ഇന്ത്യൻ നഴ്സുമാർക്ക് വിദേശങ്ങളിൽ വൻ ഡിമാൻഡ്
സ്വദേശീവൽക്കരണം മൂലം ഒട്ടേറെ ഇന്ത്യക്കാർക്ക് ഗൾഫ് രാജ്യങ്ങളിൽ നിന്ന് തിരികെ പോരേണ്ടി വന്നിട്ടുണ്ടെങ്കിലും തൊഴിലധിഷ്ഠിത ജെലാളികൾക്ക് ഇപ്പോഴും ഇന്ത്യാക്കാർക്ക് പ്രത്യേകിച്ച് മലയാളികൾക്ക് എന്നും അവസരമുണ്ട്. ഇപ്പോൾ ഒമാൻ ആരോഗ്യ മന്ത്രാലയം നിരവധി ഒഴിവുകളാണ് നഴ്സുമാർക്കായി ഒരുക്കുന്നത് . ഒഴിവുകൾ ഇന്ത്യാക്കാരായ വനിതാ നഴ്സുമാർക്ക് മാത്രമാണ് .
ഇന്ത്യൻ നഴ്സുമാർക്ക് മാത്രം നിയമനം നൽകുന്നതിനെ സംബന്ധിച്ച് പരാതി ഉണ്ടായിരുന്നെങ്കിലും ആരോഗ്യ മന്ത്രാലയം അതിനു മറുപടി നൽകി കഴിഞ്ഞു. സ്വദേശി നഴ്സുമാർക്ക് പകരം ഇന്ത്യൻ നഴ്സുമാരെ നിയമിക്കുന്നത് സംബന്ധിച്ചുള്ള ചോദ്യത്തിനുമന്ത്രാലയം മറുപടി നൽകിയത് വിദഗ്ധരും പരിചയ സമ്പന്നരുമായ നഴ്സുമാരെയാണ് തേടുന്നതെന്ന് എന്നായിരുന്നു . മാത്രവുമല്ല 2018 ജൂൺ 30 വരെ 185 സ്വദേശി നഴ്സുമാരെ നിയമിച്ച് കഴിഞ്ഞതായും മന്ത്രാലയം അറിയിച്ചു.
400 ഇന്ത്യൻ നഴ്സുമാർക്കാണ് ഒമാൻ ആരോഗ്യവകുപ്പിൽ തൊഴിൽ അവസരം ഉള്ളത്.
ഓപറേഷൻ തിയേറ്റർ, ഐസിയു, പിഐസിയു, എൻഐസിയു, സിസിയു, മെഡിക്കൽ, ശസ്ത്രക്രിയ, ആക്സിഡന്റ്, അത്യാഹിതം, ഡയാലിസിസ് എന്നീ വിഭാഗങ്ങളിലാണ് വിദഗ്ധരായ നഴ്സുമാർക്ക് നിയമനം നൽകുന്നത്.
ഒമാനിന് പുറമെ ഇപ്പോൾ നഴ്സുമാരെ ആവശ്യമുള്ളത് ഇംഗ്ലണ്ടിലേക്കാണ് .ഇംഗ്ലണ്ടിൽ എൻ.എച്ച്.എസ് ഫൗണ്ടേഷൻ ട്രസ്റ്റിന് കീഴിലുള്ള ആശുപത്രികളിൽ നഴ്സുമാരെ നിയമിക്കുന്നതിന് നോർക്ക റൂട്ട്സ്
ആണ് അപേക്ഷ ക്ഷണിച്ചിട്ടുള്ളത് . ഒരു വർഷം പ്രവൃത്തി പരിചയമുള്ള ബി എസ്സി /ജി എൻ എം നഴ്സ്മാർക്ക് ആണ് അവസരം
ഐ .ഇ.എൽ.റ്റി.എസ് അക്കാഡമിക്കിന് റൈറ്റിങ്ങിൽ 6.5 ഉം മറ്റ് വിഭാഗങ്ങളിൽ 7 ഉം സ്കോർ അല്ലെങ്കിൽ ഒ ഇ റ്റി ബി ഗ്രേഡ് നേടിയവർക്കാണ് ആദ്യ ബാച്ചിൽ നിയമനം.
അഭിമുഖവും യോഗ്യതാ പരീക്ഷയും ഉണ്ടാകും. ഇതിൽ വിജയിക്കുന്നവരെയാണ് നിയമിക്കുന്നത് . ജനുവരി 31, ഫെബ്രുവരി 12 എന്നീ തീയതികളിൽ അഭിമുഖം നടക്കും.
ആദ്യഘട്ടത്തിൽ മൂന്നു വർഷത്തേയ്ക്കാണ് നിയമനം. ശമ്പളം പ്രതിവർഷം ബാൻഡ് 4 ഗ്രേഡിൽ 17,93,350 രൂപ വരെയും ബാൻഡ് 5 ഗ്രേഡിൽ 20,49,047 രൂപ വരെയും ലഭിക്കും. താമസം, വിമാന ടിക്കറ്റ് എന്നിവ ഉൾപ്പെടെ ചെലവ് സൗജന്യമാണ്.
താത്പര്യമുള്ളവർ നിശ്ചിത മാതൃകയിൽ തയ്യാറാക്കിയ ബയോഡേറ്റ, പൂരിപ്പിച്ച എൻ എച്ച് എസ് അപേക്ഷ കവർ ലറ്റർ, മറ്റു അനുബന്ധ രേഖകൾ സഹിതം rm@norkaroots.net എന്ന മെയിൽ ഐ.ഡിയിൽ അപേക്ഷ അയക്കണം
കൂടുതൽ വിവരങ്ങൾക്ക് വെബ്സൈറ്റ് www.norkaroots.net,
കൂടാതെ 24 മണിക്കൂർ കാൾ സെന്റർ നമ്പർ ആയ 1800 425 3939 ൽ വിളിച്ചു വിശവിവരങ്ങൾ അറിയാം .
https://www.facebook.com/Malayalivartha