പഞ്ചാബ് ആന്‍ഡ് ഹരിയാണ ഹൈക്കോടതിയില്‍ ക്ലാര്‍ക്കിന്റെ 352 ഒഴിവുകളിലേക്ക്അപേക്ഷ ക്ഷണിച്ചിരിക്കുന്നു. . ഫെബ്രുവരി 4 ന് മുൻപ് അപേക്ഷിക്കണം .
ചണ്ഡീഗഢാണ് പഞ്ചാബ് ആന്‍ഡ് ഹരിയാന ഹൈക്കോടതിയുടെ ആസ്ഥാനം. എംപ്ലോയ്‌മെന്റ് നോട്ടീസ് നമ്പര്‍: 25C/SSSC/HR/2019 അനുസരിച്ചാണ് അപേക്ഷ ക്ഷണിച്ചിരിക്കുന്നത് . നിലവിൽ ക്ലർക്ക് തസ്തികയിലേക്കാണ് അപേക്ഷകൾ വിളിച്ചിട്ടുള്ളത്. ആകെ 352 ഒഴിവുകളാണുള്ളത് . ഇതിൽ 183 ഒഴിവുകള്‍ ജനറല്‍ വിഭാഗത്തിനും മറ്റുള്ളവ ഹരിയാനയിലെ സംവരണ വിഭാഗങ്ങള്‍ക്കുമുള്ളതാണ്.

അപേക്ഷിക്കാനുള്ള യോഗ്യത ആര്‍ട്‌സ്/ സയന്‍സ്/ കൊമേഴ്‌സ്/ കംപ്യൂട്ടര്‍ ബിരുദം/ തത്തുല്യം ആണ്. ഒപ്പം എസ്എസ്എല്‍സിക്ക് ഹിന്ദി ഒരു വിഷയമായി പഠിച്ചിരിക്കണം. കംപ്യൂട്ടറും അറിഞ്ഞിരിക്കണം. പ്രായപരിധി 2019 ജനുവരി 1ന് 18-42 ആണ്.
തെരഞ്ഞെടുപ്പ്
എഴുത്തുപരീക്ഷ, കംപ്യൂട്ടര്‍ പ്രൊഫിഷ്യന്‍സി ടെസ്റ്റ് എന്നിവയുടെ അടിസ്ഥാനത്തിലാണ് തിരഞ്ഞെടുപ്പ് നടത്തുക. ഏപ്രില്‍/ മേയ് മാസത്തിലായിരിക്കും പരീക്ഷ നടത്തുന്നത്.

പൊതുവിജ്ഞാനം 50, ഇംഗ്ലീഷ് കോംപോസിഷന്‍ 50 എന്നിങ്ങനെ 100 മാര്‍ക്കിനുള്ള ചോദ്യങ്ങളടങ്ങിയ എഴുത്തുപരീക്ഷയും കംപ്യൂട്ടര്‍ പ്രൊഫിഷ്യന്‍സി ടെസ്റ്റും ഉണ്ടായിരിക്കും . നാലിലൊന്ന് എന്ന രീതിയില്‍ നെഗറ്റീവ് മാര്‍ക്കുണ്ടാവും. പരീക്ഷ ഏപ്രില്‍/ മേയ് മാസത്തിലായിരിക്കും.
അപേക്ഷാഫീസ് :

പുരുഷന്മാര്‍ക്ക് 750 രൂപയാണ് അപേക്ഷാഫീസ് . എന്നാൽ സ്ത്രീകൾക്ക് അപേക്ഷിക്കുന്നതിന് 375 രൂപ അപേക്ഷാഫീസ് ആയി അടച്ചാൽ മതി . അപേക്ഷകൾ ഓൺലൈനായാണ് അയക്കേണ്ടത്

താല്പര്യമുള്ള ഉദ്യോഗാർത്ഥികൾക്ക് www.sssc.gov.in എന്ന വെബ്സൈറ്റിൽ ലോഗിൻ ചെയ്തു അപേക്ഷിക്കാവുന്നതാണ്

ഓണ്‍ലൈന്‍ അപേക്ഷ സ്വീകരിക്കുന്ന അവസാന തീയതി ഫെബ്രുവരി 4-നാണ്. കൂടുതല്‍ വിവരങ്ങള്‍ വെബ്‌സൈറ്റില്‍ ലഭിക്കും.