പൂണെയിലെ ഫിലിം ആന്ഡ് ടെലിവിഷന് ഇന്സ്റ്റിറ്റ്യൂട്ട് ഓഫ് ഇന്ത്യ (എഫ്.ടി.ഐ.എം), കൊല്ക്കത്തയിലെ സത്യജിത് റായ് ഫിലിം ആന്റ് ടെലിവിഷന് ഇന്സ്റ്റിറ്റ്യൂട്ട് (എസ്.ആര്.എഫ്.ടി.ഐ) എന്നീ സ്ഥാപനങ്ങളിലെ 2019 പ്രവേശനത്തിന് അപേക്ഷ ക്ഷണിച്ചു
പൂണെയിലെ ഫിലിം ആന്ഡ് ടെലിവിഷന് ഇന്സ്റ്റിറ്റ്യൂട്ട് ഓഫ് ഇന്ത്യ (എഫ്.ടി.ഐ.എം), കൊല്ക്കത്തയിലെ സത്യജിത് റായ് ഫിലിം ആന്റ് ടെലിവിഷന് ഇന്സ്റ്റിറ്റ്യൂട്ട് (എസ്.ആര്.എഫ്.ടി.ഐ) എന്നീ സ്ഥാപനങ്ങളിലെ 2019 പ്രവേശനത്തിന് അപേക്ഷ ക്ഷണിച്ചു. ജനുവരി 31 വരെ അപേക്ഷിക്കാം. ഫിലിം മേഖലയുമായി ബന്ധപ്പെട്ട കോഴ്സുകളും ടെലിവിഷന് /ഇലക്ട്രോണിക്സ് ആന്റ് ഡിജിറ്റല് മീഡിയയുമായി ബന്ധപ്പെട്ട കോഴ്സുകളും ഇവിടെ ലഭ്യമാണ്. സിനിമ മേഖലയുമായി ബന്ധപ്പെട്ട് 3 വര്ഷ പി.ജി. ഡിപ്ലോമ, 2 വര്ഷ പി.ജി ഡിപ്ലോമ, ഒരു വര്ഷ പി.ജി സര്ട്ടിഫിക്കറ്റ് കോഴ്സുകള് ഇവിടെ ലഭ്യമാണ്. കോഴ്സുകളിലെ പ്രവേശനം ദേശീയ തലത്തില് നടത്തുന്ന ജോയിന്റ് എന്ട്രന്സ് ടെസ്റ്റ് (ജെ.ഇ.ടി-ജെറ്റ്) അടിസ്ഥാനമാക്കിയാണ്.
ഫിലിം വിങ്ങിലെ കോഴ്സുകള് ഗ്രൂപ്പ് എ (3 വര്ഷം)
1. ഡയറക്ഷന് ആന്റ് സ്ക്രീന്പ്ലേ റൈറ്റിങ്
2. സിനിമറ്റോഗ്രാഫി
3. എഡിറ്റിങ്
4. സൗണ്ട് റെക്കോഡിംങ് ആന്റ് സൗണ്ട് ഡിസൈന് (പൂണെ, കൊല്ക്കത്ത)
5. ആര്ട്ട് ഡയറക്ഷന് ആന്റ് പ്രൊഡക്ഷന് ഡിസൈന് (പൂണെ)
6. പ്രൊഡ്യൂസിങ് ഫോര് ഫിലിം ആന്റ് ടെലിവിഷന് (കൊല്ക്കത്ത)
6. അനിമേഷന് സിനിമ (കൊല്ക്കത്ത)
ഗ്രൂപ്പ് ബി (2 വര്ഷം): ആക്ടിങ് (പൂണെ)
ഗ്രൂപ്പ് സി (1 വര്ഷം): ഫീച്ചര് ഫിലിം സ്ക്രീന് പ്ലേ റൈറ്റിങ് (പൂണെ)
പൂണെ ഫിലിം ഇന്സ്റ്റിറ്റ്യൂട്ട് നടത്തുന്ന ഡയറക്ഷന് ആന്റ് സ്ക്രീന്പ്ലേ റൈറ്റിംങ്, സൗണ്ട് റെക്കോഡിങ് ആന്റ് സൗണ്ട് ഡിസൈന്, എഡിറ്റിംങ്, സിനിമാറ്റോഗ്രാഫി, ആര്ട്ട് ഡയറക്ഷന് ആന്റ് പ്രൊഡക്ഷന് ഡിസൈന്, ആക്ടിങ് എന്നീ പി. ജി ഡിപ്ലോമ കോഴ്സുകള്, എന്നിവ ഇന്ത്യന് സര്വകലാശാലകള് നല്കുന്ന മാസ്റ്റേഴ്സ് ബിരുദത്തിന് തുല്യമായി കണക്കാക്കുന്നുണ്ട്.
