തമിഴ്നാട് സര്ക്കാരിനുകീഴിലുള്ള മെഡിക്കല് സര്വീസസ് റിക്രൂട്ട്മെന്റ് ബോര്ഡ് നഴ്സുമാരുടെ 2345 ഒഴിവുകളിലേക്ക് പരസ്യ നമ്പർ : 01/MRB/2019 പ്രകാരം അപേക്ഷ ക്ഷണിച്ചു. കരാര് നിയമനമാണ്. രണ്ട് വര്ഷത്തിനുശേഷം സ്ഥിരപ്പെടാന് സാധ്യതയുണ്ട്. തമിഴ്ഭാഷ പഠിച്ച ഇതര സംസ്ഥാനക്കാര്ക്കും അപേക്ഷിക്കാം. ജനറല് വിഭാഗക്കാര്ക്കുള്ള 634 ഒഴിവുകളിലേക്ക് ഇവരെ പരിഗണിക്കും . 14000 രൂപയാണ് മാസ ശമ്പളം . 2019 ജൂലായ് 1-ന് 18 നും 32 നും ഇടയിൽ പ്രായമുള്ളവർക്ക് അപേക്ഷിക്കാം .പരീക്ഷാ ഫീസ്: 700 രൂപയോഗ്യത: അപേക്ഷകർക്ക് തമിഴ്നാട് നഴ്സസ് ആന്ഡ് മിഡ് വൈവ്സ് കൗണ്സിലിന്റെ സ്ഥിര രജിസ്ട്രേഷന് സര്ട്ടിഫിക്കറ്റുണ്ടാവണം. എസ്.എസ്.എല്.സി. തലത്തിലോ പ്ലസ്ടു തലത്തിലോ തമിഴ് ഭാഷ പഠിച്ചിരിക്കണം. അല്ലെങ്കില് തമിഴ്നാട് പി.എസ്.സി. നടത്തുന്ന തമിഴ് ഭാഷാ പരീക്ഷ ജയിച്ചിരിക്കണംവനിതകള്ക്ക് മൂന്ന് വര്ഷത്തില് കുറയാത്ത ജനറല് നഴ്സിങ് പരിശീലനവും ആറ് മാസത്തെ മിഡൈ്വഫറി പരിശീലനവും ആണ് യോഗ്യത . തമിഴ്നാട് സര്ക്കാര് അംഗീകൃത സ്ഥാപനങ്ങളില്നിന്നുള്ള സര്ട്ടിഫിക്കറ്റ് ഉണ്ടായിരിക്കണം പുരുഷന്മാര്ക്ക് ജനറല് നഴ്സിങ്ങില് മൂന്ന് വര്ഷത്തെ പരിശീലനവും സൈക്യാട്രിയില് ആറ് മാസത്തെ പരിശീലനവും ആവശ്യമാണ്. ഒബ്ജക്ടീവ് രീതിയില് 100 മാര്ക്കിനുള്ള 200 ചോദ്യങ്ങള് ആണ് പരീക്ഷക്ക് ഉണ്ടാകുക. ഒ.എം.ആര്. പരീക്ഷ ആയിരിക്കും .. .ഇംഗ്ലീഷിലായിരിക്കും പരീക്ഷ. രണ്ടര മണിക്കൂർ ആയിരിക്കും പരീക്ഷാ ദൈര്ഘ്യം...ചുരുങ്ങിയത് 35 ശതമാനം മാര്ക്കാണ് ജയിക്കാന് വേണ്ടത്. ഇന്റര്വ്യു ഉണ്ടാവില്ല. ചെന്നൈ (കോഡ് 01), തിരുച്ചിറപ്പള്ളി (കോഡ് 02), മധുര (കോഡ് 03), തിരുനെല്വേലി (കോഡ് 04), കോയമ്പത്തൂര് (കോഡ് 05) എന്നിവിടങ്ങളിൽ പരീക്ഷാ കേന്ദ്രങ്ങള് ഉണ്ട്. അപേക്ഷ: www.mrb.tn.gov.in എന്ന വെബ്സൈറ്റില് ഓണ്ലൈനായി അപേക്ഷിക്കണം. അപേക്ഷയില് ഫോട്ടോയും ഒപ്പും അപ്ലോഡ് ചെയ്യണം. ഓണ്ലൈന് അപേക്ഷ സ്വീകരിക്കുന്ന അവസാന തീയതി: ഫെബ്രുവരി 27.വെബ്സൈറ്റിലെ വിജ്ഞാപനം പൂര്ണമായി വായിച്ച് യോഗ്യത ഉറപ്പാക്കി മാത്രം അപേക്ഷിക്കുക.
