നഴ്സുമാർക്ക് യു.കെ.യിലെ എൻ.എച്ച്.എസ് ട്രസ്റ്റിന്റെ കീഴിലുള്ള പ്രമുഖ ആശുപത്രികളിൽ നിയമനത്തിനായി ഒഡെപെക് അവസരമൊരുക്കുന്നു.നഴ്‌സിംഗിൽ ഡിഗ്രി അഥവാ ഡിപ്ലോമയും ആറ് മാസത്തെ പ്രവൃത്തി പരിചയവും ഉള്ളവർക്ക് അപേക്ഷിക്കാം. IELTS/OET യോഗ്യത നേടിയവർക്ക് ഉടൻ നിയമനം ലഭിക്കും. IELTS ൽ നിശ്ചിത സ്‌കോർ ലഭിക്കാത്തവർക്ക് പ്രത്യേക പരിശീലനം നൽകും. നിലവില്‍ ഐ ഇ എല്‍ റ്റി എസ് അക്കാഡമിക്കിന് റൈറ്റിങ്ങില്‍ 6.5 ഉം മറ്റ് വിഭാഗങ്ങളില്‍ 7 ഉം സ്‌കോറിങ് അല്ലെങ്കില്‍ ഒ ഇ റ്റി ബി ഗ്രേഡ് നേടിയവര്‍ക്കാണ് ആദ്യ ബാച്ചില്‍ നിയമനം. ഐ ഇ എല്‍ റ്റി എസില്‍ 6 സ്‌കോറിങ്ങുള്ളവര്‍ക്ക് മതിയായ യോഗ്യത നേടുന്നതിനു സ്‌കോർ മെച്ചപ്പെടുത്താനായി പരിശീലനം നല്‍കും. ഇതിനു പ്രത്യേക ഫീസീടാക്കും . മതിയായ സ്‌കോറിങ്ങ് ലഭിക്കുന്നവര്‍ക്ക് കോഴ്‌സ് ഫീസ് പൂര്‍ണ്ണമായും തിരികെ നല്‍കുന്നതാണ്.രജിസ്‌ട്രേഷന്‍ യോഗ്യത നേടാൻ റൈറ്റിങ് വിഭാഗത്തിലെ സ്‌കോർ 6.5 മതി. മറ്റ് വിഭാഗങ്ങളായ സ്പീക്കിങ്, ലിസണിങ്, റീഡിങ് തുടങ്ങിയവയിൽ നിലവിലെ സ്‌കോർ ആയ 7 തന്നെ വേണം. ഏറ്റവും പ്രയാസകരമായ റൈറ്റിങ് വിഭാഗത്തിൽ മുൻപ് ആവശ്യമായ സ്‌കോർ 7 നേടാൻ ബഹുഭൂരിപക്ഷത്തിനും കഴിയാറില്ല. അത് ഇപ്പോൾ 6 .5 എന്നാക്കിയത് വിദേശ നേഴ്സ് ജോലി സ്വപ്നം കാണുന്നവർക്ക് ആശ്വാസകരമായിട്ടുണ്ട്. ഓവറോള്‍ സ്‌കോര്‍ ഏഴ് എന്നതില്‍ ഇപ്പോഴും മാറ്റമില്ല. ഐ.ഇ.എല്‍.ടി.എസ്. പരീക്ഷയുടെ കാലാവധി രണ്ടു വര്‍ഷമായതിനാല്‍ 2017 ജനുവരിക്കു ശേഷം പരീക്ഷയെഴുതി സമാനമായ സ്‌കോര്‍ നേടിയവര്‍ക്ക്, അതായത് റൈറ്റിങ്ങിൽ മാത്രം 6 .5 ഉം സ്പീക്കിങ്, ലിസണിങ്, റീഡിങ് എന്നിവയിൽ 7 ഉം ലഭിച്ചവർക്ക് അപേക്ഷിക്കാവുന്നതാണ്‌.ശമ്പളം പ്രതിവര്‍ഷം ബാന്‍ഡ് 4 ഗ്രേഡില്‍ 17,93,350 രൂപ വരെയും ബാന്‍ഡ് 5 ഗ്രേഡില്‍ 20,49,047 രൂപവരെയും ലഭിക്കും. താമസം, വിമാന ടിക്കറ്റ് എന്നിവ ഉള്‍പ്പെടെ ചെലവ് സൗജന്യമാണ്നിയമനം തികച്ചും സൗജന്യമാണ്. ഈ പ്രോഗ്രാമിനെ നഴ്സുമാർക്ക് പരിചയപ്പെടുത്തുന്നതിനായി ഈ മാസം 19 ന് രാവിലെ 10 ന് തൊടുപുഴ പെൻഷൻ ഭവനിലും പാലക്കാട് ചിറ്റൂരുള്ള കരിയർ ഡവലപ്‌മെന്റ് സെന്ററിലും വച്ച് ജില്ലാ എംപ്ലോയ്‌മെന്റ് എക്‌സ്‌ചേഞ്ചും ഒഡെപെകും സംയുക്തമായി ബോധവത്കരണക്യാമ്പ് സംഘടിപ്പിക്കുന്നു.നഴ്‌സുമാർക്കും നഴ്‌സിംഗ് വിദ്യാർത്ഥികൾക്കും പങ്കെടുക്കാം. എൻ എച്ച് എസ് ആശുപത്രികൾ ഉൾപ്പെടെ ബ്രിട്ടനിലെ ആരോഗ്യമേഖലയിൽ ഉണ്ടാകുന്ന നേഴ്‌സിംഗ് ജീവനക്കാരുടെ കുറവ്, ബ്രെക്സിറ്റ്‌ നടപ്പാകുന്നതോടെ ഇയു രാജ്യങ്ങളിൽ നിന്നുള്ള ജീവനക്കാരുടെ കൊഴിഞ്ഞുപോക്ക് തുടങ്ങിയ കാരണങ്ങൾ കാരണം ഇന്ത്യൻ നഴ്സുമാർക്ക് യു കെ യിൽ ഇപ്പോൾ നല്ല ഡിമാൻഡ് ഉണ്ട്. എൻ എച്ച് എസ് ട്രസ്റ്റുകളുടേത് സൗജന്യ റിക്രൂട്ട്മെന്റാണ് എന്നതാണ് പ്രധാന ആകർഷണം .വിശദവിവരങ്ങൾക്ക് ജില്ലാ എംപ്ലോയ്‌മെന്റ് എക്‌സ്‌ചേഞ്ചുമായി ബന്ധപ്പെടണം.
