പ്ലസ്ടൂക്കാര്‍ക്ക് റിസോഴ്സ് പേഴ്സൺ ആകാൻ അവസരം . മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി പ്രകാരം മൂവായിരത്തോളം റിസോഴ്‌സ് പേഴസ്ണ്‍മാരെ ഓഡിറ്റിങ്ങിനായി നിയമിക്കുന്നു.മഹാത്മാ ഗാന്ധി ദേശിയ ഗ്രാമീണ തൊഴിലുറപ്പ് നിയമം സോഷ്യല്‍ ഓഡിറ്റ് സൊസൈറ്റി കേരള'യ്ക്കു കീഴിലാണ് നിയമനം.സംസ്ഥാന സര്‍ക്കാര്‍ രൂപീകരിച്ച സ്വതന്ത്ര സ്ഥാപനമാണ് ഇത്.

ഒരു ബ്ലോക്കിന് ഒന്ന് എന്ന ക്രമത്തില്‍ 98 ബ്ലോക്ക് റിസോഴ്‌സ്‌പേഴ്‌സണ്‍മാരെയും, 2823 വില്ലേജ് റിസോഴ്‌സ് പേഴ്‌സണ്‍മാരെയുമാണ് തെരഞ്ഞെടുക്കുന്നത് .വില്ലേജ് റിസോഴ്‌സ് പേഴ്സൺ തസ്തികകളിലേക്ക് സ്ത്രീകള്‍ക്ക് 50 ശതമാനം സംവരണമുണ്ട്..
വില്ലേജ് റിസോഴ്‌സ് പേഴ്‌സണ്‍ ഓരോ പഞ്ചായത്തിനും ഒന്ന് എന്ന ക്രമത്തിലാണ് വില്ലേജ് റിസോഴ്‌സ് പേഴ്‌സണ്‍മാരെ തിരഞ്ഞെടുക്കുക. ബ്ലോക്ക് അടിസ്ഥാനത്തില്‍ റാങ്ക്‌ലിസ്റ്റ് തയ്യാറാക്കി, സ്വന്തം പഞ്ചായത്ത് ഒഴിവാക്കിയായിരിക്കും ഇവരെ നിയമിക്കുക. ഒഴിവുകളുടെ എണ്ണം: 2823.
യോഗ്യത: പ്ലസ്ടു/ തത്തുല്യം, ഉയര്‍ന്ന വിദ്യാഭ്യാസയോഗ്യതയുള്ളവര്‍ക്കും തൊഴിലുറപ്പുതൊഴിലാളികള്‍, അവരുടെ മക്കള്‍ എന്നിവര്‍ക്കും പരിഗണന ലഭിക്കും. എസ്.സി., എസ്.ടി, ബി.പി.എല്‍. കുടുംബങ്ങളില്‍ നിന്നുള്ളവര്‍ക്കും മുന്‍ഗണന ഉണ്ട്. കമ്പ്യൂട്ടര്‍ സംബന്ധമായ ഡിഗ്രി, ഡിപ്ലോമ, തുടങ്ങിയ യോഗ്യതയുള്ളവര്‍ക്കും പരിഗണന നല്‍കും. തെരഞ്ഞെടുക്കപ്പെടുന്നവർക്ക് ദിവസവേതനം 350 രൂപയായിരിക്കും . പ്രായം: 2019 ഫെബ്രുവരി 15 ന് 30 വയസ്സില്‍ താഴെ.

ബ്ലോക്ക് റിസോഴ്‌സ് പേഴ്‌സണ്‍
ബ്ലോക്കിലെ എല്ലാ പഞ്ചായത്തുകളിലെയും സോഷ്യല്‍ ഓഡിറ്റിങ്ങ് പ്രവര്‍ത്തനങ്ങള്‍ സമയബന്ധിതമായി പൂര്‍ത്തീകരിക്കുന്നതാണ് മുഖ്യ ചുമതല `
ആകെ 98 ഒഴിവുകളാണ് ഉള്ളത് . ബിരുദം/ ബിരുദാനന്തര ബിരുദം യോഗ്യതയുള്ളവർക്ക് അപേക്ഷിക്കാം.
കൂടാതെ സോഷ്യല്‍ ഓഡിറ്റില്‍ പങ്കെടുത്തും സംഘടിപ്പിച്ചുമുള്ള പരിചയം, ഒരുവര്‍ഷമെങ്കിലും എന്‍.ജി.ഒ/ സിവില്‍സൊസൈറ്റി ഓര്‍ഗനൈസേഷന്‍, പാവപ്പെട്ടവര്‍ക്കുവേണ്ടിയുള്ള അവകാശങ്ങളെക്കുറിച്ചുള്ള അഡ്വക്കസി പ്രവര്‍ത്തനങ്ങള്‍, കമ്പ്യൂട്ടറിലും ഇന്റര്‍നെറ്റിലുമുള്ള അറിവ് എന്നിവയും ആവശ്യമാണ് തൊഴിലുറപ്പ് പദ്ധതിയുമായി ബന്ധപ്പെട്ട പ്രവര്‍ത്തനങ്ങളിലുള്ള അറിവും പരിചയവും അഭികാമ്യം ആണ്. വിവരാവകാശം, വിദ്യാഭ്യാസ അവകാശം തുടങ്ങിയവയുടെ നിര്‍വഹണവുമായി ബന്ധപ്പെട്ട ക്യാമ്പെയിന്‍ പ്രവര്‍ത്തനങ്ങളിലുള്ള പങ്കാളിത്തം എന്നിവ ഉള്ളവർക്കും മുൻഗണനയുണ്ട്
പ്രായം: 2019 ഫെബ്രുവരി 15 ന് 55 വയസ്സ് തികയരുത്. ശമ്പളം: 15,000 രൂപ
തിരഞ്ഞെടുപ്പ്: എഴുത്തുപരീക്ഷയും മുഖാമുഖവും നടത്തിയാവും തിരഞ്ഞെടുപ്പ്.
താൽപ്പര്യമുള്ളവർ ഓണ്‍ലൈന്‍ ആയി അപേക്ഷിക്കണം. വിശദവിവരങ്ങള്‍ക്കും അപേക്ഷിക്കുന്നതിനും www.socialaudit.kerala.gov.in എന്ന വെബ്‌സൈറ്റ് സന്ദര്‍ശിക്കുക.

അപേക്ഷ സ്വീകരിക്കുന്ന അവസാന തീയ്യതി മാർച്ച് 6