ദുബായ് സർക്കാർ ജോലികളിലേക്ക് ഇനി മുതൽ രജിസ്റ്റർ ചെയ്യുന്നവരിൽ നിന്നും യോഗ്യതാടിസ്ഥാനത്തിൽ തിരഞ്ഞെടുക്കുന്നവർക്കായിരിക്കും നിയമനം .ദുബൈയിൽ സർക്കാർ മേഖലയിലേക്ക് കൂടുതൽ കഴിവും, പ്രാപ്തിയുമുള്ള ആളുകളെ ആകർഷിക്കുക എന്ന ലക്ഷ്യത്തോടെ ആണ് dubaicareers.ae എന്ന വെബ് സൈറ്റ് ആരംഭിച്ചത് .. സ്മാർട്ട് ദുബൈയുടെ ഭാഗമായ ഈ സംരഭം ലിങ്ക്ഡ് ഇൻ , ഒറാക്കിൾ എന്നിവയുമായി ആയി സഹകരിച്ചാണ് വെബ്സൈറ്റ് പ്രവർത്തനം ആരംഭിച്ചത് ജോലി ഒഴിവുകളും റിക്രൂട്മെന്റും ജോലി സംബന്ധമായ വിശദവിവരങ്ങളും ഒരേ വെബ്സൈറ്റിൽ തന്നെ ലഭ്യമാകുമെന്ന സൗകര്യവും ഉണ്ട്. ജോലി അന്വേഷിച്ചു അലയേണ്ട ബുദ്ധിമുട്ട് തൊഴിൽ അന്വേഷകർക്കോ കഴിവുള്ള ഉദ്യോഗാർത്ഥികളെ കിട്ടാനായുള്ള കാത്തിരിപ്പ് തൊഴിൽ ദാതാക്കൾക്കോ വേണ്ടി വരുന്നില്ല എന്നതാണ് ഈ സംരംഭത്തിന്റെ ഏറ്റവും വലിയ നേട്ടം വിവിധ തൊഴിൽ രംഗത്ത് മുൻ പരിചയമുള്ളവർക്ക് പുറമെ പുതുതായി പഠിച്ചിറങ്ങിയവർക്കും യോഗ്യതക്കനുയോജ്യമായ ജോലി ഈ വെബ്സൈറ്റ് വഴി കണ്ടെത്താനാവും.2071 ൽ ദൂബൈയെ ലോകത്തെ ഏറ്റവും മികച്ച സ്മാർട്ട് സിറ്റിയാക്കി മാറ്റുക എന്ന കാഴ്ചപ്പാടിൻറെ പൂർണതയാണ് വെബ്സൈറ്റഡ ലക്ഷ്യമിടുന്നത് .ജോലി അന്വേഷിക്കുന്ന സ്വദേശികൾക്കും, യു.എ.ഇക്കകത്തും പുറത്തുമുള്ളവർക്കും സർക്കാർ സഹായത്തോടെ അവസരമൊരുക്കുകയും അവരുടെ കഴിവുകൾ ഈ മേഖലകളിൽ ഉപയോഗപ്പെടുത്തുകയും ചെയ്യുക എന്നതാണ് ലക്ഷ്യം.പ്രധാനമായും പുതുതായി പഠിച്ചിറങ്ങി ജോലി അന്വേഷിക്കുന്ന വരെയാണ് ഇത് ലക്ഷ്യമിടുന്നത്. സോഷ്യൽ മീഡിയയിലൂടെ സ്വയം പ്രചരണം നടത്തി കരിയർ വളർത്തിയെടുക്കാൻ ശ്രമിക്കുന്ന പുതു തലമുറക്ക് തീർച്ചയായും ഇത് നല്ലൊരു പ്ലാറ്റ്ഫോമാണെന്ന് ദുബൈ സ്മാർട്ട്ഓഫീസ് ഡയറക്ർ ജനറൽ ഡോ: ആയിശാ ബിൻത് ബുത്തി ബിൻ ബിഷ്ർ പറഞ്ഞു. തൊഴിൽ മേഖലകളിൽ പുതുതായി പഠിച്ചിറങ്ങിയ ബിരുദക്കാരെയാണ് ആവശ്യം. വ്യത്യസ്തമായ ആശയങ്ങളും കഴിവുകളും ഉപയോഗിച്ച് ഈ മേഖലകളിൽ വലിയമാറ്റങ്ങൾ കൊണ്ടുവരാൻ അവർക്കേ കഴിയൂ. അതിന് കഴിവും യോഗ്യതയും ഉളള പുതിയ ആളുകളെ ആ രംഗത്തേക്ക് കൊണ്ടുവരണം. അതിന്റെ ഭാഗമായാണ് ഈ വെബ്സൈറ്റ് സംരംഭമെന്നും അവർ വ്യക്തമാക്കി.ജോബ് പോർട്ടലിൽ ഇതിനകം 30 ഗവൺമെന്റ് മേഖലകളിലായി 600 ഓളം ഒഴിവുകൾ രേഖപ്പെടുത്തിക്കഴിഞ്ഞു .സ്വകാര്യ മേഖലകളിലെ ഒഴിവുകളിലേക്കും ഇത് പിന്നീട് ഉപയോഗപ്പെടുത്തും. അപേക്ഷകർക്ക് നേരിട്ട് ഈ സൈറ്റിൽ രജിസ്ട്രർ ചെയ്യാം. പ്രൊഫൈൽ പ്രത്യേകം യൂനിവേഴ്സൽ പോർട്ട് ഫോളിയോ ആക്കി ഒന്നിലധികം ഒഴിവുകളിലേക്ക് അപേക്ഷ അയക്കാനുള്ള സൗകര്യമുണ്ട് . മാത്രമല്ല മറ്റുള്ളവരെ അവർക്ക് യോജിച്ച അവസരങ്ങrളിലേക്ക് ലിങ്ക്ഡ് ഇൻ ലൂടെ ശുപാർശ ചെയ്യുന്നതിനുള്ള സൗകര്യവും വെബ്സൈറ്റിലുണ്ട്. തൊഴിൽ മേഖലകൾക്ക്, ഓരോ പോസ്റ്റിലേക്കും യോജിച്ച പ്രൊഫൈലുകളെ റാങ്കിംഗ് നടത്തി ഏറ്റവും മുകളിൽ വരുന്ന യോഗ്യതയുള്ള പ്രൊഫൈലുകൾ ഈ സ്മാർട്ട് സിസ്റ്റത്തിലൂടെ നൽകുന്നു. തൊഴിൽ ദാതാവിന് ഉദ്യോഗാർത്ഥിയെ ഏതവസരത്തിലും വീഡിയോ ഇന്റർവ്യൂ നടത്താനും അതുവഴി നിയമനം വേഗത്തിലാക്കാനും സാധിക്കും.. വെബ്സൈറ്റ് നിലവിൽ വരുന്നതോടെ റിക്രൂട്ട്മെന്‍റ് ചിലവു കുറഞ്ഞതും, കൂടുതൽ എളുപ്പവും ആകുമെന്നാണ് പ്രതീക്ഷിക്കുന്നത് . രജിസ്റ്റർ ചെയ്യാനായി https://www.dubaicareers.ae/en/Pages/default.aspx എന്ന ലിങ്കിൽ ക്ളിക്ക് ചെയ്യുക
"
