കേന്ദ്രസര്‍ക്കാര്‍ സ്ഥാപനമായ ഇന്ത്യ ട്രേഡ് പ്രൊമോഷന്‍ ഓര്‍ഗനൈസേഷന്‍ വിവിധ വിഭാഗങ്ങളിലേക്ക് ഡെപ്യൂട്ടി മാനേജര്‍, സീനിയര്‍ അസിസ്റ്റന്റ് (ഇലക്‌ട്രിക്കല്‍) തസ്തികകളില്‍ അപേക്ഷ ക്ഷണിച്ചു. ഓണ്‍ലൈന്‍ എഴുത്തുപരീക്ഷ, അഭിമുഖം എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്. ഓണ്‍ലൈന്‍ വഴിയാണ് അപേക്ഷിക്കേണ്ടത്.

1. ഡെപ്യൂട്ടി മാനേജര്‍ (ജനറല്‍ കേഡര്‍)- 9 ഒഴിവുകൾ ആണുള്ളത് . അതിൽ 5 എണ്ണം ജനറൽ വിഭാഗത്തിലും ഓ ബി സിക്കാർക്ക് രണ്ടും എസ് സി ,എസ് ടി വിഭാഗത്തിന് ഓരോ സീറ്റും സംവരണം ചെയ്തിരിക്കുന്നു.

2 . ഡെപ്യൂട്ടി മാനേജര്‍ (ലോ)- ഒഴിവുകളുടെ എണ്ണം 1 (ജനറല്‍) യോഗ്യത: എല്‍.എല്‍.ബി, മൂന്ന് വര്‍ഷത്തെ പ്രവൃത്തിപരിചയം. ഇംഗ്ലീഷിന് പുറമെ മറ്റേതെങ്കിലും വിദേശഭാഷകളിലുള്ള അറിവും അഭികാമ്യം . കൂടാതെ കംപ്യുട്ടർ പരിജ്ഞാനവും കണക്കിലെടുക്കും

3. ഡെപ്യൂട്ടി മാനേജര്‍ (ഫിനാന്‍സ് ആന്‍ഡ് അക്കൗണ്ട്സ്)- ഒഴിവുകളുടെ എണ്ണം 2 വര്‍ഷത്തെ പ്രവൃത്തിപരിചയവും കംപ്യൂട്ടര്‍ അക്കൗണ്ടിങ് പരിജ്ഞാനവും ഉള്ളവർക്കായിരിക്കും മുൻഗണന

4. ഡെപ്യൂട്ടി മാനേജര്‍ (ഇലക്ട്രിക്കല്‍)-1 (ജനറല്‍) യോഗ്യത: 55 ശതമാനം മാര്‍ക്കോടെ ഇലക്ട്രിക്കല്‍ എന്‍ജിനീയറിങ് ബിരുദം. ഇംഗ്ലീഷിന് പുറമെ മറ്റേതെങ്കിലും വിദേശഭാഷകളിലുള്ള പ്രാവീണ്യം, കംപ്യൂട്ടര്‍ പരിജ്ഞാനം എന്നിവ അഭിലഷണീയ യോഗ്യതകളാണ്.

6. ഡെപ്യൂട്ടി മാനേജര്‍ (ഡിസൈന്‍)- ആകെ ജനറൽ വിഭാഗത്തിൽ ഒരു ഒഴിവുമാത്രം
യോഗ്യത: 55 ശതമാനം മാര്‍ക്കോടെ കൊമേഴ്സ്/ഫൈന്‍ ആര്‍ട്സ് ബിരുദം. രണ്ട് വര്‍ഷത്തെ പ്രവൃത്തിപരിചയം. ഇംഗ്ലീഷിന് പുറമെ മറ്റേതെങ്കിലും വിദേശഭാഷകളിലുള്ള പ്രാവീണ്യം, ഡിസൈന്‍/ഡിസ്പ്ലേയില്‍ രാജ്യത്തിനകത്തുനിന്നോ പുറത്തുനിന്നോ നേടിയ പരിശീലനം എന്നിവ ഉള്ളവർക്ക് മുൻഗണന

