ. യുപിഎസ‌്സി പുതുക്കിയ 2019ലെ പരീക്ഷാ കലണ്ടറിൽ ഇരുപതിലേറെ പ്രവേശന പരീക്ഷകളുടെ തീയതികൾ വ്യക്തമാക്കിയിട്ടുണ്ട‌്. വിശദവിവരങ്ങൾ: www.upsc.gov.inപ്രിലിമിനറി പരീക്ഷക്ക് രണ്ടുപേപ്പറുകളാണുള്ളത് . ഒന്നാം പേപ്പർ: ഒബ്‌ജക്ടീവ്‌ ടൈപ്പ്‌, രണ്ടുമണിക്കൂർ, 100 േചാദ്യം, 200 മാർക്ക്. രണ്ടാം പേപ്പർ: ആപ്‌റ്റിറ്റ്യൂഡ്‌, ഒബ്‌ജക്ടീവ്‌ ടൈപ്പ്‌, രണ്ടുമണിക്കൂർ, 80 ചോദ്യം, 200 മാർക്ക്. എന്നിങ്ങനെയായിരിക്കും ഉണ്ടാകുന്നത് ഇത് മെയിൻ പരീക്ഷയ്ക്ക് യോഗ്യത നേടാൻ ഉള്ള ഒരു സ്‌ക്രീനിങ്‌ ടെസ്റ്റ്‌ മാത്രമാണ്‌ . പ്രിലിമിനറി പരീക്ഷയിൽ വിജയിക്കിച്ചെങ്കിൽ മാത്രമേ മെയിൻ പരീക്ഷ എഴുതാൻ കഴിയുകയുള്ളു . ഈ രണ്ടുപരീക്ഷയിൽ ആദ്യം രണ്ടാമത്തെ പേപ്പറാണ്‌ നോക്കുന്നത്‌. ഇതിന്‌ മിനിമം പാസ്‌ മാർക്ക് 33 ശതമാനം വേണം. ഇതുകിട്ടിയാൽമാത്രമേ ഒന്നാമത്തെ പേപ്പർ നോക്കുകയുള്ളൂ സിവിൽ സർവീസ് പരീക്ഷയ്ക്കുള്ള യോഗ്യതകൾ ബിരുദം/ തുല്യയോഗ്യതയാണ് ; മിനിമം മാർക്ക് നിബന്ധനയില്ല. അവസാന വർഷ ബിരുദവിദ്യാർഥികൾക്കും അപേക്ഷിക്കാം. മെഡിക്കൽ ബിരുദധാരികൾ ഇന്റേൺഷിപ് സർട്ടിഫിക്കറ്റ് ഇന്റർവ്യൂ നേരത്തു ഹാജരാക്കണം. സാങ്കേതികബിരുദത്തിനു തുല്യമായ പ്രഫഷനൽ യോഗ്യതയുള്ളവർക്കും പരീക്ഷയെഴുതാം. പ്രായം: ഓഗസ്റ്റ് ഒന്നിന് 21 നും 32 വയസിനും ഇടയിലായിരിക്കണം. പട്ടിക, പിന്നാക്ക, വിമുക്‌തഭട, ഭിന്നശേഷി, അന്ധ, ബധിര വിഭാഗക്കാർക്കു നിയമാനുസൃത ഇളവ്ഉണ്ടായിരിക്കും ആറു തവണ വരെ സിവിൽ സർവീസസ് പരീക്ഷ എഴുതാം. പ്രിലിമിനറിയിലെ ഒരു പേപ്പറിനെങ്കിലും ഇരുന്നാൽ അത് ഒരു ചാൻസായി കണക്കാക്കും. പിന്നാക്കവിഭാഗക്കാർക്കും പൊതുവിഭാഗത്തിലെ ഭിന്നശേഷിക്കാർക്കും ഒൻപതു തവണവരെ എഴുതാം. പട്ടികവിഭാഗക്കാർക്കു പ്രായപരിധിക്കുള്ളിൽ എത്ര തവണ വേണമെങ്കിലുമെഴുതാം.