പ്രവേശന യോഗ്യത സിനിമാ വിഭാഗത്തില്, സൗണ്ട് റെക്കോഡിങ് ആന്റ് സൗണ്ട് ഡിസൈനിംങ് കോഴ്സ് പ്രവേശനത്തിന് പ്ലസ്ടു തലത്തില് ഫിസിക്സ് ഒരു വിഷയമായി പഠിച്ചതിനു ശേഷം, ഏതെങ്കിലും ഒരു വിഷയത്തില് ബിരുദമെടുത്തവര്ക്ക് അപേക്ഷിക്കാം. ആര്ട് ഡയറക്ടര് ആന്ഡ് പ്രൊഡക്ഷന് ഡിസൈന് പ്രവേശനത്തിന് അപേക്ഷകര്ക്ക്, അപ്ലൈഡ് ആര്ട്സ്, ആര്ക്കിടെക്ചര്, പെയിന്റിംങ്, ഡിസൈനര്, സ്കള്പ്ചര്, ഇന്റീരിയല് ഡിസൈന് എന്നിവയിലൊന്നിലെ ബിരുദം. അല്ലെങ്കില് ഫൈന് ആര്ട്സുമായി ബന്ധപ്പെട്ട മേഖലയിലെ ബിരുദമോ തത്തുല്യ ഡിപ്ലോമ യോഗ്യതയോ വേണം. ബാക്കി എല്ലാ കോഴ്സുകള്ക്കും അടിസ്ഥാന യോഗ്യത ബിരുദമാണ്.
ടെലിവിഷന് /ഇലക്ട്രോണിക് ആന്റ് ഡിജിറ്റല് മീഡിയ വിഭാഗത്തില്, സൗണ്ട് റെക്കോഡിംങ് ആന്റ് ടെലിവിഷന് എന്ജിനീയറിംങ്, സൗണ്ട് ഫോര് ഇലക്ട്രോണിക് ആന്ഡ് ഡിജിറ്റല് മീഡിയ എന്നീ പ്രോഗ്രാമുകളിലെ പ്രവേശനത്തിന്, പ്ലസ്ടു തലത്തില് ഫിസ്ക്സ് ഒരു വിഷയത്തില് പഠിച്ചതിനുശേഷം ഏതെങ്കിലും ഒരു വിഷയത്തില് ബിരുദമെടുത്തവര്ക്ക് അപേക്ഷിക്കാം. ഈ വിഭാഗത്തിലെ മറ്റെല്ലാ കോഴ്സുകള്ക്കും, വിദ്യാര്ത്ഥിക്ക,് ഏതെങ്കിലും വിഷയത്തില് ബാച്ചിലര് ബിരുദം വേണം.
ഒരാള്ക്ക് സിനിമ വിഭാഗത്തിലെ ഒരു കോഴ്സിനും ടെലിവിഷന് വിഭാഗത്തിലെ ഒരു കോഴ്സിനും അപേക്ഷിക്കാം. ഫിലിംവിങ് വിഭാഗത്തില് ഏതെങ്കിലുമൊരു കോഴ്സിന് അപേക്ഷിക്കാന്, പട്ടിക/ഭിന്ന ശേഷിക്കാര്ക്ക് അപേക്ഷാ ഫീസ് 1250 രൂപയാണ്. മറ്റെല്ലാ വിഭാഗക്കാര്ക്കും 4000 രൂപയായിരിക്കും.
ടെലിവിഷന്/ഇലക്ട്രോണിക് ആന്റ് ഡിജിറ്റല് മീഡിയ വിഭാഗത്തിലും ഏതെങ്കിലും ഒരു കോഴ്സിന് അപേക്ഷിക്കാനുള്ള ഫീസ് പട്ടിക/ഭിന്ന ശേഷിക്കാര്ക്ക 1250 ..മറ്റെല്ലാ വിഭാഗക്കാര്ക്കും 4000 രൂപയാണ്.
ഫീസ്, ഡെബിറ്റ്/ക്രെഡിറ്റ് കാര്ഡുപയോഗിച്ച് അടയ്ക്കാം. പരീക്ഷയുടെ അഡ്മിറ്റ് കാര്ഡ്, ഫെബ്രുവരി 14 നും 24 നും ഇടയ്ക്ക് വെബ്സൈറ്റില് നിന്നും ഡൗണ്ലോഡ് ചെയ്തെടുക്കാം. അഡ്മിറ്റ് കാര്ഡ് തപാലില് അയക്കുന്നതല്ല.
https://www.facebook.com/Malayalivartha