പി.എസ്.സി നാലു തസ്തികകളിലേക്കുള്ള സാധ്യതാ പട്ടിക ഉടന്‍ പ്രസിദ്ധീകരിക്കും
നാലു തസ്തികകളിലേക്കുള്ള സാധ്യതാ പട്ടിക ഉടന്‍ പ്രസിദ്ധീകരിക്കുന്നതിനു തിങ്കളാഴ്ച ചേര്‍ന്ന പിഎസ്‌സി യോഗം തീരുമാനിച്ചു. പാലക്കാട്, തൃശൂര്‍, എറണാകുളം ജില്ലകളിലെ വിവിധ വകുപ്പുകളില്‍ ആയ, കൊല്ലം, കോട്ടയം, വയനാട്, കാസര്‍ഗോഡ് ജില്ലകളില്‍ ആരോഗ്യ വകുപ്പില്‍ മോട്ടോര്‍ മെക്കാനിക്, ഇടുക്കി ജില്ലയില്‍ ഹോമിയോപ്പതി വകുപ്പില്‍ ഫാര്‍മസിസ്റ്റ് ഗ്രേഡ് രണ്ട് (ഹോമിയോവിശ്വകര്‍മ), മലപ്പുറം ജില്ലയില്‍ ഹോമിയോപ്പതി വകുപ്പില്‍ ഫാര്‍മസിസ്റ്റ് ഗ്രേഡ് രണ്ട് (ഹിന്ദു നാടാര്‍), ഇടുക്കി ജില്ലയില്‍ ഹോമിയോപ്പതി വകുപ്പില്‍ ഫാര്‍മസിസ്റ്റ് ഗ്രേഡ് രണ്ട് (എസ്‌സി) എന്നീ തസ്തികകളിലേക്കുള്ള സാധ്യതാ പട്ടികയാണ് പ്രസിദ്ധീകരിക്കുന്നത്.
മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രഫസര്‍ ഇന്‍ ഇന്‍ഫെക്ഷ്യസ് ഡിസീസസ്, മെഡിക്കല്‍ വിദ്യാഭ്യാസ വകുപ്പില്‍ സീനിയര്‍ ലക്ചറര്‍ ഇന്‍ ഡെര്‍മറ്റോളജി ആന്‍ഡ് വെനറോളജി (എസ്‌സി), ഹയര്‍ സെക്കന്‍ഡറി വിദ്യാഭ്യാസ വകുപ്പില്‍ ഹയര്‍ സെക്കന്‍ഡറി സ്‌കൂള്‍ ടീച്ചര്‍ കോമേഴ്‌സ് (ജൂണിയര്‍), സോഷ്യോളജി (എസ്‌സി) എന്നീ തസ്തികകളിലേക്കുള്ള ചുരുക്കപ്പട്ടിക പ്രസിദ്ധീകരിക്കുന്നതിനും യോഗം തീരുമാനിച്ചു.
https://www.facebook.com/Malayalivartha