7 . ഡെപ്യൂട്ടി മാനേജര്‍ (സെക്യൂരിറ്റി)-ജനറല്‍ വിഭാഗത്തിൽ ഒരു ഒഴിവ് . യോഗ്യത: 55 ശതമാനം മാര്‍ക്കോടെ ബിരുദം. സൈനിക വിഭാഗങ്ങളിലൊ അര്‍ധസൈനിക സേനകളിലൊ നാലുവര്‍ഷത്തെ പ്രവൃത്തി പരിചയം വേണം. ഇംഗ്ലീഷിന് പുറമെ മറ്റേതെങ്കിലും വിദേശഭാഷകളിലുള്ള പ്രാവീണ്യം, കംപ്യൂട്ടര്‍ പരിജ്ഞാനം എന്നിവ അഭിലഷണീയ യോഗ്യതകളാണ്

8 .സീനിയര്‍ അസിസ്റ്റന്റ്- 4 (ജനറല്‍ 3, ഒ.ബി.സി. 1) യോഗ്യത: ഇലക്ട്രിക്കല്‍ എന്‍ജിനീയറിങ്ങില്‍ ഡിഗ്രി/ഡിപ്ലോമ. ഡിപ്ലോമക്കാര്‍ക്ക് ഒരു വര്‍ഷത്തെ പ്രവൃത്തിപരിചയം അഭികാമ്യം .ഇംഗ്ലീഷിന് പുറമെ മറ്റേതെങ്കിലും വിദേശഭാഷകളിലുള്ള പ്രാവീണ്യം അധിക യോഗ്യതയാണ്.
ശമ്പളം-
ഡെപ്യൂട്ടി മാനേജര്‍ തസ്തികയിൽ 40,000-1,40,000 രൂപ ശമ്പളം ഉണ്ട് , സീനിയര്‍ അസിസ്റ്റന്റ് (ഇലക്ട്രിക്കല്‍ തസ്തികയിൽ 29000-110000 രൂപ ശമ്പളമുണ്ട്.
പ്രായപരിധി: ഫിനാന്‍സ് ആന്‍ഡ് അക്കൗണ്ട്സ് വിഭാഗമൊഴിച്ച് മറ്റെല്ലാ ഡെപ്യൂട്ടി മാനേജര്‍ തസ്തികകള്‍ക്കും 30 വയസ്സ്. ഫിനാന്‍സ് ആന്‍ഡ് അക്കൗണ്ട്സ് വിഭാഗത്തിലേക്ക് 32 വയസ്സ് വരെയുള്ളവർക്ക് അപേക്ഷിക്കാം . സീനിയര്‍ അസിസ്റ്റന്റ് (ഇലക്ട്രിക്കല്‍) തസ്തികയില്‍ 28 വയസ്സ് ആണ് ഉയർന്ന പ്രായപരിധി

അപേക്ഷിക്കേണ്ട വിധം: https://indiatradefair.com എന്ന വെബ്സൈറ്റില്‍ പ്രസിദ്ധീകരിച്ചിട്ടുള്ള വിജ്ഞാപനം ശ്രദ്ധയോടെ വായിച്ച്‌ മനസ്സിലാക്കുക. തുടര്‍ന്ന് ഇതേ വെബ്സൈറ്റ് വഴി ഓണ്‍ലൈന്‍ ആയി വേണം അപേക്ഷിക്കാന്‍. ഓണ്‍ലൈന്‍ അപേക്ഷയില്‍ ഉദ്യോഗാര്‍ഥിയുടെ പാസ്പോര്‍ട്ട് സൈസ് ഫോട്ടോ, കൈയൊപ്പ്, യോഗ്യതാസര്‍ട്ടിഫിക്കറ്റുകളുടെ പകര്‍പ്പുകള്‍ എന്നിവ അപ്ലോഡ് ചെയ്യണം
ഡെപ്യൂട്ടി മാനേജര്‍ തസ്തികയിലേക്ക് അപേക്ഷിക്കുന്ന ജനറല്‍, ഒ.ബി.സി. വിഭാഗക്കാര്‍ 1000 രൂപയും സീനിയര്‍ അസിസ്റ്റന്റ് (ഇലക്ട്രിക്കല്‍) തസ്തികയിലേക്ക് അപേക്ഷിക്കുന്ന ജനറല്‍, ഒ.ബി.സി. വിഭാഗക്കാര്‍ 700 രൂപയും അപേക്ഷാഫീസായി ഓണ്‍ലൈനില്‍ അടയ്ക്കണം. എസ്.സി., എസ്.ടി., അംഗപരിമിത, വിമുക്തഭട വിഭാഗക്കാര്‍ക്ക് അപേക്ഷാഫീസില്ല.
ഓണ്‍ലൈന്‍ അപേക്ഷ സ്വീകരിക്കുന്ന അവസാനതീയതി: ഫെബ്രുവരി 18