എല്.ഐ.സിയില് അസിസ്റ്റന്റ് അഡ്മിനിസ്ട്രേറ്റിവ് ഓഫീസര്-590 ഒഴിവുകൾ ; മാര്ച്ച് 22 വരെ അപേക്ഷിക്കാം
എല്.ഐ.സിയില്(ലൈഫ് കോര്പറേഷന് ഓഫ് ഇന്ത്യ) അവസരം. അസിസ്റ്റന്റ് അഡ്മിനിസ്ട്രേറ്റിവ് ഓഫീസര് തസ്തികയിലെ ജനറലിസ്റ്റ്, ഐ.ടി., ചാര്ട്ടേഡ് അക്കൗണ്ടന്റ്, ആക്ചൂറിയല്, രാജ്ഭാഷ എന്നീ വിഭാഗങ്ങളിലേക്ക് ഇപ്പോള് ഓണ്ലൈനായി അപേക്ഷിക്കാം. 590 ഒഴിവുകളാണ് ഉള്ളത്.
ശമ്പളം:
32,795-62,315 രൂപ നിരക്കിലാണ് ശമ്പളം . ആദ്യത്തെ ഒരു വർഷം പ്രൊബേഷൻ പീരീഡ് ആയിരിക്കും .
യോഗ്യത
ഓരോ തസ്തികയിലേക്കുമുള്ള യോഗ്യതകൾ ഇങ്ങനെയാണ്
ജനറലിസ്റ്റ്:
ജനറലിസ്റ്റ് പോസ്റ്റിനു അപേക്ഷിക്കുന്നതിനു ഏതെങ്കിലും വിഷയത്തില് ബിരുദം ആണ് അടിസ്ഥാന യോഗ്യത.
ഐ.ടി.:
കംപ്യൂട്ടര് സയന്സ്/ ഐ.ടി./ ഇലക്ട്രോണിക്സില് എന്ജിനീയറിങ് ബിരുദം. അല്ലെങ്കില് എം.സി.എ./ കംപ്യൂട്ടര് സയന്സില് എം.എസ്സി ആണ് യോഗ്യത .
ചാര്ട്ടേഡ് അക്കൗണ്ടന്റ്: ബിരുദം, ഇന്സ്റ്റിറ്റ്യൂട്ട് ഓഫ് ചാര്ട്ടേഡ് അക്കൗണ്ടന്റ് ഓഫ് ഇന്ത്യയുടെ ഫൈനല് പരീക്ഷ വിജയിച്ചിരിക്കണം. ആര്ട്ടിക്കിള് പ്രസന്റേഷന് പൂര്ത്തിയാക്കിയിരിക്കണം. ഐ.സി.എ.ഐ. യിലെ അസോസിയേറ്റ് മെമ്പറായിരിക്കണം.
ആക്ചൂറിയല്: ഏതെങ്കിലും വിഷയത്തില് ബിരുദം ആണ് അടിസ്ഥാന യോഗ്യതയായി കണക്കാക്കുന്നത് .കൂടാതെ ഇന്സ്റ്റിറ്റ്യൂട്ട് ഓഫ് ആക്ചൂറീസ് ഓഫ് ഇന്ത്യ/ ഇന്സ്റ്റിറ്റ്യൂട്ട് ആന്ഡ് ഫാക്കല്റ്റി ഓഫ് ആക്ചൂറീസിന്റെ CT1, CT5,എന്നിവ ഉൾപ്പടെ 4 പേപ്പറുകള് (മൊത്തം ആറോ അതില് കൂടുതലോ) ജയിച്ചിരിക്കണം.
രാജ്ഭാഷ:
രാജ്ഭാഷ തസ്തികയിലേക്ക് അപേക്ഷിക്കുന്നവർ ഹിന്ദി/ ഹിന്ദി ട്രാന്സ്ലേഷനില് ബിരുദാനന്തര ബിരുദം ഉള്ളവരായിരിക്കണം , ഇവർ ബിരുദതലത്തില് ഇംഗ്ലീഷ് ഒരു വിഷയമായി പഠിച്ചിരിക്കണം എന്നുണ്ട് . അല്ലെങ്കില് ഇംഗ്ലീഷില് ബിരുദാനന്തരബിരുദം ഉള്ളവർക്ക് അപേക്ഷിക്കാം ,ഇവർ ബിരുദതലത്തില് ഹിന്ദി ഒരു വിഷയമായി പഠിച്ചിരിക്കണം. അല്ലെങ്കില് സംസ്കൃതത്തില് ബിരുദാനന്തര ബിരുദവും ബിരുദതലത്തില് ഇംഗ്ലീഷും ഹിന്ദിയും ഒരു വിഷയമായി പഠിച്ചവർക്കും അപേക്ഷിക്കാവുന്നതാണ് . യോഗ്യതകളെല്ലാം 2019 മാര്ച്ച് 1-നകം നേടിയതാവണം.
