മിലിറ്ററി കോളേജ് ഓഫ് ടെലെകോംമ്യൂണിക്കേഷൻ എഞ്ചിനിയറിങ്ങിൽ അധ്യാപക ഒഴിവിലേക്ക് അപേക്ഷ ക്ഷണിച്ചു. പ്രൊഫസർ, അസ്സോസിയേറ്റ് പ്രൊഫസർ, അസിസ്റ്റന്റ് പ്രൊഫസർ എന്നി തസ്തികകളിലായിട്ടാണ് ഒഴിവുകൾ. കരാർ നിയമനമാണ്. ഇലക്ട്രോണിക്സ് ആൻഡ് ടെലെകോംമ്യൂണിക്കേഷൻ എഞ്ചിനീയറിംഗ്/ കമ്പ്യൂട്ടർ എഞ്ചിനീയറിംഗ് ആൻഡ് ഇൻഫർമേഷൻ ടെക്‌നോളജി എന്നി വിഷയത്തിലാണ് ഒഴിവുകൾ.

ഇതിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത പ്രൊഫസർക്ക് ബന്ധപ്പെട്ട വിഷയത്തിൽ പി. എച്.ഡിയും, അസ്സോസിയേറ്റ് പ്രൊഫസർ, അസിസ്റ്റന്റ് പ്രൊഫസർ തസ്തികകളിലേക്ക് ബന്ധപ്പെട്ട വിഷയത്തിൽ ബി ഇ / ബിടെക്ക്/ എം ഇ/ എം ടെക്ക്. ബിരുദത്തിനോ ബിരുദാനന്തര ബിരുദത്തിനോ ഫസ്റ്റ് ക്ലാസ് ഉണ്ടായിരിക്കണം/ പി എച് ഡിയുമാണ് യോഗ്യത.

പ്രൊഫസർക്ക് പത്തു വർഷത്തെയും അസ്സോസിയേറ്റ് പ്രൊഫസർക്ക് അഞ്ചു വർഷത്തെയും അസിസ്റ്റന്റ് പ്രൊഫസർക്ക് രണ്ടുവർഷത്തെ പ്രവർത്തി പരിചയം ഉണ്ടായിരിക്കണം.

ഇ-മയിൽ വഴി ആവശ്യപ്പെട്ട് ഫോം വരുത്തി അപേക്ഷിക്കണം. അപേക്ഷിക്കേണ്ട അവസാന തീയതി ഒക്ടോബര് 30.