നാഷണല്‍ ഡിഫെന്‍സ് അക്കാഡമി ആന്‍ഡ് നേവല്‍ അക്കാഡമി (എന്‍എ) എക്സാമിനേഷന്‍ 2019ന് യൂണിയന്‍ പബ്ളിക് സര്‍വീസ് കമ്മീഷന്‍ അപേക്ഷ ക്ഷണിച്ചു. ഫെബ്രുവരി നാലു വരെ അപേക്ഷിക്കാം
നാഷണല്‍ ഡിഫെന്‍സ് അക്കാഡമി ആന്‍ഡ് നേവല്‍ അക്കാഡമി (എന്‍എ) എക്സാമിനേഷന്‍ 2019ന് യൂണിയന്‍ പബ്ളിക് സര്‍വീസ് കമ്മീഷന്‍ അപേക്ഷ ക്ഷണിച്ചു. ഫെബ്രുവരി നാലു വരെ അപേക്ഷിക്കാം. എഴുത്തുപരീക്ഷയുടെ അടിസ്ഥാനത്തിലാണു തെരഞ്ഞെടുപ്പു നടക്കുക. തിരുവനന്തപുരം, കൊച്ചി എന്നിവയാണു കേരളത്തിലെ പരീക്ഷാകേന്ദ്രങ്ങള്‍. സംസ്ഥാനത്തിനു പുറത്ത് ബാംഗളൂരും ചെന്നൈയിലും പരീക്ഷാകേന്ദ്രങ്ങളുണ്ട്. അവിവാഹിതരായ പുരുഷന്‍മാര്‍ക്ക് മാത്രമാണ് പ്രവേശനം. ഓണ്‍ലൈനായാണ് അപേക്ഷ സമര്‍പ്പിക്കേണ്ടത്.എന്‍ഡിഎ പ്രവേശനം ലഭിക്കുന്നവര്‍ക്ക് നാലുവര്‍ഷത്തെ എന്‍ജിനിയറിംഗ് പഠനം അക്കാഡമിയുടെ സ്ഥാപനങ്ങളില്‍നിന്നു ലഭിക്കും.ആകെ 392 ഒഴിവുകള്‍ ആണ് ഉള്ളത് . ആര്‍മി 208, നേവി- 42, എയര്‍ഫോഴ്സ് - 92, നേവല്‍ അക്കാഡമി എക്സിക്യൂട്ടീവ് ബ്രാഞ്ച്-50 (10+2 കേഡറ്റ് എന്‍ട്രി സ്കീം) എന്നിങ്ങനെയാണ് ഒഴിവുകള്‍.പ്രായം: അപേക്ഷകര്‍ 2000 ജൂലൈ രണ്ടിനും 2003 ജൂലൈ ഒന്നിനും മധ്യേ ജനിച്ചവരായിരിക്കണം.വിദ്യാഭ്യാസ യോഗ്യതആര്മിയിലേക്ക് പ്രവേശനം ആഗ്രഹിക്കുന്നവർ പ്ലസ്ടു പാസ് ആയിരിക്കണം . എയര്‍ഫോഴ്സ്, നേവി, നേവല്‍ അക്കാഡമി എന്നീ വിഭാഗങ്ങളിലേക്ക് അപേക്ഷിക്കുന്നവർ പ്ലസ്ടുവിനു ഫിസിക്സ്, മാത്തമാറ്റിക്സ് എന്നിവ പഠിച്ചിരിക്കണം . പ്ലസ്ടു പരീക്ഷ എഴുതുന്നവര്‍ക്കും പരീക്ഷയെഴുതി ഫലം കാത്തിരിക്കുന്നവര്‍ക്കും അപേക്ഷിക്കാവുന്നതാണ്. നേരത്തെ ഐഎന്‍എസ്ബി/പിഎബിടി പരീക്ഷകളില്‍ പരാജയപ്പെട്ടവരെ വ്യോമസേനയിലേക്കു പരിഗണിക്കില്ല.ശാരീരിക യോഗ്യത: ഉയരം കുറഞ്ഞത് 157.5 സെ.മീ. (വ്യോമസേനയിലേക്ക് 162.5 സെ.മീ.), ലക്ഷദ്വീപുകാര്‍ക്ക് രണ്ടു സെ.മീ. ഇളവുണ്ട്. തൂക്കവും ഉയരവും ആനുപാതികം.നെഞ്ചളവ്: വികസിപ്പിച്ചാല്‍ 81 സെന്‍റീമീറ്ററില്‍ കുറയരുത് (കുറഞ്ഞത് അഞ്ചു സെ.മീ. വികാസം വേണം). സ്ഥിരമായി കണ്ണട ഉപയോഗിക്കുന്നവരെ എയര്‍ഫോഴ്സിലേക്കു പരിഗണിക്കില്ല. ദൂരക്കാഴ്ച: 6/6, 6/9. ശരീരിക യോഗ്യതകള്‍ സംബന്ധിച്ച വിശദവിവരങ്ങള്‍ക്ക് വെബ്സൈറ്റില്‍ പ്രസിദ്ധീകരിച്ചിട്ടുള്ള വിജ്ഞാപനം കാണുക. വെബ്സൈറ്റ് www.upsconline.nic.inമാത്തമാറ്റിക്സ് (കോഡ്1, രണ്ടര മണിക്കൂര്‍, 300 മാര്‍ക്ക്), ജനറല്‍ എബിലിറ്റി ടെസ്റ്റ്(കോഡ്2, രണ്ടര മണിക്കൂര്‍, 600 മാര്‍ക്ക്) എന്നിവ അടിസ്ഥാനമാക്കി ഒബ്ജക്ടീവ് മാതൃകയിലുള്ള എഴുത്തുപരീക്ഷയുണ്ടാകും. അപേക്ഷാഫീസ്: 100 രൂപ. ഏതെങ്കിലും എസ്ബിഐ ശാഖയില്‍ നേരിട്ടോ എസ്ബിഐ/എസ്ബിടിയുടെ നെറ്റ് ബാങ്കിംഗ് മുഖേനയോ ഫീസടയ്ക്കാവുന്നതാണ്. എസ്‌സി/എസ്ടി വിഭാഗക്കാര്‍ക്ക് ഫീസില്ല.www.upsconline.nic.in എന്ന വെബ്സൈറ്റിലൂടെ ഓണ്‍ലൈന്‍ അപേക്ഷ സമസമർപ്പിക്കാം പാര്‍ട്ട് 1, പാര്‍ട്ട് 2 എന്നിങ്ങനെ രണ്ടു ഘട്ടമായി അപേക്ഷ പൂരിപ്പിക്കണം. ഉദ്യോഗാര്‍ഥി തന്‍റെ ഫോട്ടോയും ഒപ്പും സ്കാന്‍ ചെയ്തു സൂക്ഷിച്ചശേഷം മാത്രം അപേക്ഷ പൂരിപ്പിക്കുക. അപേക്ഷകര്‍ക്ക് ഇമെയില്‍ ഐഡി നിര്‍ബന്ധമാണ്.വിശദവിവരങ്ങള്‍ക്ക് www.upsc.gov.in സന്ദര്‍ശിക്കുക.
