എയിംസ് എംഎസ‌്സി നേഴ്സിങ്, മാസ‌്റ്റര്‍ ഓഫ‌് ബയോടെക‌്നോളജി എന്‍ട്രന്‍സ‌് വിജ‌്ഞാപനം ഫെബ്രുവരി ആദ്യം
ഓള്‍ ഇന്ത്യ ഇന്‍സ‌്റ്റിറ്റ്യൂട്ട‌് ഓഫ‌് മെഡിക്കല്‍ സയന്‍സസിലെ (എയിംസ്) എം എസ‌്സി നേഴ്സിങ് / ഇതര എംഎസ‌്സി കോഴ‌്സുകള്‍/ മാസ‌്റ്റര്‍ ഓഫ‌് ബയോടെക‌്നോളജി എന്നീ കോഴ‌്സുകളിലേക്കുള്ള എന്‍ട്രന്‍സ‌് പരീക്ഷയുടെ വിശദവിജ‌്ഞാപനം ഉടന്‍ ഉണ്ടാകുമെന്ന‌് എയിംസ് വൃത്തങ്ങള്‍ അറിയിച്ചു.
മൂന്ന് ഘട്ടങ്ങളിലായാണ് രജിസ‌്ട്രേഷന്‍ നടക്കുന്നത് . ഇതിന്റെ
ആദ്യഘട്ട രജിസ‌്ട്രേഷന്‍ ഫെബ്രുവരി ആദ്യം ആരംഭിക്കും.
ഇത്തവണ പ്രോസ‌്പെക്ടീവ‌് ആപ്ലീക്കന്റ‌്സ‌് അഡ്വാന്‍സ‌് രജിസ‌്ട്രേഷന്‍ സൗകര്യം ഒരുക്കിയിട്ടുണ്ട്. മുന്‍ വര്‍ഷങ്ങളില്‍ രജിസ‌്ട്രേഷന്‍ പ്രക്രീയ പൂര്‍ത്തിയാക്കുന്നതില്‍ വീഴ്ച വരുത്തിയതുമൂലം ധാരാളം വിദ്യാര്‍ഥികള്‍ക്ക‌് പ്രവേaശന പരീക്ഷയ‌്ക്ക‌് അവസരം നഷ്ടപ്പെട്ടിരുന്നതിനാൽ ആണ് ഈ നടപടി.
ഇവയില്‍ മൂന്ന് ഘട്ടമാണുള്ളത‌്. ഒന്നാംഘട്ടമായ ബേസിക‌് രജിസ‌്ട്രേഷന്‍ പൂര്‍ത്തിയാക്കിയാല്‍ ഇവയുടെ വിവരങ്ങള്‍ വെബ‌്സൈറ്റില്‍ പ്രസിദ്ധീകരിക്കും. അപേക്ഷകര്‍ക്ക‌് അവരുടെ അപേക്ഷയുടെ തല്‍സ്ഥിതി മനസ്സിലാക്കാനും തിരുത്തുണ്ടെങ്കിൽ അതിനുള്ള അവസരവും ഇതോടൊപ്പം ഉണ്ട് .
തുടര്‍ന്ന‌് രണ്ടാംഘട്ടമായി ഫൈനല്‍ രജിസ‌്ട്രേഷനുള്ള കോഡ‌് വിദ്യാര്‍ഥികള്‍ക്ക‌് ലഭിക്കും. മൂന്നാംഘട്ടമായ ഫൈനല്‍ രജിസ‌്ട്രേഷന്‍ ഘട്ടത്തില്‍ ഫീസ് ഒടുക്കല്‍, പരീക്ഷാ കേന്ദ്രം തെരഞ്ഞെടുക്കല്‍ എന്നിവയ‌്ക്ക‌് അവസരം ലഭിക്കും.
വിശദ വിവരങ്ങള്‍ ഉടന്‍ aiimsexams.org വെബ‌്സൈറ്റില്‍ ലഭിക്കും
https://www.facebook.com/Malayalivartha
