അമേരിക്ക, കാനഡ, ഓസ്‌ട്രേലിയ, സിങ്കപ്പൂർ, ചൈന തുടങ്ങിയ രാജ്യങ്ങളിൽ ഉപരിപഠനത്തിന് സാധ്യതകൾ ധാരാളമുണ്ട്. . യുറോപ്യൻ രാജ്യങ്ങളിൽ യു.കെ., ജർമനി, ഫ്രാൻസ്, ന്യൂസീലൻഡ്, അയർലൻഡ്, നെതർലൻഡ്‌സ്, സ്വീഡൻ എന്നിവയാണ് വിദേശവിദ്യാർഥികളെ കൂടുതലായി ആകർഷിക്കുന്നത്.
സ്കോളർഷിപ്പ്, ഫെലോഷിപ്പ്, അസിസ്റ്റന്റ്ഷിപ്പ് എന്നിവയിലൂടെ പഠനച്ചെലവ് കണ്ടെത്താം.മികച്ച ഫെല്ലോഷിപ്പ് ലഭിക്കുകയാണെങ്കിൽ വിദേശ പഠനം എന്ന കടമ്പ എളുപ്പമുള്ളതാകും. ഇപ്പോൾ അപേക്ഷിക്കാവുന്ന അഞ്ചു വിദേശ ഫെലോഷിപ്പുകളെ കുറിച്ചാണ് ഇവിടെ കൊടുത്തിരിക്കുന്നത്

ഏഷ്യ ഗ്ലോബല്‍ ഫെലോസ് പ്രോഗ്രാം

പബ്ലിക് പോളിസി രംഗത്തു തൊഴില്‍ പരിചയമുള്ളവര്‍ക്കു നേതൃപരിശീലനത്തിനുഹോങ്കോങ് സര്‍വകലാശാലയിലെ ഏഷ്യ ഗ്ലോബല്‍ ഇന്‍സ്റ്റിറ്റ്യൂട്ട് നല്‍കുന്നു.
കാലാവധി: 2019 ഓഗസ്റ്റ് 19 - നവംബര്‍ 15. യോഗ്യത:8- 25 വര്‍ഷം ജോലി പരിചയം. പൊളിറ്റിക്‌സ്, പോളിസി മേക്കിങ്, പോളിസി റിസര്‍ച്, സിവില്‍ സൊസൈറ്റി, ബിസിനസ് മേഖലകളില്‍ താല്‍പര്യമുള്ളവരാകണം. അവസാന തീയതി: ജനുവരി 31.കൂടുതല്‍ വിവരങ്ങള്‍ക്ക് www.asiaglobalfellows.hku.hk വെബ്‌സൈറ്റ് സന്ദര്‍ശിക്കുക.

കോമണ്‍വെല്‍ത്ത് ഷെയേഡ് സ്‌കോളര്‍ഷിപ്

വിവിധ ബ്രിട്ടിഷ് യൂണിവേഴ്‌സിറ്റികളില്‍ ബിരുദാനന്തര ബിരുദ പഠനത്തിനു ബ്രിട്ടിഷ് സര്‍ക്കാരിന്റെ ഇന്റര്‍നാഷനല്‍ ഡവലപ്‌മെന്റ് വകുപ്പ് നല്‍കുന്നു. കാലാവധി: 2019 ഒക്ടോബര്‍ മുതല്‍ ബിരുദം/ ബിരുദാനന്തര ബിരുദം ആണ് യോഗ്യത. അവസാന തീയതി: മാര്‍ച്ച്‌ 14.വെബ്‌സൈറ്റ്: www.cscuk.dfid.gov.uk

വില്യം ജെ. ക്ലിന്റന്‍ ഫെലോഷിപ്

ഇന്ത്യയില്‍ വിദ്യാഭ്യാസ, ആരോഗ്യ മേഖലകളിലെ സന്നദ്ധസംഘടനകളില്‍ സേവനത്തിന് അമേരിക്കന്‍ ഇന്ത്യ ഫൗണ്ടേഷന്‍ നല്‍കുന്നു. കാലാവധി: 2019 സെപ്റ്റംബര്‍ ഒന്നു മുതല്‍ ഒരു വര്‍ഷം. യോഗ്യത: ബിരുദം, പ്രായപരിധി: 34 വയസ്സ്. അവസാന തീയതി: ജനുവരി 31.വെബ്‌സൈറ്റ്: www.aif.org

ചീവ്‌നിങ് ഗുരുകുല്‍

വിവിധ മേഖലകളിലെ പ്രഫഷനലുകള്‍ക്കു ബ്രിട്ടിഷ് സര്‍ക്കാരിന്റെ ഫോറിന്‍ ആന്‍ഡ് കോമണ്‍വെല്‍ത്ത് ഓഫിസും ഓക്‌സ്ഫഡ് സര്‍വകലാശാലയും ചേര്‍ന്നു നല്‍കുന്നു. കാലാവധി: 2019 സെപ്റ്റംബര്‍ മുതല്‍ 12 ആഴ്ച.യോഗ്യത: 10 വര്‍ഷം ജോലി പരിചയം വേണം. ഇംഗ്ലിഷ് യോഗ്യതാനിര്‍ണയ പരീക്ഷ വിജയിക്കണം.അവസാന തീയതി: ഫെബ്രുവരി 27. വെബ്‌സൈറ്റ്: www.chevening.org

കോമണ്‍വെല്‍ത്ത് സ്പ്ലിറ്റ് സൈറ്റ് സ്‌കോളര്‍ഷിപ്

ബ്രിട്ടിഷ് യൂണിവേഴ്‌സിറ്റികളില്‍ തിരഞ്ഞെടുക്കപ്പെട്ട പ്രോഗ്രാമുകളില്‍ ഒരു വര്‍ഷത്തെ ഗവേഷണത്തിനു ബ്രിട്ടിഷ് സര്‍ക്കാരിന്റെ ഇന്റര്‍നാഷനല്‍ ഡവലപ്‌മെന്റ് വകുപ്പ് നല്‍കുന്നു.
കാലാവധി: 2019 ഒക്ടോബര്‍ മുതല്‍ ഒരു വര്‍ഷം.
യോഗ്യത: ഇന്ത്യയില്‍ അംഗീകൃത സര്‍വകലാശാലകളില്‍ സെപ്റ്റംബറിനകം പിഎച്ച്‌ഡിക്ക് റജിസ്റ്റര്‍ ചെയ്തവരാകണം. അവസാന തീയതി: ഫെബ്രുവരി 4. വെബ്‌സൈറ്റ്: www.cscuk.dfid.gov.uk…