പ്രായം: 2019 മാര്ച്ച് 1-ന് 21-30. 1989 മാര്ച്ച് 2-നും 1998 മാര്ച്ച് 1-നും ഇടയില് (രണ്ടുതീയതികളും ഉള്പ്പെടെ) ജനിച്ചവരാവണം. എസ്.സി., എസ്.ടി.ക്കാര്ക്ക് അഞ്ചുവര്ഷവും ഒ.ബി.സി.ക്കാര്ക്ക് മൂന്നുവര്ഷവും അംഗപരിമിതര്ക്ക് ചുരുങ്ങിയത് 10 വര്ഷവും ഇളവ് അനുവദിക്കും.
അപേക്ഷാ ഫീസ്: 600 രൂപ. എസ്.സി., എസ്.ടി., അംഗപരിമിതര് എന്നിവര്ക്ക് 100 രൂപ. ഫീസ് ഓണ്ലൈനായി മാര്ച്ച് 22-നകം അടയ്ക്കണം. ഇതിനുള്ള ലിങ്ക് ഓണ്ലൈന് ഓണ്ലൈന് അപേക്ഷയ്ക്കൊപ്പം വെബ്സൈറ്റില് ലഭിക്കും.
തിരഞ്ഞെടുപ്പ്:
പ്രിലിമിനറി, മെയിന്,ഇന്റര്വ്യൂ എന്നിങ്ങനെയാണ് തിരഞ്ഞെടുപ്പ്. പ്രിലിമിനറി പരീക്ഷ എല്ലാ തസ്തികയ്ക്കും പൊതുവായിരിക്കും......മെയിന് പരീക്ഷ ജനറലിസ്റ്റ്, ഐ.ടി./ ചാര്ട്ടേഡ് അക്കൗണ്ടന്റ്/ ആക്ചൂറിയല്, രാജ്ഭാഷ എന്നിങ്ങനെ മൂന്നായി നടത്തും.ഇവയുടെ പരീക്ഷാ സ്കീം വെബ്സൈറ്റില് ഔദ്യോഗിക വിജ്ഞാപനത്തോടൊപ്പം ലഭിക്കും.
മെയിന് പരീക്ഷ ജയിക്കുന്നവര്ക്ക് ഇന്റര്വ്യൂ ഉണ്ടാവും. .
മേയ് 4, 5 തീയതികളില് പ്രിലിമിനറി പരീക്ഷയും,ജൂണ് 28-നു മെയിന് പരീക്ഷയും നടക്കും. തിരുവനന്തപുരം, കൊല്ലം, ആലപ്പുഴ, കോട്ടയം, കൊച്ചി, തൃശ്ശൂര്, പാലക്കാട്, മലപ്പുറം, കോഴിക്കോട്, കണ്ണൂര് എന്നിവയാണ് കേരളത്തിലെ പരീക്ഷാകേന്ദ്രങ്ങള്.
അപേക്ഷ: www.licindia.in എന്ന വെബ്സൈറ്റില് ഓണ്ലൈനായി അപേക്ഷിക്കണം. ഓണ്ലൈന് അപേക്ഷയില് ഉദ്യോഗാര്ഥിയുടെ പാസ്പോര്ട്ട് സൈസ് ഫോട്ടോ, ഒപ്പ്, ഇടത് തള്ളവിരലടയാളം എന്നിവ സ്കാന്ചെയ്ത് അപ്ലോഡ്ചെയ്യണം. കൂടാതെ I ------- (Name of the candidate), hereby declare that all the information submitted by me in the application form is correct, true and valid. I will present the supporting documents as and when required എന്ന ഡിക്ലറേഷന് സ്വന്തം കൈപ്പടയില് തയ്യാറാക്കി സ്കാന്ചെയ്ത് അപ്ലോഡ്ചെയ്യണം..
അപേക്ഷ സ്വീകരിക്കുന്ന അവസാന തീയതി : മാര്ച്ച് 22 ആണ്
https://www.facebook.com/Malayalivartha